Kolose 3:10 - Buki Kimaasabaina

¹⁰ go, yawoida vau kwama vau nakae bogina talosidi. Yawoidayadi adi tomadágina iyoolimedi, e kita Tauyana ana tapata nakae, e bei Tauyana tayagoidoko.

Kolose 3:10 ပူးပေါင်းရင်းမြစ်များ

Aba Vatowo 5:1

E buki ame moe Adamayana ana liliu bukina: Tutayana Yaubada tomota iwodugu, toinina ana tapata nakae iwodugu.

Iyoni 17:3

E ame yawana vatayana: Bego tomota siyaagoim kom amta Yaubada mooitamoim be nakae siyagoigu yau Yeisu kom kuvamoleyegu ama.

Roma 12:2

Imi kasalayana ame nakae: Taabu da poyapoya kotaapatēdi, go sem Yaubada kotagōne yawoimi ikaigaviledi go, ina kaigavilayana ame nakae: Nuwomi iyoolimedi bei itoboinemi ina nuwonúwana kodovatusiye be kokamoitamoe. Moeko goi bei koyagoi kaga dedevina, kaga Yaubada ivauyaone be nakae kaga geya ana pikwanamo Yaubada matana goi.

Roma 13:12

Goyo sabamgo nakae giyakainava bogina ikavava go, maliyalina matagougouna, e giyakainava bei isowóduwo. Tauna mamaníwana ana guinuwa kwama nakae tavalilivīdi go, tovayaviya nakae mavada ana kaipíyama talosīdi.

Roma 13:14

go sem ida Tomoya kwama nakae talōsi go, sakavaida ana yalagau manudi taabu taatakūtu.

Roma 6:4

Tauna tutayana sisayoyoida, bei ina kámasa tasiuko, ana kaigigita kina taiyao sivaliwogeda bego kita Tauyana nakae ame nakae: Tauyana tokámasa yaidi Tamana ina togaga ana goi ikaitáoe, e bei kita nakae yawoida vau goi itoboineda taketoiya.

Roma 8:29

Nuwonuwanayana ame nakae: Tauyadi boi mainao igimiyagoidi, e nakae igimilovina bei tauyadi Natuna ana tapata nakae, e bei Tauyana totubukumgo kita senao badabadaida yaida goi.

2 Korinta 3:18

E kita madabokida maisida geya ana tabodamo, e maisidayadi saribu nakae goi Yauwe ana káeyana kanukanununa tagite go, Tauyana giyaina giyaina ikaigaavileda toinina ana tapata nakae tutayana ana káeyana tagite tonumisa tamo tamo goi. Moe Yauwe ina guinuwa; Tauyana moe Baloma Kimaasabaina.

2 Korinta 4:16

Tauna nukotoma geya itopeta, go sem nakona wowoda sidaudáura go, maliyalina tamo tamo nuwoda Yaubada iyoolimedi.

2 Korinta 4:6

unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu maisina goi itapasígina.

2 Korinta 5:17

Aiyuwoina Guyau ikámasa liliuda manuda, tauna avatauwa neta spwagoogonidi Guyauyana taiyao, e simalatomotavau. Sinapu bogo bogina isáwala go, konōve, sinapu vau bogina isowóduwo!

Galetiya 3:27

Bogina koyagoi. Tutayana liliumi , Guyau taiyao kospwagógana, tauna Tauyana yawoina kwama nakae bogina kokote.

Galetiya 6:15

Moitamo sakava manuna geya agagágasa. Sakava ana kúpwana be nakae sakava geya ana kupwanamo, aiyuwokova dogoi besobeso Yaubada yaina, go sem dogoi gagaina moe tamalatomotavau.

Epeso 2:10

Moitamo. Kita Yaubada ina madágina go, ida spwagógana Guyau Yeisu taiyao pasina iyolimeda guinuwa dedevidi adi guinuwa manudi. Guinuwayadi boi mainao Yaubada igimilovina bego kita ina bodao taguinuwedi.

Kolose 3:12

E tuwo komi Yaubada ana kinava bogina ikimasabemi toinina umana be imatakooiyemi, tauna ame sinapuyadi kwama nakae kolosīdi: Nuwokapisi, yabobona, nuwotokai, sakululu be egamogamogu manukaina.

Kolose 3:14

E moe sinapuyadi kolosidi ikavava, namlieta baige kolōsi. Matakoiyana goi taspwagogana dókana.

Pilemoni 1:6

Guna kawanoiyana Yaubada yaina bego ida kabivekoveko ida numisa pasina ikitogagem. Moeko goi dogoi liliudi dedevidi yaina goi siisowóduwo bei kuyagoidokoidi.

1 Iyoni 2:3

Taayagoi bego Yaubada bogina tayagoidoko ame nakae: Neta Yaubada ina lovina takabikaaonedi.

1 Iyoni 2:5

Go neta Yaubada ina livala takabiikaone, e moitamo Yaubada bogina tamatakoiyedoko nakae itoboineda. Ame nakae itoboineda tayagoidoko bego Yaubada taiyao bogina taspwagógana:

Nuwogau 21:5

Niyanayana ibóbwara ikavava, kébana esaesainayana ana totulagalaga idigo kana, ‘Kunōve! Dogoi liliudi ayolimemmneidi.’ Tuwaina kana, ‘Livalayadi be nakae mooitamoidi, tauna kuginīdi.’