Iyoni 9:4 - Buki Kimaasabaina

⁴ Kita nava maliyalina ana tuta goi takaaiyaka, itoboine guna Toetuna ina guinuwa taguuinuwedi. Sabamgo imamaima go, amo tutayana geya vatau tayaamo itoboine ipaisewa.

Iyoni 9:4 ပူးပေါင်းရင်းမြစ်များ

Madiu 20:7

Tauyadi sidigo kadi, “Geya, unana geya vatau tayaamo ilatuwokoima kapaisewa.” Korotoyana idigo kana, “Komi nakae kotāoya kōna guna tánuwo goi kopaisēwa.” Tuwo moitamo sina sipaisewa.

Maki 3:3

Tuwo ikandobala korotoyana igite, ilatuwoko idigo kana, ‘Kom nimam kaamasina, tomota nauyayanaidi goi kutāoya!’ Tuwo moitamo tomota nauyayanaidi goi itaoya

Iyoni 10:32

Go iya Yeisuyana kana, ‘Guinuwa dedevidi badabadaidi Tamagu ina togaga goi aguuinuwedi bogina koogitedi go, ava guinuwa pasina gurewa goi bego kokaumategu?’

Iyoni 10:37

Neta yau Tamagu ina guinuwa geya aguinuwedita, taabu konuumisēgu.

Iyoni 12:35

Tuwo Yeisu idigo kana, ‘Tuta giyaina mavada bei yaimi goi ikaaiyaka. Go ame tuta nava ikaaiyaka; mavadayana goi koketoiyāmo, govila bei mamaníwana ikalisavemi. Go avatauwa neta mamaníwana goi siiketoiya, geya siyagoiyeta nako sinonoina.

Iyoni 17:4

Guinuwayadi boi kuuvinigu bego aguuinuwedi bogina alukavavedi. Tauna yau poyapoya ame goi im togaga ana káeyana avagitakoe.

Iyoni 4:34

E Yeisuyana kana, ‘Yau avagu moe bego guna Toetuna ina nuwonúwana aguuinuwe be nakae ina paisewa alukavave.

Iyoni 5:19

E iya Yeisu ilatuwokoidi idigo kana, ‘Moitamo apaaisewa go, ame alatuuwokoimi konōve: Geya tayaamo kaga Yaubada Natuna itoboine toinina ina lovina goi iguinuwe, go sem kaga neta igite Tamana iguuinuwe Natunayana nakae iguuinuwe. Ame moitamo. Kaga neta Tamanayana iguuinuwedi, guinuwayadi Natuna nakae iguuinuwedi.

Iyoni 5:36

Go yau manugu tayamo talavaita ikaaiyaka; talavaitayana itogaga namlieta Iyoni ina talavaita. Moitamo. Talavaitayana moe guinuwa Tamagu iivinigu aguinuwedi, e guinuwayadi moitamo aguuinuwedi. Ame guinuwayadi sitalavaitegu bego Tamada ietunegu ama.

Iyoni 7:33

go, ilatuwokoidi idigo kana, ‘Nava tuta kaakupina yaimi goi bei akaaiyaka namlieta baige akaluvilamna ana guna Toetuna yaina.

Guinuwa 4:20

Kaga nakae bogina kaagitedi be nakae kaanovedi, e ame tauna Yaubada ina lovina goi katalavaaitedi.’

Galetiya 6:10

E tauna neta ava tuta itoboineda, e guinuwa dedevidi taguinuwēdi tomota liliudi yaidi goi go, gagaina taguinūwe kidi ina bodayauwo yaidi goi.

Epeso 5:16

Ame nakae: Ame tuta moe tuta goyogoyoina toina. Tauna taabu imi tuta kokavaavalūge, go sem imi tuta tamo tamo adi toboine guinuwa dedevidi kuguinuwēdi.

Kolose 4:5

Mami nanamsa koketooiya dōkana tomota geya sinumiseta yaidi goi. Taabu imi tuta kokavaavalūge, go sem imi tuta tamo tamo adi toboine guinuwa dedevidi koguuinuwēdi.