Luke 1:20 - Buki Kimaasabaina

²⁰ Go kunōve. Guna livala tuta kaikaila goi bei simalatomota. Go guna livalayadi geya kunumisedita, tauna ame tuta maem imoumou, e geya itoboinemta kubóbwara ana kadókana ame dogoiyadi bogina simalatomota baige.’

Luke 1:20 ပူးပေါင်းရင်းမြစ်များ

Tateta 4:11

Go kina Yauwe idigo kana, ‘Go nakona avatau tomota sopadi imadagidi? Avatau tomota geya sibobóbwara imadagidi o avatau kidi taiyadi patupatudi o ma matadi be matadi kebokeboidi imadagidi? Moe Yau Yauwe ae?

Maki 16:14

Niga Yeisu ina tovatotowanayao yawou tayamo sikakáika go, matadi goi Yeisu ivataoduwe. Ivataoduwe go, geya idi numisamo pasina be nakae idi dabakasa pasina ibowoidi idigo kana, ‘Komi manakae! Guna taoyamna mlina avataoduwegu sedao yaidi namlieta moe sitalavaite yaimi go, geya konumisedita!’

Maki 9:19

Go Yeisu idigo kana, ‘Komi tomota manakae? Moitamo numisa geya ae? Tuta maanawena taiyao bogina takaaiyaka go, ava tuta bei konumisedokoigu? Tuta maanawena imi dabakasa aatogage, tauna ava tuta bei konovegu? Tuwo gomanayana kōme!’

Luke 1:19

Go aneroseyana idigo kana, ‘Yau Gaberiyeli, tuta liliuna Yaubada matana goi aataoya ina nuwonúwana aguuinuwe. Tauyana ietunegu ama bei ame vala dedevinayana atalavaite yaim.

Luke 1:21

Go bodayadi nava Sakaraiya situuyaosi go, nukotodi siwowówana sinuwonúwana kadi, ‘Kaga unana Vada Kimaasabaina goi nava ikaaimúmuna?’

Luke 1:22

E Sakaraiyayana isowóduwo go, geya itoboineyeta ibóbwara boda yaidi. Tauna bodayadi bogina siyagoi Vada Kimaasabaina goi ikaalayáusa. Tuwo nimana goi ikaaukedamo yaidi unana maena imoumou.

Luke 1:45

Bogina kunumisa bego moitamo Yauwe ina livalayana yaim goi nava bei imalatomota, tauna am dedevina bogina kubabane.’

Luke 1:64

E Sakaraiyayana sopana be maena mainao sikakapu, nakae itoboine ibobwaramna. Tuwo ivatowo Yaubada iyapaliye.

Roma 3:3

Go tubudaoyadi maniyedi geya sikapipilave. Moe manuna manakaeda tanuwonúwana? Kada, ‘Diyuu maniyedi adi kawoiyana goi geya aba numisa geya, tauna Yaubada nakae geya aba numisa geya’?

2 Timoti 2:13

Neta kita geya aba numisa, e Tauyana nava aba numisa. Moitamo. Tauyana geya itoboineyeta toinina ina sinapu ilawoiwoiye.

Taito 1:2

Tauna guna kawoi pasina tauyadi silotuta yawoidi vata bei sibabane. Yawana vatayana boi nimatu tuta ana kaba vatowo goi Yaubada, Tauyana geya ipolapola, ikatotule bei ivinida.

Iberiu 6:18

Dogoiyadi aiyuwo goi, moe ina katótula be toinina yoina goi, geya itoboineyeta ipola. E ina yupunayana geya ikatuvilevileta bego kita, Tauyana yaina goi taatuvásala, itoboineda takatepatu bei kaga bogina ikaatotule talotutae bei iguinuwe.

Nuwogau 3:19

Avatauwa komi neta yau amatakooiyemi, akamamaetalimi be asapimi. Tauna kotugavīla go, kopooisōgana imi numisa manuna.