Kolose 1:7 - Buki Kimaasabaina

⁷ Moe nakae Epapira boi bogina ivatulukoimi. Tauyana ama tosavaiyuwo be nakae ida kalo, nakae Guyau ina tovaita aba numisa komi manumi.

Kolose 1:7 ပူးပေါင်းရင်းမြစ်များ

Madiu 18:29

Tuwo tosavaiyuwoyana ikanakabobo ikawanoi makimaki pakoninayana yaina goi idigo kana, “Siyagu, kutuyāwata go, kaga liliuna nava bei ayotuli.”

Madiu 24:45

E tauna itoboine bei komi tomota be nakae tonanamsa. Tuwo ina tomoya bei ivayoko kina ina pakonayao adi tovakumgo, bei maliyalina tamo tamo tuta ana toboine goi avadi iivinidi sikakáika. Ikavava, tomoyayana ina.

Madiu 25:21

Ina tomoyayana idigo kana, “Dedevina! Kom guna pákwana dedevim be nakae . Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”

1 Korinta 4:17

Moe pasina Timoti aetune iwo. Tauyana guna kakaya be natugu aba numisa ima numisa tayamo ida Tomoya yaina pasina. Tauyana guna kaikedakeda guna spwagógana Guyau Yeisu taiyao pasina bei ikavilevilemi nakae Yeisu ana totugugunayao liliudi asa liliudi goi avatuulukoidi.

1 Korinta 4:2

Go torugwáuta manuna, e ina paisewa goi itoboine kina .

1 Korinta 7:25

E komi imi lumadádana aedi paakonidi manudi, yau geya tayaamo lovina Tomoya goi geya. Go guna nuwonúwana avinimi. E ida Tomoya inuwokapisiyegu, tauna itoboinemi konumisegu.

2 Korinta 11:23

Manakae? Kidi bego ina tovaitayao? Yau ina tovaita moitamo toina. (Ame guna bóbwara goi nakona dabagu bogina igoyo!) Go akalisavedi ame nakae: Guna poisógana Guyau manuna atogagasavedi. Deri goi akaaiyaka tuta badabadaina go, kidi geya. Agu láuwo sivavina ababanedi, geya ayagoiyeta. Tuta badabadaina giyakainava bei akámasa go, kidi geya.

Epeso 5:21

Aitonina imi wowoina Guyau yaina pasina toinimi kokatetagonēmi semiyao yaidi goi.

Pilipai 2:25

E anuwonúwana bego itoboine Epapirodito aetunemnei iwo yaimi. Tauyana siyagu, guna tosavaiyuwo be nakae tovayaviya tayamo yau taiyao Vala Dedevina ana vabodaboda manuna. Ego tauyana boi koetune ima imi yabobona ivinigu. Tauyana imi be nakae imi katumapu yau yaigu, e ivaitegu.

Kolose 4:12

Epapira, tauyana imi boda tayamo, ina yabobona yaimi. Tauyana Yeisu ina pákwana tayamo. Tuta liliuna ina kawanoi goi iikokoila manumi bego koovadókana, imi numisa goi komatuwo be nakae Yaubada ina nuwonúwana koyagoidoko.

Kolose 4:7

Tukiko bei aetune iwo bei yau valegu madabokina ilatuwokoimi. Tauyana konōve unana tauyana siyada nakae ida kalo, tayamo tovaita nakae ida tosavaiyuwo Tomoyayana umana.

Kolose 4:9

Onesimo taiyao siwowoiwo unana tauyana siyada, nakae ida kalo aba numisa be nakae komi imi boda tayamo. Kaga liliuna siisowóduwo ameko goi adi taiyuwokova bei silatuwokoimi.

1 Timoti 4:6

Moe vatulukwanayadi sedao kuvatuulukōidi. Neta nakae, e kom ana tovaita dedevina unana ida numisa ana livala be nakae vatulukwana dókana ana livala bogina kusabokuliyedokoidi. Tauna livalayadi goi balomaim kuuvavani.

2 Timoti 2:2

Boi vatulúkwana tomota badabadaidi matadi goi avatuulukoim, e moe vatulukwanayadi goi tomota kuvatuulukōidi bei itoboinedi ituli ta tomota sivatulukoidi.

Pilemoni 1:23

Epapira ina numisa Yeisu yaina pasina deri ana tokaiyako yau taiyao, e tauyana ina yabobona yaim.

Iberiu 2:17

Moe pasina tauna itoboine Tauyana kaga liliuna goi imalatomota kita senao nakae bego ietonúwala toolagaina nuwokaapisina be Yaubada ina paisewa liliudi manudi, e bei kita ina bodao ida goyo inuwolidi.

Iberiu 3:2

Tauyana ina tovayókwana yaina goi nakae Mosese aba numisa tovayokwanayana ina bodayauwo yaidi goi.