Iyoni 2:4 - Buki Kimaasabaina

⁴ Go iya Yeisu kana, ‘Namoya, yau guna polava moe geya kom im polava. Taabu kuvatuwoowonēgu! Yau guna tuta nava.’

Iyoni 2:4 ပူးပေါင်းရင်းမြစ်များ

Madiu 15:28

Tuwo Yeisu idigo kana, ‘Vavina, im numisa gagaina, tauna nakae latuwom bogina isowóduwo.’ Tuwo moitamo natunayana mainao idedevina.

Madiu 8:29

Sivalobode, e Yeisu yaina sipodeda sidigo kadi, ‘Kom Yaubada Natuna, kwalavēma! Kai ima polava moe geya kom im polava geya. Manakae? Lovina ana lava nava go, kom kuma bego kuyogedegedema ae?’

Luke 2:49

Yeisu idigo kana, ‘Kaga unana geya itoboinemita kobabanegu? Manakae? Geya koyagoiyeta itoboine Tamagu ina vada goi akaaiyaka?’

Iyoni 12:23

E iya go Yeisuyana idigo kana, ‘ ina tuta bogina ima bego Tauyana ina kámasa goi Yaubada ina togaga ana káeyana ivagitakoe.

Iyoni 13:1

E namlieta Basitáwana Aikanina bei ana tuta go, iiyagoi ina tuta bogina ima bego poyapoya ame ikalave, e ina Tamana yaina goi. Ina tuta ame poyapoyayana goi kai ina bodao imatakoiyema go, ina matakoiyana ivakaigaga.

Iyoni 2:3

Kakakáika go, bogina ikavava, tuwo Yeisu sinana ima ilatuwoko idigo kana, ‘Natugu, kidi oine geya. Kuvaitēdi.’

Iyoni 20:13

Tuwo Meriyana silatuwoko kadi, ‘Vavina, kaga unana kutaitáiya?’ ‘Guna Tomoya sikabi sinave go, geya ayagoiyeta nako goi siyato’, Tauyana kaena.

Iyoni 20:15

Yeisuyana kana, ‘Namoya, kaga unana kutaitáiya? Avatau kuulusale?’ Go iya Meriyana inuwonúwana bego Yeisu moe tánuwo ana tomatakavata tayamo, tuwo kana, ‘Tomoya, neta Tauyana kom kunave, kulatuwokōigu nako goi kuyato be ana akabi.’ Ago itugavilamna tukubuyana sinaena igitemnei.

Iyoni 7:30

E tauna kidi tomotayadi siipoikiki bego Yeisu siyoisi go, ina kámasa ana tuta nava, tauna geya vatau tayaamo ibisikone.

Iyoni 7:6

E tauna Yeisu kana, ‘Yau guna tuta geya itoboineyeta bei ana amo aikayana goi. Ego komi ava tuta latuwomi moe itoboinemi kona.

Iyoni 7:8

Komi kotūko kōna Yerusalema amo aikayana manuna. Ago yau guna upa Yaubada nava geya iyatoeta, tauna geya atuko awoita moe aikayana manuna.’

Iyoni 8:20

Yeisu ina livala amo iidigedi tutayana Vada Kimaasabaina ina kali goi tomota ivatuulukoidi vininabeso dedeogaidi kikidi go, Yeisu ina tuta nava, tauna geya vatau tayaamo iyoisi.

2 Korinta 5:16

Tauna Tauyana ina kámasa pasina ame tuta ima sinapu ituli. Ame tuta be nakae tuta simamaima kai geya vatau tayaamo ana kaigigita goi bei kadovatusiye nakae da poyapoya siguinuwe. Boi mainao nava geya kayagoiyeta moe nakae Tauyana kadovatusiye bego Tauyana tomota besobeso go, ame tuta ima nuwonúwana ituli Tauyana manuna. Tauyana kayagoi Guyau.