Kolose 3:20 - Buki Kimaasabaina

²⁰ Komi gogómana, kaga liliuna goi tamamiyao be sinamiyao kokabikaaonēdi. Yaubada iuyáwana tutayana komi spwagoogonimi ida Tomoya taiyao nakae koguuinuwe.

Kolose 3:20 ပူးပေါင်းရင်းမြစ်များ

Aba Vatowo 28:7

Aiyuwoina inove bego Yakobo tamadi be sinadi sopadi bogina ikabikaone, tauna bogina ina Padani Aram.

Tateta 20:12

Tamamiyao be sinamiyao kowowooinēdi, e bei yawoimi simamanao poyapoya goi yau Yauwe imi Yaubada bei avinimi.

Madiu 19:19

Tamamiyao be sinamiyao kowowooinēdi.” Tateta 20:12-16; Atukeda 5:16-20 Aiyuwoina kana, “Siyami komataakoīye nakae toinimi komatakooiyemi.”’ Vininabeso 19:18

Epeso 5:24

Nakona komi vevina konuwonúwana neta Guyau ada toyava, bego monemiyao yaidi goi geya kokatetagonemita go, moe nakae geya, go sem nakonakae Guyau ana totugugunayao sikatetaagonedi Tauyana yaina goi, e komi vevina nakae monemiyao yaidi goi kaga liliuna manudi kokatetaagonēmi.

Pilipai 4:18

E imi yabobonayana Epapirodito ime madabokina bogina ababane, tauna yau yaigu goi ilausiwosiwo, bogina yoiyagu. Imi yabobonayana moe vininabeso aiigabuna nakae. E mainina dedevina, tuwo Yaubada inove nuwona ikabi, e iuyaone.

Kolose 1:10

Latuwoma ivakayaodeimi bego koketoiya dókana nakae kita ida Tomoya ina bodao itoboineda, e bei yawoimi madabokina goi Yaubada kovauuyaone. Koketoiya dōkana ame nakae: Imi guinuwa dedevidi madabokina goi kookēuwo, imi nanamsa Tauyana manuna ibíbina,

Kolose 3:22

Komi paakonimi, kaga liliuna manudi imi tomoyamoya poyapoya goi kokabikaaonēdi. Geya kada matadi kaka goi kokabikaaonēdi geya. Moe nakae tauyadi yapali ana tolusalayao. Go sem mami kasala mooitamoina atemi goi kokaabikāwana go, mami matoita wowooinina ida Tomoya yaina goi.

Taito 2:9

Kidi go , e kukatuliiwolēdi kaga liliuna goi sikatetagonedi toinidi adi tomoyamoyayao yaidi. Tauyadi sipoikíkina adi tomoyamoyayao sivauyaonedi ame nakae: Taabu madi kapipilova sikaubodabōda,

Iberiu 13:21

Amo Yaubadayana yaina goi akawanoi bego kaga liliuna dedevina goi ikatubayasimi, bei itoboinemi ina nuwonúwana Yeisu ina vaita goi koguinuwedoko, e bei imi guinuwayana dedevina Tauyana matana goi. Yaubada aba taimámina ame tuta be nakae tuta simamaima! E nakae!

Ruti 3:5

E Rutiyana idigo kana, ‘Kaga liliuna kuudigedi bei aguinuwedi.’