Iyoni 8:52 - Buki Kimaasabaina

⁵² E tuwo kidi Diyuuyadi sidigo kadi, ‘Ame tuta bogina kayagoi bego kom naagovaim. Eberamo be nakae Yaubada ina bogina sikámasa go, kom kam, “Avatauwa neta guna livala sikabiikaone, ámasa bei geya siilotowo.”

Iyoni 8:52 ပူးပေါင်းရင်းမြစ်များ

Madiu 11:18

Kogita? Nakonakae kaguinuwe o kavatulúkwana, e komi kokataema. Iyoni ima go, awoinu toina geya ikakáika, nakae geya inimnim. Nakae go, komi kodigo kami, “ tauyana sinaena goi ikaaiyaka!”

Iyoni 1:19

Diyuu adi tolovinao Yerusalema goi sikaaiyaka go, be Livai tubunao sietunedi sina Iyoni bego silumadade sidigo kadi, ‘Kom avatau? Kom Guyau, , gea avatau?’ Tutayana nakae sibóbwara, Iyoniyana geya ilawoiwoita geya, go sem ibóbwara moitamo; e italavaita ame nakae, kana, ‘Yau geya Guyau, Yaubada ana Vadámana, geya.’

Iyoni 14:23

Yeisu idigo kana, ‘Avatauwa neta simatakooiyegu, e guna livala sikabiikaone go, yau Tamagu bei imatakoiyedi be kawokoidi yaidi goi kakaaiyaka.

Iyoni 15:20

Guna livala boi yau alatuuwokoimi konuwokavāte, kagu, “Tomota paakonina ina tomoya geya itobusaveyeta.” Tomota siyogedegedegu, tauna neta guna livala kokabiikaone, bei siyogedegedemi. Neta tauyadi guna livala sikabikaone, komi imi livala nakae bei sikabikaone go, geya sikabikaoneyeta,

Iyoni 17:6

Tomota yaidi goi boi kuuvinigu, e yaidi goi avagitakoim. Tauyadi im bodao go, kuvinigu. Tauyadi im livala bogina siyoisikavate.

Iyoni 7:20

Go bodayadi kadi, ‘Ana kaigigita ikinaagovem. Avatau ipooikikim bego ikaumatem? Geya!’

Iyoni 8:22

E kidi idi tomoyamoyayao taudiva sibobóbwara sidigo kadi, ‘Tauyana kana, “Nako anonoina, komi geya itoboinemita koma.” Manakae? Bego toinina ikaumate?’

Iyoni 8:48

Go kidi Diyuuyadi sidigo kadi, ‘Kai kabóbwara moitamo bego kom guma be nakae naagovaim!’

Iyoni 8:51

Tauyana moitamo totakínona go, ame alatuuwokoimi konoovedōko: Avatauwa neta yau guna livala sikabiikaone, ámasa bei geya siilotowo.’

Iyoni 8:55

Ago Tauyana geya koyagoiyeta. Ego yau aayagoi. Neta kagu, “Tauyana geya ayagoiyeta”, e yau topola komi nakae, go sem ina livala akabiikaone unana Tauyana aayagoi.

Iyoni 9:24

E tuwo aiyuwoina korotoyana boi matana ikebo siduduwemnei ima silatuwoko sidigo kadi, ‘Kubóbwara moitamo, e Yaubada ina togaga ana kukamoitamoe bego moe pasina matam sidedevina. Kai kaayagoi amo korotoyana toogoyoina.’

Iberiu 11:13

Ame tauyadi madabokidi madi numisa sikaaiyaka ana kadókana sikamasa kówasa go, Yaubada ina katotulayadi keuwoidi geya sibabanedita, go sem aduwanau goi nakae sigitedimo be siuyaonedi, tuwo sikamoitamo bego poyapoya ame goi kidi ogaoga be togala.

Iberiu 2:9

E koroto tayamo tagite, Tauyana tuta kaakupina goi Yaubada ina anerose sobuyekoidi goi ikaisobuye. Moe Tauyana . Ina kámasa ana gedageda pasina Yaubada ikilagasi taimámina be wowoina ivini, e bei Yaubada ina kanuwóiya goi kita tomota liliuda manuda ámasa ilotowo.