Iyoni 9:7 - Buki Kimaasabaina

⁷ idigo kana, ‘Kūna Siloam bwaena nikuunikuna goi matam kunikīdi.’ Siloamyana ana kaigavila moe vamoléyana. E tuwo tauyana ina matana inikidi ikavava, ina ina kasa goi go, itoboine igita.

Iyoni 9:7 ပူးပေါင်းရင်းမြစ်များ

Tateta 4:11

Go kina Yauwe idigo kana, ‘Go nakona avatau tomota sopadi imadagidi? Avatau tomota geya sibobóbwara imadagidi o avatau kidi taiyadi patupatudi o ma matadi be matadi kebokeboidi imadagidi? Moe Yau Yauwe ae?

Luke 13:4

Aiyuwoina tomota eitin (18) boi Siloam Yerusalema sinaena goi sikaaiyaka go, vada maanawena isou ikaumatedi. Manakae? Konuwonúwana bego kidi idi goyo ivakaigaga Yaubada matana goi namlieta kidi Yerusalema ana tokaiyakoyao madabokidi, tauna moe nakae eitiniyadi (18) sivailai ae?

Iyoni 10:36

tauna kaga unana komi kowowokoigu kodigo kami, “Kom kudigoopopóita”, tutayana kagu, “Yau Yaubada Natuna”? Yau Tamagu ikimasabegu nakae ietunegu ama poyapoya ame goi.

Iyoni 11:37

Ego maniyedi kadi, ‘Ame Tauyana tokebo matadi ikidedevinedi go, manakae? Geya tayaamo kaga itoboine iguinuwe bego siyana ikidedevine bei ina katówana goi geya ikamaseta?’

Iyoni 9:11

‘Korotoyana yoina Yeisu sépwala imadagi. Ikavava, matagu imigidi. Imigidi ikavava, ilatuwokoigu kana, “Kūna Siloam bwaena matam kunikīdi.” E tuwo ana anikidi ikavava, ame itoboinegu agita’, korotoyana kaena.

Iyoni 9:39

Tuwo Yeisu idigo kana, ‘Takínona manuna yau ama poyapoya ame goi bego kebokeboidi itoboinedi sigita go, tauyadi sigitagita matadi sikebo.’

Guinuwa 26:18

Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Roma 8:3

Bogina koyagoi. Atukeda geya itoboineyeta italigeida unana sakava sinapuna goi ineneta go, kaga Atukedayana geya itoboineyeta, e Yaubada itoboine. Ame nakae: Tutayana Yaubada toinina Natuna ietune ima, sakava mana goyo kita nakae ikote o tadigo kada, ‘Tauyana ada goyo ana núwala’, e goyo ina togaga Natunayana wowona goi itusaoli.

Galetiya 4:4

Go tutayana upayana ana toboine isowóduwo, e Yaubada Natuna ietune ima. Tauyana vavina goi ibíbina kita tomota nakae be nakae ina lovina sikaukaboli.