Kolose 1:18 - Buki Kimaasabaina

¹⁸ Tauyana wowona moe kita ana totugugunayao go, dabada moe Tauyana. Tauyana yawana vau ana kaba vatowo; tokámasa yaidi goi Tauyana totubukumgo bego kaga liliuna goi Tauyana toosakina.

Kolose 1:18 ပူးပေါင်းရင်းမြစ်များ

Madiu 23:8

E komi go taabu tomota kotaagonēdi siduduwemi tovatulúkwana toolagaimi. Imi tovatulúkwana tayamo toito. Nakae komi madabokimi boda tayamo, kovavasa.

Madiu 28:18

Ago Yeisu ibala ima ilatuwokoima idigo kana, ‘Lovina madabokina yábana goi be nakae poyapoya goi Yaubada Tamada bogina ivadamane yau yaigu.

Iyoni 1:1

Aba vatowo goi Livala bogina ikaaiyaka. Livalayana moe . Ikaaiyaka Yaubada taiyao go, Tauyana Yaubada.

Iyoni 1:16

Moitamo Yaubada ina kanuwoiyayana Natuna ivakayaodei. Ame anuwoiyayana gagaina goi tuta tuta madabokida ivakayaaodeida.

Iyoni 1:27

Tauyana mligu goi imamaima geya itoboineguta bei ana sendoro ana búyala ataligei unana yau sobuyekoina.’

Guinuwa 26:23

Ame nuwonuwonayadi aba kaumakimaki: Neta kina itoboine bei mamayuyu ibabane be ikámasa. Aiyuwoina neta Tauyana itoboine tokámasa yaidi goi igimitaoyamna go, ina taoyamnayana goi mavada valena bei italavaite Diyuu yaidi be nakae Totuyoyowo yaidi.’

Roma 8:29

Nuwonuwanayana ame nakae: Tauyadi boi mainao igimiyagoidi, e nakae igimilovina bei tauyadi Natuna ana tapata nakae, e bei Tauyana totubukumgo kita senao badabadaida yaida goi.

1 Korinta 11:3

E latuwogu koyagoi bego koroto liliuda dabada moe . E vevina dabadi moe koroto. E Guyau dabana moe Yaubada.

1 Korinta 12:27

E kita go madabokidakova wowona be nakae kita tamo tamo wowonayana talainao.

1 Korinta 15:25

Moitamo. Itoboine ikaalibúbuna ana kadókana ina kaleyayao liliudi aena ogalaoina goi bogina iyatoidi.

Epeso 1:10

Ina nuwonúwana ame nakae: Tutayana ina upa boi iyatoyato bogina isowóduwo, dogoi liliuna yábana goi be poyapoya ame goi ikabidi, yaina goi ilamgogomneidi, e madi spwagógana Guyau taiyao sieboda tayamo go, Tauyana dabadi.

Epeso 5:23

Unana vevina dabami moe monemiyao nakae kita, ana totugugunayao, dabada moe Guyau. Guyauyana wowona moe kita, Tauyana ada toyava.

Kolose 1:24

Ame tuta guna gedageda komi ami dedevina manuna abaabanedi auyaaonedi unana gedagedayadi goi bei itoboinegu kaga boi bogina igimilovina tonumisayao ida gedageda ana kakainaki manuna yau wowogu goi alukavavedi Tauyana wowona manuna. Wowonayana moe kita Yeisu ana totugugunayao.

Kolose 2:19

Dabada moe Guyau go, tauyadi geya siyoisikavateyeta. Tauyana pasina kita wowona madabokina Yaubada ina guinuwa goi ibíbina. Ago kita talainao ivapateda be nakae ilamgogoida ida kaba sávina tamo tamo adi vaita goi taeboda tayamo.

1 Iyoni 1:1

Tauyana aba vatowo goi go, ima ame tuta ikaaiyaka bogina kanove be kagite. Toinima matama toina goi kagite be nakae nimama goi kabisikone. Tauyana moe , Yaubada ina Livala yawoida vata manuna.

Nuwogau 1:18

Yau maa yawoigu. Boi bogina akámasa go, kunōve, maa yawoigu akaiyako vata. Magu lovina ámasa be nakae tokámasa idi dadava adi ki ayoyoisi.

Nuwogau 1:5

Iya Yeisu .’ Yeisu imatakooiyeda, tuwo ikaikaina pasina ida goyo ana togaga goi italigeida.

Nuwogau 1:8

‘Yau Alipa be Omega’, Yauwe Yaubada kaena. Tauyana Tokaiyako vata: Ame ikaaiyaka, boi nimatu ikaaiyaka go, tuta simamaima nakae nava bei ikaaiyaka. Tauyana Tokalika.

Nuwogau 11:15

Amo ikavava, anerose ainima aiyuwoina ina síula iuwe, e yábana goi níyana gagaidi sidigo kadi, ‘Ame tuta da poyapoya idi lovina bogina ikavava! Ida Tomoya bogina sietokalibúbuna. Bei sikalibubuna vata: Ame tuta be nakae tuta simamaima.’

Nuwogau 21:6

Tuwaina kana, ‘Amo bogina ikavava! Yau Totukumgo be Totumliya, Aba Vatowo be Aba Lukavava. Avatauwa neta dava sikámasa, bwae ma yawoina bei avinibesoidi.

Nuwogau 22:13

Yau Alipa be Omega, Totukumgo be Totumliya, Aba vatowo be Aba lukavava.

Nuwogau 3:14

Tuwaina Tauyana idigo kana, ‘Anerose ainima aiyuwoina Yaubada ana totugugunayao Laodiseya goi imatakaavatedi ana leta totugugunayadi manudi kugīni kam, “Yau Yeisu Aba Kamoitamo o kada, ‘Yau Totalavaita dókana be Mooitamoina, nakae Yaubada ina madaginao unadi.’ Ame nakae alatuwokoimi: