Iyoni 10:4 - Buki Kimaasabaina

⁴ Tutayana toinina ina sipiyao bogina ikaiwoduwedi, ivakededi. Niyana siiyagoi, tauna sisabookuliye.

Iyoni 10:4 ပူးပေါင်းရင်းမြစ်များ

Madiu 16:24

Tuwo kai Yeisu ina tovatotowanayao yaima goi idigo kana, ‘Avatauwa komi neta latuwomi bego kosabokuuliyegu, toinimi yawoimi kokaasalēdi be nakae toinimi imi kerose kokaavalēdi namlieta baige kōma kosabokuliyēgu.

Iyoni 10:16

Guna sipi maniyedi ituli sikaaiyaka. Moe tauyadi guna kali goi tuta ame geya sikaiyaketa. Itoboine akabidi amedi bei niyagu sinove be madabokidi sieboda tayamo, yau adi torugwáuta.

Iyoni 10:27

Guna sipiyao niyagu sinovenove, e yau ayaagoidi, tauna sisabokuuliyegu.

Iyoni 10:3

Ame tauyana manuna totom ana tomatakavata sipi idi kali ana kaba siu ikatupáeve. Sipi ana torugwautayana toinina ina sipiyao niyana sikinane; tauyana yoidi tamo tamo ivaatoidi iduuduwedi simamaima be ivaakededi siisowóduwo.

Iyoni 10:5

E kidi go ituli ta tomota niyana geya siyagoiyeta, tauna geya sisabookuliye, go sem siisiyae.’

Iyoni 10:8

Kidi torugwauta polapola boi siivakumgo madabokidi tovaináwana be tobugoyo go, niyadi kidi sipiyadi geya sinoveyeta.

Iyoni 12:26

Avatauwa neta latuwodi bego yau guna tovaita, itoboine sisabokuuliyegu. Nako goi akaaiyaka, amoko goi bei guna tovaita nakae ikaaiyaka. Avatauwa neta sivaaitegu, Tamagu bei iwowooinedi.’

Iyoni 13:15

Aba gita tayamo bogina avinimi bego kaga nakae yau aguuinuwe yaimi, komi nakae itoboine koguinuwe.

Iyoni 18:37

E Pailato idigo kana, ‘Moitamo kom woi Tokalibúbuna tayamo ae?’ Yeisu idigo kana, ‘Kom bogina kudigoyabe bego yau Tokalibúbuna. Ame pasina yau abíbina nakae ame pasina ama poyapoya ame goi: Bego akaiwoduwe. Avatauwa neta Nanamsa Moitamoinayana tomotaidi, bei sopagu sikabikaone.’

Iyoni 3:29

Aba gita tayamo aguinuwe: Korotoyana tonai nakae bei inai. Yau siyana nakae. Yau aataoya tauyana atuuyaosi bego ima. Tutayana tonaiyana isowóduwo, siyana bei iuyáwana gagaina tutayana tonaiyana niyana inove. Yau nakae auyáwana gagaina tutayana korotoyana ina guinuwa valena kutaalavaite anove.

1 Korinta 11:1

Nakae yau avatootowone, e kovatotowonēgu.

Epeso 5:1

E tuwo komi Yaubada natunao imatakooiyemi, Tauyana kovatotowōne.

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Iberiu 6:20

Amoko goi .

1 Pita 2:21

Moe manuna Yaubada iduduweda unana nakae gedageda ilotowo manuda, tuwo aba gita iyato yaida bego kiyaena tavaekuli.

1 Pita 4:1

E nakae. Ina nuwonuwanayana bego neta kita poyapoya goi geya ada goyomo go, ida numisa pasina gedageda tababane, e ana kaigigita goyo ana sinapu bogina takalave.

1 Pita 5:3

Geya lovina kasakasaina goi geya, go sem komi aba gita dedevina yaidi goi.