Kolose 2:3 - Buki Kimaasabaina

³ Tauyana goi nanamsa madabokiina Yaubada manuna tayagoidoko; nanamsayana esaesa vamoounina nakae go, Guyau goi Yaubada ikaiwoduwe.

Kolose 2:3 ပူးပေါင်းရင်းမြစ်များ

Madiu 10:26

Tauna tomotayadi taabu komatooitēdi. Moitamo. Kaga vamoounina, nava Yaubada bei ikaiwoduwe, e tomota liliudi sigite. Kaga tomota sikamomouye, nava bei Yaubada italavaite, e tomota liliudi sinove.

Luke 11:49

Ame pasina tauna boi nimatu Yaubada mana nanamsa gagaina komi manumi idigo kana, “Guna tokabivalavala be guna aetunedi siwo yaimi. Maniyedi bei kokaumatedi go, maniyedi bei koyogedegededi.”

Roma 11:33

O Yaubada ina nanamsa be ina yagoina sivakaigaga be nakae nikuunikudi! Ina takínona be nakae ina kenao geya itoboinedeta tayagoidokoidi!

1 Korinta 1:24

Kita go nuumisaida, nakona Diyuu o nakona Totuyoyowo, Yaubada bogina iduduweda, e vala tanove, tayagoi moe Yaubada ina togaga be nakae ina nanamsa.

1 Korinta 1:30

E Yaubada ina guinuwa pasina kita Yeisu taiyao taspwagógana. Guyauyana ada nanamsa Yaubada goi ima. Tauna kita nuwona ana tokibobwatayao, ina kimasabayao be nakae taatetaida.

Epeso 1:8

Amo anuwoiyayana ivaituwe gagaina toina yaida tutayana mana nanamsa be mana yagoina

Kolose 1:19

Moe unana Yaubada mana uyáwana iilovina bego toinina aderina madabokiina Natunayana goi ikaaiyaka

Kolose 1:28

Tauyana kai kataalavaite tutayana tomota liliumi kakatusinapumi be nakae mama nanamsa gagaina kavatulukoimi. Ima talavaitayana bego itoboinema tomota liliumi kavagitakoimi komi maatuwoimi Guyau matana goi.

Kolose 1:9

Moe pasina kai nakae tutayana valemi kagiminove go, ima ame tuta ima kawanoi manumi geya kasayateta. Ima kawanoiyana bego Yaubada ina nuwonúwana ana yagoina goi ivakayaodeimi ame nakae: Baloma Kimaasabaina nanamsa liliuna ivinimi, e bei koyagoidoko.

Kolose 3:16

ina vesi goi valayana kovatulūkwana be kokatusināpu komi tamo tamo yaimi goi be nakae mami kaauyagu atemi goi kovesivēsi Yaubada yaina.

Kolose 3:3

Kita bogina takámasa nakae, e yawoida bogo bogina ikavava. Tauna yawoida mooitamoina moe vamoounina Guyau taiyao Yaubada goi.

2 Pita 1:5

E moe pasina tauna mami valitulítuwo aderimi dedevina kovaaitūwe imi numisa goi. E aderimiyana goi nanamsa kovaaitūwe.

Nuwogau 2:17

Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokōidi! Avatauwa komi neta kootogaga, e mana vamoounina bei avinimi kokáika. Aiyuwoina gurewa poowoudi bei avinimi. Gurewayadi goi you vau sikaaiyaka go, youyadi geya vatau tayaamo iyagoidi, go sem komi togogo amitava koyagoidi.”’