Iyoni 15:2 - Buki Kimaasabaina

² Laonigowo tamo tamo neta siteliteli, geya sikeuwoita, tobagulayana ikaimweraedi. Go laonigowo tamo tamo neta sikéuwo, keuwoidi ikabidi go, laonigowoyadi ilaiguyedi bego silabosúsuwo be sikéuwo gagaina.

Iyoni 15:2 ပူးပေါင်းရင်းမြစ်များ

Madiu 13:12

Avatauwa neta guna livala sinoovedoko, nanamsa tuwaina Yaubada bei ivinidi. Ago avatauwa neta guna livalayana sinooveyamo, ava nanamsa ikaaiyaka tauyadi yaidi, Yaubada bei .

Madiu 13:33

Yeisu livalakaibala tuwaina ivinima, idigo kana, ‘Yaubada ina kalibúbuna sinaena goi ina bodayauwo adi vaituwo ana kaigigita nakae. Vavina tayamo ana isti ikabi, ana parawa gagaina toina goi ipopoli. Ipopoli ikavava, iyato ana kadókana istiyana isiu parawa madabokina goi ipaisewa, tauna ibíbina gagaina.’

Madiu 15:13

Go kina Yeisuyana idigo kana, ‘Náuna liliudi neta Tamagu guma yábana geya ibagulidita bei ilabudi.

Madiu 21:19

Tuwo ikandobala enao kikina goi keukeu tayamo igite, ibala ina ikandolaga go, geya ikeuwoita, go sem vaga kaka sikaaiyaka. Tuwo ikatubolate idigo kana, ‘Geya tuwaina bei kukeuwōmna, ame tuta be nakae tuta simamaima!’ Tuwo mainao alovayana ivadiwówana.

Madiu 25:29

Avatauwa neta adi kaiguyau siepaaisewe, e tuwaina bei avinidi. Go avatauwa neta adi kaiguyau geya siepaiseweyeta, e moitamo aiguyauyana bei .

Madiu 3:10

E Yaubada ina egamogamoguyana kíyama nakae. Kiyamayana bogina alova lamdi goi iyokaabubune, tauna ava kalovava neta sikéuwo goyogoyo, bei itaunanedi go, ikabidi ilavedi yeu goi igabudi. Tauna nakae ina egamogamogu giyakainava isowóduwo yaimi neta geya kotugavileta.

Madiu 3:12

Tauyana ina kaba takínona bogina iyokaabubune; giyakainava bei kutukutuna be mosamosaina itakinodokoidi. Ikavava, ana kutukutu bei ikabidi, ina sánala goi idodoidi go, mosamosayana, bei ikabidi yeu aiyako vaatayaina goi igabudi.’

Madiu 7:19

Neta ava kalova geya ikeuwodokoneta, alovayana tatalai talave yeu goi tagabu.

Maki 4:20

Tomota maniyedi amo poyapoyayana dedevina nakae tutayana kutukutu sisou sitabo. Ame tauyadi Yaubada ina livala sinove, e siuyaone be nakae keuwoidi dedevidi sikeeuwoedi; maniyena teti (30), maniyena siksti (60), maniyena andedi (100).’

Luke 8:13

E kidi go kutukutuyadi sisou poyapoya manamanáiyala goi moe nakae tomota maniyedi neta Yaubada ina livala sinove, madi uyáwana siuuyaone go, geya lamdimo. Tuta kaakupina sinumisa go, tutayana idi numisa pasina vakakona sibabane, sikapusi.

Iyoni 15:1

tuwaina kana, ‘Yau buyalina mooitamoina go, yau Tamagu tobágula.

Iyoni 15:16

Boi komi geya kokinaveguta bego yau komi imi Tomoya, go sem yau akinavemi be avayokoimi komi yau guna tovatotowanayao. Avayokoimi bego komi kona kokéuwo go, keuwoimiyadi sikaiyako vata bego kaga yoigu goi kokawanoiye Tamada yaina, bei ivinimi.

Iyoni 15:3

Komi laonigowoyami nakae bogina komavada guna livala boi alatuuwokoimi pasina.

Iyoni 15:6

Avatauwa neta geya sikaiyaketa yau yaigu goi, lawanayadi geya basabasaidimo nakae tobágula ikalebaledi go, simémala namlieta ina topaisewayao siwotuwedi sigabudi.

Iyoni 15:8

Neta kokéuwo gagaina, komi moitamo yau guna mooitamoina kovagitakoe tomota yaidi goi.

Iyoni 17:12

Tutayana yau kidi taiyao, im togaga boi kuuvinigu goi akalidi amatakavatedi. Amatakavatedi, geya tayaamo yaidi goi itagau geya, dedevidi go, tayamo toito moitamo inonoina vailaivata manuna. Moeko goi ina talavaita itoboine imalatomotamna.

Roma 11:17

E alovayana toina moe Isileli tubunao nakae go, laonina maniyedi Yaubada ikiguyalidi ikalavedi. Ago komi Totuyoyowo nuumisaimi oribe alovaina woiwoi laonina nakae ikabimi, e Yaubada ina kalovayana goi isavimi, tuwo komi nakae itoboinemi lamna bwaena dedevina toina konim.

Roma 11:22

Tauna Yaubada ina yabobona be nakae ina lovina moumouna manudi konuwolelēu. Ina lovinayana moumouna kidi bogina siikapusi bei silotowo. Go neta komi ina yabobona goi kokaaiyaka, e ina yabobonayana bei kolotowo. Ina yabobonayana goi kokaaiyāka, govila bei komi nakae italayaulemi.

Roma 8:28

E tayagoi bego kaga liliuuna yaida goi siisowóduwo Baloma Kimasabainayana kita Yaubada ina tomatakoiyao taiyao taepaisewedi dedevina manuna, kita tauyada Yaubada iduduweda toinina ina nuwonúwana manuna.

1 Korinta 13:1

Nakona itoboinegu tomota niyadi liliudi goi o niyadi goi abobóbwara go, neta matakoi ategu goi geya ikaiyaketa, e yau vínava nakae sikaubakobakoli o síula nakae siuwe besobeso.

Taito 2:14

Tauyana toinina ikasale ámasa goi, kita ada katumapu, bego ida kapipilova tamo tamo goi itateteda. Aiyuwoina ikimavadeda bei kita Tauyana ina toinina umana, mada salau latuwoda guinuwa dedevidi taguinuwedi.

Iberiu 12:15

Ami dodōkana, govila bei tayamo yaimi goi Yaubada ina kanuwóiya geya ibabaneyeta. Aiyuwoina ami dodōkana, govila bei maniyemi yaimi goi kubukasa lam nakae itabo, e ibíbina go, keuwoina tamatamaina isowóduwo, e bei semiyao badabadaidi ikaigoyaidi.

1 Iyoni 2:19

Tauyadi sitavileiyeda go, tauyadi geya ida bodao geya. Neta kidi ida bodao, nava yaida goi sikaaiyaka, go sem tauyadi toinidi sivagitakoidi bego liliudi geya ida bodao geya.

Nuwogau 3:19

Avatauwa komi neta yau amatakooiyemi, akamamaetalimi be asapimi. Tauna kotugavīla go, kopooisōgana imi numisa manuna.