Iyoni 7:4 - Buki Kimaasabaina

⁴ Moitamo. Geya vatau tayaamo ina guinuwa ivamoudi go, latuwona toinina valena tomota siyagoi. Neta moe guinuwayadi kuguuinuwedi, e liliudi matadi goi kuguinuwēdi bei sigitedi.’

Iyoni 7:4 ပူးပေါင်းရင်းမြစ်များ

Madiu 23:5

E kaga liliuna siguuinuwedi moe bego tomota sigitedi bei siyapaliyedi. Nakae idi tomwana dedeogaidi siwodugudi gagaidi, dabadi goi o nimadi goi sisikoidi. Adi kwama adi kura sikimanavedi bego tomota siyapaliyedi.

Madiu 4:6

Maeko goi idigo kana, ‘Bego kom moitamo Yaubada Natuna ae? Tauna ameko goi kupēla kusōu go, geya kuvailaita. Moe moitamo. Gínina Kimaasabaina idigo kana, “Yaubada ina ilovinaedi bei simatakavatem. Nimadi goi bei siyoisim, govila bei gurewa goi aem isaiko.”’ Same 91:11-12

Madiu 6:16

E tutayana kodiiyakímwana, maisimi taabu kobuwoowonīdi kidi todedevidi polapola idi sinapu nakae. Maisidi sibuwowonidi bego tomota siyagoidi tauyadi . U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Madiu 6:5

Tutayana kokawanoi, taabu todedevidi polapola kovatotoowonēdi unana kidi nuwodi ikabi aba tugúguna goi be nakae kedalalavi goi siitaoya sikawanoi Yaubada yaina bego tomota sigitedi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Luke 6:45

Kita tomota nakae. Tomota nuwodi goi idi esaesa sikanukulidi. Tuwo tomota dedevina ina esaesayadi dedevidi goi dogoi dedevidi ikaiwoduwedi. Ago tomota goyogoyoina ina esaesa goyogoyoidi goi dogoi goyogoyoidi ikaiwoduwedi. Moitamo. Kaga neta nuwoda ivakayaodei, e sopada nakae sivatoi.’

Iyoni 18:20

Yeisu idigo kana, ‘Yau akamamaétala yaidi. Yau tuta liliuna Diyuu ida kaba tugúguna goi be nakae Vada Kimaasabaina goi avaatulúkwana. Amoko goi Diyuu liliudi sigugúguna. Tuwo geya tayaamo kaga adigegau.

Iyoni 7:3

E tauna Yeisu ana gomanao sima silatuwoko sidigo kadi, ‘Ame dadavayana kwalāve go, kūna Yudiya bego im nakae amoko goi itoboinedi im guinuwa kuguuinuwedi sigitedi.

Iyoni 7:5

Ana gomanaoyadi idi bóbwara nakae unana kidi woi Yeisu ana gomanao go, geya sinumiseyeta bego Tauyana .