Iyoni 7:6 - Buki Kimaasabaina

⁶ E tauna Yeisu kana, ‘Yau guna tuta geya itoboineyeta bei ana amo aikayana goi. Ego komi ava tuta latuwomi moe itoboinemi kona.

Iyoni 7:6 ပူးပေါင်းရင်းမြစ်များ

Madiu 26:18

‘Kōna Yerusalema goi tayamo koroto bogina alaatuwoko kobabane kolatuwōko kami, “Tovatulúkwana idigo kana, ‘Guna tuta giyakainava bei isowóduwo. Latuwogu im vada goi guna tovatotowanayao taiyao Basitáwana Aikanina kakáika’”’, Yeisu kaena.

Iyoni 13:1

E namlieta Basitáwana Aikanina bei ana tuta go, iiyagoi ina tuta bogina ima bego poyapoya ame ikalave, e ina Tamana yaina goi. Ina tuta ame poyapoyayana goi kai ina bodao imatakoiyema go, ina matakoiyana ivakaigaga.

Iyoni 17:1

Moe livalayadi ilukavavedi, matana idolaga yábana goi ikawanoi Yaubada yaina idigo kana, ‘Tamagu, guna tuta bogina ima. Lovina boi bogina kuvinigu tomota madabokidi yaidi goi bego tomota liliudi bogina kuuvinigu yawoidi vata avinidi. Tauna im togaga ana yau Natum goi kuvagitakōe bego avagitakoe tomotayadi yaidi.

Iyoni 2:4

Go iya Yeisu kana, ‘Namoya, yau guna polava moe geya kom im polava. Taabu kuvatuwoowonēgu! Yau guna tuta nava.’

Iyoni 7:30

E tauna kidi tomotayadi siipoikiki bego Yeisu siyoisi go, ina kámasa ana tuta nava, tauna geya vatau tayaamo ibisikone.

Iyoni 7:8

Komi kotūko kōna Yerusalema amo aikayana manuna. Ago yau guna upa Yaubada nava geya iyatoeta, tauna geya atuko awoita moe aikayana manuna.’

Iyoni 8:20

Yeisu ina livala amo iidigedi tutayana Vada Kimaasabaina ina kali goi tomota ivatuulukoidi vininabeso dedeogaidi kikidi go, Yeisu ina tuta nava, tauna geya vatau tayaamo iyoisi.

Guinuwa 1:7

Go Yeisu idigo kana, ‘Geya itoboineyeta koyagoi ava tuta Tamada bogina iupe bei toinina ina lovina goi alibubunayana ana yolímana iguinuwe,