Kolose 2:13 - Buki Kimaasabaina

¹³ Komi go boi mainao kaamasimi nakae imi kapipilova pasina be nakae sakavaimi geya ana kupwanamo pasina go, Yaubada yawoida vau Guyau taiyao bogina ivinida, e ida kapipilovayadi madabokina inuwotaoidi.

Kolose 2:13 ပူးပေါင်းရင်းမြစ်များ

Luke 15:24

unana ame natugu boi ikámasa go, ame maa yawoina! Boi itagau go, bogina ababane. Tauna tauyāwana.” Tuwo moitamo sivatowo siuyáwana.

Luke 15:32

E amo siyam. Boi ikámasa go, ame maa yawoina. Boi itagau go, bogina ababane, tauna itoboineda áika taguinuwe be tauyáwana.”’

Luke 9:60

Go kina Yeisu idigo kana, ‘Tokámasa kwalavēdi bei toinidi idi tokamasayao sivaliiwogedi. E kom sem kūna Yaubada ina kalibúbuna kutalavāite tomota yaidi.’

Iyoni 5:21

Kogita. Nakonakae Tamana tokámasa ikaitaoedi o tadigo kada, “Yawoidi ivinidi”, e Natuna nakae iguinuwe. Avatauwa neta Natuna ikinavedi, e yawoidi vau ivinidi.

Iyoni 6:63

moe yawana vau ana tokaiguyau go, tomota toinidi idi togaga geya ivaitedita yawana vau manuna. Yau guna livala bogina alatuwokoimi Baloma Kimaasabaina goi sima nakae livalayadi yawana vau unana.

Roma 4:17

Moe nakae boi Gínina Kimaasabaina idige, kana, ‘Avayokoim kom boda badabadaidi tubudi.’ Aba Vatowo 17:5 E Eberamo inumisa Yaubada yaina, tuwo tauyana moe madabokiida tubuda nakae Yaubada matana goi. Eberamo iyagoi Yaubada ibóbwara moitamo unana itoboine tokámasa ikaitaoedi be nakae kaga neta mainao geya sikaiyaketa, e ibóbwara sisowóduwo.

Roma 6:13

Taabu talaimi kokaasalēdi goyo yaina bei talaimiyadi ietakoidi guinuwa goyogoyoidi manudi. Go sem komi boi kaamasimi nakae go, ame maa yawoimi, e Yaubada yaina kokaasalēmi be talaimiyadi nakae kokaasalēdi Tauyana yaina bei ietakoidi kibóbwata manuna.

Roma 8:11

E Yaubada Yeisu tokámasa yaidi goi ikaitáoe, tuwo Balomaina yaida goi ikaaiyaka. Tauna nakona wowoda ame tuta bei sikámasa go, Guyau Yeisu ana Tokaitaoya bei imadagidi maa yawoidi. Balomainayana yaida goi ikaaiyaka wowoda bei imadagidi maa yawoidi.

1 Korinta 15:36

Komi yaaluwoimi! Kaga taabaguli mainao itoboine ikámasa namlieta itabo maa yawoina.

1 Korinta 15:45

Moe nakae Gínina Kimaasabaina idigedige: Koroto vakuumgoina moe Adama. Tutayana korotoyana Yaubada imolului ikavava, e tauyana maa yawoina. Ago koroto aiyuwoina moe Guyau. Tauyana iebaloma, e yawana vau ana tokaiguyau.

2 Korinta 3:6

Tauyana nakae ikitogagema bei kai ina goi. Mosese ina gininayana moe ámasa unana go, Baloma Kimaasabaina moe yawana vau unana.

2 Korinta 5:19

Moe nakae Yaubada Guyau ina guinuwa goi da poyapoya ikabivekoveekomneida toinina umana, ida kapipilova geya ituuyouyoidita go, inumisema abivekovekomna valena katalavaite.

Epeso 2:1

Komi go boi mainao kaamasimi nakae imi kapipilova be imi goyo pasidi.

Epeso 2:11

Tauna komi sitagiwoimi kadi, ‘Komi sakavaimi geya kuponinamo.’ Go sakava ana kupwanayana siguuinuwe moe tomota idi guinuwa kaka, e ame tuta geya basabasainamo. Tuwo komi konuwāisi bego boi

Epeso 5:14

Moe moitamo. Mavada kaga liliuna ikaiwoduwedi. Tauna tonumisa sidigo kadi, ‘Tomasisi e! Im masisi goi kutāoya! Nakae tokámasa yaidi goi kutaoyāmna go, itapasigim.’

Kolose 2:12

Moe nakae isowóduwo tutayana ada goi kita tokámasa nakae Guyau taiyao sivaliwogeda. Yaubada ina guinuwa tanumise unana Tauyana itoboine tokámasa ikaitaoedi, tauna kita Guyauyana goi nakae taiyao Yaubada ikaitaoeda.

1 Timoti 5:6

Go ava kobuyava neta sakavaidi sitagonedi uyáwana besobeso goi, e nakona tauyadi maa yawoidi go, balomaidi bogina sikámasa nakae.

1 Timoti 6:13

Yaubada dogoi liliudi yawoidi adi tokaiguyau. Aiyuwoina Yeisu boi iitaoya Pontiyo Pailato matana goi toinina manuna italavaita dókana. E Yaubadayana be Yeisuyana adi taiyuwokova matadi goi alovinaem

Iberiu 6:1

E tauna vatulúkwana vakuumgoidi manuna bogina tayagoidi, tauna vatulúkwana tuwaina goi tabibībina be ida numisa goi tamatūwo. Ago taabu vatulúkwana vakumgoidiyadi lasáuna nakae takaudakodaakomnēi. Moe nakae takaluvilamna tana vatulukwanayadi sivatulukomneida. Vatulukwanayadi ame nakae: Guinuwa aba kámasa goi tatugavila, numisa Yaubada yaina,

Iberiu 9:14

Amo yoguyoguyadi ikaikaidi tomota toluyedi kaka sikimavadedi go, Guyau kina ikaikaina ikalisavedi. Tauyana geya ana pikwanamo Baloma aiyako vaatayaina ina togaga goi toinina ikasale Yaubada yaina. E ida guinuwa aba kámasa bolotodi goi nuwoda ina sabutuko ikimavadedi, e bei Yaubada maa yawoina yaina tataaimámina. Tauna amo yoguyoguyadi ikaikaidi kina ikaikaina ikalisavedi, e nuwoda ikimavadedi.

Yemesa 2:17

Numisa nakae. Neta numisa kaka go, guinuwa geya, numisayana kaamasina nakae. Tauna guinuwa be numisa siituyuwo go, geya itoboinedeta numisa be guinuwa takimasabedi.

Yemesa 2:20

Kom tapaviivilim! Manakae? Aba gita avatulukoim, e bei kuuyagoi bego numisa kaka go, guinuwa geya moe geya basabasainamo?

Yemesa 2:26

Mae guna nuwonuwanayadi moe moitamo. Neta wowoda geya balomainamo, e wowodayadi kaamasidi. Numisa nakae. Numisa neta guinuwa taiyao geya situyuwoita, moe nakae numisayana kaamasina.

1 Iyoni 2:12

Komi natugowo, Yaubada imi goyo bogina inuwotaoidi Yeisu ina guinuwa pasina, tauna livala ame agini iwo yaimi.