Iyoni 2:10 - Buki Kimaasabaina

¹⁰ ilatuwoko idigo kana, ‘Ida sinapu goi mainao oine dedevina toyoko tavinidi. Niga tutayana oineyana gagaina bogina sinim ginagina siyaluwo, geya siyagoiyeta kaga sinimnim, e oine besobeso tavinidi. Go kom oine dedevina kuvagagale ana kadókana oine besobeso ikavava.’

Iyoni 2:10 ပူးပေါင်းရင်းမြစ်များ

Aba Vatowo 43:34

E Iyosepa toinina avana dedevina ikinavedi, ina pakonayao ilatuwokoidi sikabidi, korotoyadi sivinidi. Tuwo koroto tamo tamo noko tayamo go, awoinu gagaina Beniyamina ivini, nakae ana noko ainima. E tuwo sikáika, sinim siuyáwana Iyosepa taiyao.

Madiu 24:49

Tuwo ivatowo ina tosavaiyuwo paakonidi nakae iilauidi go, kina ikakáika be inim ginagina ana toyaluwoyao taiyao.

Luke 12:45

Go nakona amo pakoninayana nuwona goi inuwonúwana kana, “Guna tomoya ikaimúmuna ikaluvila.” Tuwo ivatowo tomoyayana ina pakonayao, koroto be vevina, iilauidi go, áika besobeso gagaidi iguuinuwedi be nakae inimnim ginagina iiyaluwo.

Luke 16:25

Go kina Eberamo idigo kana, “Tubugu, kunuwāisi boi nava maa yawoim am dedevina madabokina bogina kubabane go, kina Lasaloyana mou goyogoyoidi ibabanedi. E tuta ame goi kina Lasalo ana kipáiwala ibabane ameko go, kom sem gedageda kubabane.

Guinuwa 2:15

Ame korotoyadi be yau koogitema manuma konuwonúwana kami, “Komi koyaluwo.” Ago ame nava nobuyana go! Nobuyana goi geya tanimnim, tauna komi kotainasi; kai geya kayaluwoita geya!

1 Korinta 11:21

Moe moitamo. Komi tamo tamo toinimi avami kokakáika go, avamiyadi geya kokaiguyauyeta semiyao geya avadimo yaidi goi, tauna maniyemi yaimi loga kokámasa go, maniyemi toinimi imi konim ginagina koyaluwo go, semiyao geya adi oinemo!

Epeso 5:18

Taabu ivakayaodeimi,

1 Tesalonáika 5:7

Kidi tomasisi moe sabamgo goi siimasisi. Kidi bwae toogagaina siniim yaluwo moe sabamgo goi sinimnim.

Nuwogau 17:2

Ana kaigigita da poyapoya adi tolovinayao taiyao simasisi goyogoyo. Ago vavinayana ina sinapu goyo nakae goi itubanibanidi ivaanimdi siiyaluwo, e ina sinapu goyogoyoidi nakae sikamonamonaanaedi bego siguinuwedi.’

Nuwogau 17:6

Amo ikavava, vavinayana agite Yaubada ina kimasabayao kaamasidi ikaikaidi bogina inim ginagina iyaluwo, e nukotona ikabi, to igoyo toina. Tauyadi boi sitaalavaite go, idi talavaita pasina vavinayana ikaumatedi. Vavinayana agite, akainaopa gagaina.