Kolose 3:12 - Buki Kimaasabaina

¹² E tuwo komi Yaubada ana kinava bogina ikimasabemi toinina umana be imatakooiyemi, tauna ame sinapuyadi kwama nakae kolosīdi: Nuwokapisi, yabobona, nuwotokai, sakululu be egamogamogu manukaina.

Kolose 3:12 ပူးပေါင်းရင်းမြစ်များ

Madiu 24:22

Neta maliyalinayadi Yaubada geya ikatukakupidita, e geya vatau tayaamo ana yava bei ibabane. Go ina kinavayao pasidi moitamo ikatukakupidi.

Madiu 24:24

Moitamo. Guyau polapola be nakae tokabivalavala polapola bei sisowóduwo, aba kinana kainaaopaidi gagaidi siguuinuwedi bei tomota sivasulaaigidi. Go bei sipoikíkina bego Yaubada ina kinavayao nakae sivasulaigidi.

Madiu 24:31

Síula bei iuwe, e ina bei ietunedi sina poyapoya ana madabokina goi ina kinavayao sitaligogoidi.

Maki 13:20

Neta maliyalinayadi Yauwe geya ikatukakupidita, e geya vatau tayaamo ana yava ibabane, go sem ina kinavayao boi ikiinavedi pasidi moitamo ikatukakupidi.

Maki 13:22

Moitamo. Guyau polapola be nakae polapola bei sisowóduwo, aba kinana kainaaopaidi siguuinuwedi bei tomota sivasulaaigidi. Bei sipoikíkina bego Yaubada ina kinavayao sivasulaigidi.

Maki 13:27

Amo tutayana bei ietunedi sina poyapoya ana madabokina goi ina kinavayao sitaligogoidi.

Luke 1:78

ina nuwokapisi gagaina yaida pasidi. Ina kanuwoiyayadi pasidi mavada olagaema goi bei ima ivadadeda,

Luke 18:7

E kina go Yaubada ina kinavayao maliyalina be sabamgo situmadádana Tauyana yaina go, manakae? Bei itakinodokoidi bego kidi mooitamoidi gea geya? Tauyadi yaidi ina egamogamogu bei itoto

Roma 1:7

Leta ame moe komi, tauyami Yaubada imatakooiyemi be nakae iduuduwemi, ina kimasabayao goi ami leta. Yaubada Tamada be ida Tomoya Yeisu idi kanuwóiya be idi tuboina bei sivinimi.

Roma 13:14

go sem ida Tomoya kwama nakae talōsi go, sakavaida ana yalagau manudi taabu taatakūtu.

Roma 9:11

Moitamo ina keuwamayana moe atótula goi. Kidi lalaviyadi nava geya sibibineta nakae geya tayaamo kaga dedevina o goyogoyoina siguinuwe go, tuwo Yaubada tayamo ikinave, moe Yakobo. Moe bego ina kinavayana goi ina yúpuna nava iisowóduwo.

1 Korinta 13:4

Tomatakoi araamaitaina, tauyana kubuunuwaina. Geya ivakiipikipi; geya igagágasa; geya inuuwatue;

2 Korinta 6:6

Tuwaina ima paisewayana goi mama sinapu maavadaina, mama nanamsa, mama mesayágana, mama yabobona, mama kaiguyau, mooitamoina,

Galetiya 5:6

U moe moitamo. Avatau neta ispwagógana Guyau goi ikéuwo.

Epeso 1:4

Yabobonayadi unana ame: Boi nimatu nava poyapoya geya imadagiyeta, ilovina bego kita spwagoogonida Guyau taiyao bei kimaasabaida Tauyana umana be nakae geya ada pikwanamo Tauyana matana goi.

Epeso 4:2

Yawoimi ana madabokina goi mami nuwotokai be mami sakululu, imi egamogamogu manukaina go, mami koaaramāitana tomota liliudi yaidi goi.

Epeso 4:24

go yawoimi vau kwama vau nakae kolosīdi. Moe yawoimi vauyadi Yaubada mooitamoina imadagidi bego toinina nakae, e bei imi sinapu Tauyana nakae: Kiboobosimi tomota yaidi be nakae kimaasabaimi Yaubada umana.

Epeso 4:32

E komi sem semiyao tamo tamo koyabobonēdi, konuwokapisiyēdi be nakae konuwotaōidi nakae Yaubada nakae ina guinuwa pasina ida goyo inuwotaoidi.

Pilipai 1:8

Moitamo komi ategu. Yaubada iyagoigu, abóbwara moitamo! Guyau Yeisu ina matakoi yau yaigu goi akatukuwonemi gagaina.

Kolose 3:10

go, yawoida vau kwama vau nakae bogina talosidi. Yawoidayadi adi tomadágina iyoolimedi, e kita Tauyana ana tapata nakae, e bei Tauyana tayagoidoko.

1 Tesalonáika 5:15

Komatakaavatēmi bego geya vatau tayaamo yaimi ituli ta tomotava idi goyo ikatumapu goyo goi, go sem tuta liliuna kopooikīkina guinuwa dedevidi koguuinuwedi tonumisa yaidi goi nakae ituli ta tomotava liliudi yaidi goi.

2 Timoti 1:9

Yaubadayana iyaveda be nakae ivayokoida kita kimaasabaida Tauyana umana. Go geya kada ida guinuwa pasidi geya, go sem toinina ina nuwonúwana pasina be ina kanuwóiya pasina. Anuwoiyayana ivinida ida spwagógana Yeisu taiyao pasina nakae boi nimatu tuta ana kaba vatowo goi bogina igimilosinapuye.

2 Timoti 2:10

Moe pasina mouyadi liliudi yaidi goi amesayágana Yaubada ina kinavayao manudi bego kidi nakae adi yava sibabane. Adi yavayana moe idi spwagógana Guyau Yeisu taiyao pasina Yaubada ana tomoeeyalina vata goi bei sikaaiyaka.

Taito 1:1

Taito, Yau Paulo, Yaubada ina siyagoidoko. Nanamsayana goi tayagoi manakaeda bei yábana sinapuna goi taketoiya.

2 Pita 1:10

Tauna segowo, taabu imi sinapu nakae, go sem kopooisōgana bego imi sinapu dedevina bei koyagoidoko bego Yaubada iduduwemi o tadigo kada, ‘Ikinavemi.’ Neta mae sinapuyadi dedevidi koguuinuwedi, imi numisa goi geya kookapusi, geya toina.

1 Iyoni 4:19

Yaubada igimimatakoiyeda, tauna kita tamaatakoi.

2 Iyoni 1:13

Siyam kiinavaina ameko goi natunao idi yabobona yaim. Yau Iyoni

Nuwogau 17:14

Amo tauyadi woiwoiyana taiyao bei sispwagógana go, sivayaviya . Moe pasina tauna tolovinayadi woiwoiyana taiyao bei itogagasavedi.’