Kolose 2:15 - Buki Kimaasabaina

¹⁵ Moeko goi sinitu be adi tovakumgoyao idi togaga Yaubada Guyau ina guinuwa pasina ivasobusobuyedi namlieta idi neneta ikaiwoduwe, e wowodi simayamaya.

Kolose 2:15 ပူးပေါင်းရင်းမြစ်များ

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 12:29

Yau dimoni avataapiyedi go, geya kada tauyana ina togaga goi avataapiyedi. Aba gita tayamo aguinuwe bei koyagoi Yaubada Balomaina goi dimoni avataapiyedi. Ida Kaleya koroto togilúluna nakae. Avatau itoboine togilulunayana ina vada goi isiumo go, konana ivainaoidi? Geya ae? Go koroto tayamo neta togilulunayana ina vada goi isiu go, mainao ivasobusobuye namlieta baige nimana aena iyowóidi, e itoboine bei konana ivainaoidi. E yau nakae. Ida Kaleya bogina avasobusobuye, tauna itoboinegu ina dimoni avatapiyedi.

Luke 10:18

E idigo kana, ‘Tutayana dimoniyadi sikabikaonemi ida Kaleya agitegite ana kaigigita matabuwona ávila nakae yábana goi isousou.

Luke 11:22

Go tutayana isowóduwo, e togilulunayana ilaui be itogoisave go, ina kaipiyamayadi boi inuumisedi tokalikayana ikabidi inavedi. Ikavava, konanayadi ikaiguyauyedi.

Iyoni 16:11

E adi takinona manuna bei ikamamaetalidi unana Yaubada poyapoya ame ana tolovina itakino, tauna da poyapoya nakae bei itakinoidi toogoyoidi, e adi liuna sibabane.

Iyoni 19:30

E tutayana oineyana inim, idigo kana, ‘Bogina ikavava.’ Tuwo nukotona itapili, balomaina ikaiguyauye.

1 Korinta 15:24

Moe ikavava, tuta ana kaba lukavava bei ima. Amo tutayana goi Guyau tolovina liliudi be aba togaga liliudi itauwedi. Ikavava, ina kalibúbuna Tamada Yaubada nimana goi iyato.

2 Korinta 2:14

Go Yaubada yaina takauyagu unana tuta liliuna Tauyana yaviya ina tokalikumatana nakae ida nakae go, kai ima talavaita goi Yaubada ikaiwoduwe dadava liliudi bego tomota itoboinedi sisamkone, e bei Tauyana siiyagoi.

2 Korinta 4:4

Amo tauyadi geya sinumiseta. Poyapoya ame ina yaubada nuwodi ivapatudi, e mavada Vala Dedevina goi geya sigiteyeta. Vala Dedevinayana ame manuna: , Tauyana Yaubada ana tapata.

Epeso 3:10

Guna talavaitayana be guna kimavadayana bego ame tuta kita Yaubada ana totugugunayao ina nanamsa nikuunikuna takaiwoduwe sinitu liliudi be adi tovakumgoyao liliudi yábana osasaina goi yaidi.

Epeso 4:8

Moe pasina Guyau manuna idigo kana, ‘Ituko ina maeko goi ana kaleyayao itogagaasavedi iyoisidi go, tomota adi kaiguyau ivinidi.’ Same 68:18

Epeso 6:12

Unana ida yaviya geya kada sakava o ikaika yaidi goi geya, go sem ida yaviyayana moe sinitu yaidi, yaidi, mamaníwana ame ana tokalikayao yaidi be nakae totogaga goyogoyoidi yábana goi sikaaiyaka yaidi.

Kolose 1:16

Tauyana goi Yaubada kaga liliuna imadagidi; kaga neta yábana goi be nakae kaga neta poyapoya yatana goi, kaga neta taagitedi be nakae kaga neta geya tagitedita: Yábana osasaina goi tolovina liliudi, aba lovina liliudi, sinitu liliudi be adi tovakumgoyao liliudi. Kaga liliuna Yaubada imaadagidi moe Natunayana nimana goi imadagidi be nakae Tauyana manuna imadagidi.

Kolose 2:10

Yaubada bogina ivakayaodeida ida spwagógana Guyauyana taiyao pasina, tauna bogina yoiyada unana Tauyana tolovina liliudi yaidi goi toosakina.

Iberiu 2:14

E tuwo kita gogomanayada liliuda ma sakavaida be ma ikaikaida, tauna Tauyana nakae sakava be ikaika ikotedi bego ina kámasa goi itoboine bei ámasa ana tolovina ina togaga itusaoli; tolovinayana moe .

Nuwogau 12:9

Yaviya ikavava, kidi Maikoro gigimetayana mana aneroseyao siyoisidi, silavedi sisou sina poyapoya. Gigimetayana gagaina moe moteta boi nimatu ikaaiyaka. Youyuwoina moe be nakae Kaleya. Tauyana da poyapoya adi topola.

Nuwogau 20:10

Iya go Totagiwayayana moe kidi adi topola, anerose bei siyoisi, silave isou ina yeu sabeninimina be poiseni mokauna gagaina toina sinaedi goi ikaaiyaka nakae woiwoiyana be polapolayana bogina sikaaiyaka. Amoko goi bei gedageda siilotowo maliyalina be sabamgo goi go, gedagedayana geya iikavava.