Iyoni 16:2 - Buki Kimaasabaina

² Imi kaba tugúguna goi bei sivatapiyemi kosiya. Go geya vatapiya kaka geya, go sem tuta tamo imamaima be maniyemi sikaumatemi go, idi nuwonúwana bego idi guinuwayana moe idi vininabeso sikasale Yaubada yaina.

Iyoni 16:2 ပူးပေါင်းရင်းမြစ်များ

Madiu 10:28

Ago imi talavaitayana goi tauyadi itoboinedi wowomi sikauumatedi taabu komatooitēdi. Nakona wowomi sikaumatedi go, geya itoboinedita balomaimi sibisikone. Tauna taabu komatooitēdi. Go sem avatau neta itoboine wowomi be balomaimi taiyao goi imtulidi, e amo Tauyana koomatōite.

Madiu 24:9

Niga imi kaleyayao bei maniyemi siyoisimi be siyogedegedemi go, maniyemi bei sikaumatemi. Ago boda liliuna bei sikaolilivemi unana yau yoigu ikaaiyaka yaimi.

Luke 6:22

Tutayana tomota sikaolilivemi be sitavileiyemi be sikaogoyoemi be yoimi sitagiwoidi imi numisa Tomalatomota yaina pasina, e komi ami dedevina bogina koobabane.

Iyoni 12:42

E nakona boda maniyedi geya sinumiseta go, tuwo Diyuu adi tolovinayao badabadaaidi nakae Yeisu sinumise go, Parisi pasidi geya sitalavaiteta bego sinumise, govila bei idi kaba tugúguna goi sivatapiyedi go, sisanabodedi taabu sisiusīu.

Iyoni 16:25

Yeisu tuwaina kana, ‘Amo dogoiyadi livalakaibala goi bogina alatuwokoimi. Go tuta imamaima bei ituli. Tutayana ima, geya livalakaibala goi alatuwokoimi geya, go sem Tamagu manuna bei alivala moitamo.

Iyoni 16:32

Konōve. Tuta tayamo imamaima go, bogina ima bego komi tamo tamo kokalavegu yau agutava go, kosapa kosiya kona toinimi imi kasa. Ago Tamagu yaigu goi ikaaiyaka, tauna yau aguta geya.

Iyoni 4:21

Go iya Yeisuyana kana, ‘Namoya, guna livala kunumīse! Komi Samériya tomotaimi geya koyagoidokoeta avatau yaina kosaakululu. Go tomota adi yava kai Diyuu yaima goi isowóduwo, tauna kai kaayagoi avatau yaina goi kasaakululu. Go abóbwara moitamo bego tuta imamaima Samériya koyaina goi o Yerusalema goi bei geya kosakululuta Tamada yaina,

Iyoni 4:23

go sem tuta tayamo imamaima go, bogina isowóduwo, bei Tamada ina tosakululuyao mooitamoidi sisaakululu Tauyana yaina ame nakae: Yaubada ana , e Baloma Kimasabainayana ina vakeda goi bei sisaakululu. Moitamo. Tomota amo nakae Tamada latuwona bego ina tosakululuyao.

Iyoni 9:22

Ame livalayadi tamana sinana sidigedi unana Diyuu adi tolovinayao simatooitedi. Tolovinayadi idi lovina bogina siyato bei avatauwa neta sikamoitamo bego Yeisu moe goi sisanabodedi geya sisiuta.

Iyoni 9:34

Go kidi Diyuuyadi sidigo kadi, ‘Tamam be sinam idi goyo pasina kom ma mataakeboim kubíbina go, bego kuvatulukoima ae?’ Tuwo sivatapiye, e idi kaba tugúguna goi sisanabode.

Guinuwa 5:33

E kidi go tolovinayadi livala ame sinove, gamodi igoyo toina; latuwodi bego Pita be Iyoni sikaumatedi.

Guinuwa 7:56

Tuwo idigo kana, ‘Gwa! Yábana bogina ikatupáeva go, wowoina basekoina Yaubada kakataina goi iitaoya agite.’

1 Korinta 4:13

Sitagiiwoima go, ima katumapu nuwanuwaina. Kai poyapoya botabotaina nakae, tomota aedi goi sivakikilima. Boi nimatu ima ame tuta kai nakae.

Pilipai 3:6

Yaubada ina Katukedayana manuna magu salau apoisógana. Nakae apoikíkina bego Yeisu ana totugugunayao amtulidi! Yaubada ina Katukedayana ana lovina adi kibóbwata manuna yau geya guna pikwanamo. Nakona konuwonúwana amo guinuwayadi dedevidi go, geya.

Nuwogau 6:9

Tutayana Lami aba kaipaki ainimaina ikitaki, tomota ogalaoina goi agitedi. Tomotayadi boi Yaubada ina livala sitalavaitedoko go, idi kaleyayao sitaoya, sikaumatedi.