Iyoni 11:4 - Buki Kimaasabaina

⁴ Go idi livalayana Yeisu inove, idigo kana, ‘Atówana amo goi bei geya ikamasavateta, go sem ina katowanayana moe Yaubada ina togaga ana ana vagitákwana manuna bego ina togaga ana kaeyanayana Natuna goi ivagitakoe.’

Iyoni 11:4 ပူးပေါင်းရင်းမြစ်များ

Tateta 16:7

E imi kaukulukúluwo Yauwe yaina bogina inove, tauna itomo nobuyana ana bei kogite. Bogina koyagoi. Kai bego avatauwa kokaukulukúluwo yaima? Geya!’

Iyoni 10:38

Go moitamo Tauyana ina guinuwa aguuinuwedi, tauna nakona guna livala pasina geya konumiseguta, moe tuwo, go sem guna guinuwa pasidi konumisēgu bego kokinane be nakae koyagoi yaigu goi Tamagu ikaaiyaka nakae Tauyana yaina goi yau akaaiyaka.’

Iyoni 11:40

Go iya Yeisuyana idigo kana, ‘Manakae? Kaga bogina alatuuwokoim kunuwoilave? Neta kunumisegu, Yaubada ina togaga ana káeyana ana vagitákwana bei kugite!’

Iyoni 12:28

Tamagu, latuwogu kom im togaga ana káeyana kuvagitakōe.’ E níyana tayamo yábana goi iduduwo kana, ‘Bogina avagitakoe go, nava bei aiyuwoina avagitakoemnei.’

Iyoni 17:1

Moe livalayadi ilukavavedi, matana idolaga yábana goi ikawanoi Yaubada yaina idigo kana, ‘Tamagu, guna tuta bogina ima. Lovina boi bogina kuvinigu tomota madabokidi yaidi goi bego tomota liliudi bogina kuuvinigu yawoidi vata avinidi. Tauna im togaga ana yau Natum goi kuvagitakōe bego avagitakoe tomotayadi yaidi.

Iyoni 17:10

Guna bodayadi liliudi yau yaigu moe kom im kaba lovina. Nakae im bodao liliudi kom yaim goi moe yau guna kaba lovina go, ame tauyadi yaidi goi im togaga ana káeyana yaigu goi ikaaiyaka bogina sivagitakoe.

Iyoni 17:5

Tuwo ame tuta, Tamagu e, bei akaluvilamna ao go, matam goi im togaga ana káeyana kuvagitakomnēigu nakae boi ada káeyana tayamo tutayana nava poyapoya ame geya ana madaginamo.

Iyoni 2:11

Moe aba kinanayana vakuumgoina Galili asaina Kena goi Yeisu iwodugu. Aba kinanayana goi Yaubada ina togaga ana yaina goi ikaaiyaka ivagitakoe, tuwo kai ina tovatotowanayao kanumise.

Iyoni 5:23

bego tomota liliudi siwowoine nakae Tamana bogina siwowoine. Avatauwa neta Natuna geya siwowoineyeta, e nakae ina Toetuna, moe Tamana, geya siwowoineyeta.

Iyoni 8:54

Iya Yeisuyana idigo kana, ‘Neta yau toinigu guna togaga ana akamoitamoe, guna kamoitamoyana moe dogoi besobeso. Go yau Tamagu guna togaga ana káeyana ikamoitamoe. Mae Tauyana manuna komi kami, “Tauyana ima Yaubada.”

Iyoni 9:24

E tuwo aiyuwoina korotoyana boi matana ikebo siduduwemnei ima silatuwoko sidigo kadi, ‘Kubóbwara moitamo, e Yaubada ina togaga ana kukamoitamoe bego moe pasina matam sidedevina. Kai kaayagoi amo korotoyana toogoyoina.’

Iyoni 9:3

Go Yeisu idigo kana, ‘Geya. Ame tauyana be nakae sinana tamana geya sigoyoita, go sem itoboine bego Yaubada ina guinuwa ivagitakoedi ame korotoyana yaina.

Roma 11:11

Tauna manakae? Yau abobóbwara Yaubada sinumise.

Pilipai 1:11

Ame nakae: Latuwogu bego kibóbwata keuwoina ivakayaodeimi; keuwoinayadi Yeisu Guyau ina togaga goi isowóduwo Yaubada ana taimámina be ana wowoina manudi!

Pilipai 1:20

Moe nakae guna yala be nakae guna lotuta bego geya tayaamo kaga goi bei ogu imayamaya, go sem tuta boi nakae go, ima tuta ame magu katepatu wowogu goi bei Guyau akiilagasi, neta maa yawoigu o neta akámasa.

1 Pita 1:21

Yeisu goi kita Yaubada ana tonumisao. Tauyana Yeisu tokámasa yaidi goi ikaitáoe namlieta ana káeyana tomoeeyalina goi ivaisiu, tauna Yaubada taanumise be nakae talootutae.

1 Pita 4:11

Ame nakae: Avatauwa kita neta ida kaiguyau moe talavaita, tatalavaita nakae neta Yaubada ina livala tatalavaite. Avatauwa kita neta ida kaiguyau moe vaita, Yaubada ina togaga goi tavāita. Moe bego ida guinuwa liliudi Yeisu ame tuta be nakae tuta simamaima! E nakae!

1 Pita 4:14

Neta tomota sitagiwoimi unana Guyau yoina ikaaiyaka yaimi, e ami dedevina bogina kobabane unana Yaubada Balomaina, Tauyana Yaubada ana káeyana ana tovagitákwana, yaimi goi ikaaiyaka. Tauna ami dedevina bogina kobabane.