Iyoni 7:16 - Buki Kimaasabaina

¹⁶ E tauna iya Yeisuyana idigo kana, ‘Yau guna vatulúkwana moe geya yau toinigu guna vatulúkwana geya, go sem guna Toetuna ina vatulúkwana.

Iyoni 7:16 ပူးပေါင်းရင်းမြစ်များ

Iyoni 14:10

Manakae? Geya kunumiseta bego yau Tamagu goi akaaiyaka nakae Tamagu yau goi ikaaiyaka? Ame livalayadi yau alatuuwokoimi moe geya toinigu guna nuwonúwana goi aboboredi geya. Ego Tamagu yaigu goi ikaaiyaka ina guinuwa iguinuwedi.

Iyoni 14:24

Avatauwa neta geya simatakoiyeguta, e guna livala nakae geya sikabikaonedita. Go livalayadi koonovedi moe geya yau guna livala geya, go sem Tamagu guna Toetuna ina livala.

Iyoni 17:14

Im livala yau bogina avinidi, e sinumise, tauna kidi da poyapoya sikaolilivedi unana tauyadi geya siebodeta tayamo da poyapoya yaidi goi nakae yau geya aebodeta tayamo yaidi goi. Tauna da poyapoyayadi sikaolilivedi.

Iyoni 3:11

Moe aba kainaopa gagaina go, ame alatuuwokoim kunōve: Kaga kaayagoi kaabobore; kaga kagitegite katalavaite yaimi go, ima talavaitayana geya konumiseyeta.

Iyoni 3:31

Avatau neta maeko goi ima, e tomota liliuda yaida goi iya toosakina. Avatau neta poyapoya goi ima, moe guma poyapoya nakae poyapoya ana nanamsa kaka ibobore. Avatau neta yábana goi ima toosakina.

Iyoni 5:30

Yau geya tayaamo kaga toinigu guna nuwonúwana goi itoboinegu aguinuwe. Takinona nakae. Nakonakae Yaubada ilatuwokoigu, nakae atakínona. Geya latuwogu toinigu guna nuwonúwana aguinuwe, go sem latuwogu guna Toetuna ina nuwonúwana aguuinuwe. Tauna yau guna takinonayana moe kivaavasaina.

Iyoni 6:44

Geya vatau tayaamo itoboine toinina imekoigu go, avatauwa neta Tamagu, guna Toetuna, ibiudi, bei simekoigu. Ago tuta ana kaba lukavava tauyadi ámasa goi bei akaitaoedi.

Iyoni 8:28

E tuwo iya Yeisuyana idigo kana, ‘Tutayana ana kailágata ibabane, bei koyagoi Yau Tauyagu. Geya tayaamo kaga toinigu guna nuwonúwana goi aguinuwe, go sem kaga nakae Tamagu ivatuulukoigu, e moe nakae aabobore.

2 Iyoni 1:9

Avatauwa neta ina vatulúkwana sikaatusavi nakae vatulukwanayana goi geya sikaiyaketa, e tauyadi Yaubada taiyao geya sispwagogoneta. Go avatauwa neta Guyauyana ina vatulúkwana goi sikaaiyaka, e tauyadi Tamada be Natuna taiyao sispwagógana.

Nuwogau 1:1

Buki ame moe Yaubada ina nuwogau , Tauyana ina pákwana, yaigu, e aba kinana goi nuwogauyadi ivatulukoigu.