Iyoni 10:3 - Buki Kimaasabaina

³ Ame tauyana manuna totom ana tomatakavata sipi idi kali ana kaba siu ikatupáeve. Sipi ana torugwautayana toinina ina sipiyao niyana sikinane; tauyana yoidi tamo tamo ivaatoidi iduuduwedi simamaima be ivaakededi siisowóduwo.

Iyoni 10:3 ပူးပေါင်းရင်းမြစ်များ

Tateta 33:17

E Yauwe idigo kana, ‘Moe dogoiyana kudigedige nakae bei aguinuwe kutoto moitamo woi akanuwoiyem be nakae ayagoidokoim.’

Iyoni 10:14

Yeisu tuwaina kana, ‘Yau sipi adi torugwáuta dedevina. Toinigu guna sipiyao ayaagoidi, e tauyadi siyaagoigu

Iyoni 10:16

Guna sipi maniyedi ituli sikaaiyaka. Moe tauyadi guna kali goi tuta ame geya sikaiyaketa. Itoboine akabidi amedi bei niyagu sinove be madabokidi sieboda tayamo, yau adi torugwáuta.

Iyoni 10:4

Tutayana toinina ina sipiyao bogina ikaiwoduwedi, ivakededi. Niyana siiyagoi, tauna sisabookuliye.

Iyoni 10:9

Yau aliyana ana kaba siu. Avatauwa neta yau goi sisiu, bei adi yava sibabane. Tauyadi itoboinedi bei sisiu be nakae sisowóduwo sina avadi dedevina sibabane.

Iyoni 6:37

Tomota liliudi Tamagu iivinigu bei simekoigu. Go liliudikova siimekoigu, yaidi goi geya tayaamo bei avatapiye.

Iyoni 6:45

Moe nakae tonumisa liliudi manudi boi Yaubada ina tokabivalavalayao sigini kadi, “Tomota liliudi Yaubada bei ivatulukoidi.” Aiseya 54:13 Avatauwa neta Tamagu sinove be nakae sikabiikaone, bei simekoigu.

Roma 8:30

E tauyadi igimilovina bei Natuna ana tapata nakae, e nakae iduduwedi sima bei kidi ina bodao. Tauyadi iduuduwedi, e nakae ivayokoidi kidi kiboobosidi. Tauyadi ivaayokoidi kidi kiboobosidi, e nakae ana káeyana tomoeeyalina goi bei ikatuvaisiudi.

1 Korinta 16:9

Ameko Yaubada ina kaleyayao badabadaidi sikaaiyaka go, tuwo totom bogina ikatupáeve bei itoboinegu atalavaite, e tomota sinumise.

Pilipai 4:3

U, nakae. Kom guna tosavaiyuwo be guna kalo, kom nakae akawanoiyem ame vevinayadi kuvaitēdi bei nuwodi tayamo. Ame vevinayadi, Kerementi be guna tosavaiyuwo liliudi taiyao bogina sivaitegu guna tokuma manuna. Moe tauyadi yoidi yawana vau bukina goi sikaaiyaka.

Kolose 4:3

Kai nakae manuma kokaawanōi bego Yaubada ina livala ana kenao tayamo ikatupáeve manuma, e bei itoboinema valena boi vamoounina katalavaite tomota yaidi. Guyau ana talavaitayana pasina yau deri goi akaaiyaka.

2 Timoti 2:19

Ago Yaubada ina bodao dako kasakasaina nakae bogina sitaoyaakavata. Dakoyana goi gínina ame nakae ikaaiyaka kana, ‘ toinina ina bodao bogina iyaagoidi.’ Aiyuwoina kana, ‘Avatauwa neta Yauwe yaina sisaakululu goyo situgavīle.’

1 Pita 1:12

Tauyadi yaidi Yaubada ikaiwoduwe bego livala sitalavaaitedi geya toinidi adi dedevina manuna geya, go sem komi ami dedevina manuna. E Yaubada Balomaina Kimaasabaina bogina ietune ima latuwodi toina bego siyagoidokoidi.

1 Iyoni 4:6

Go kai Yaubada ina bodao, tauna avatauwa neta Yaubada siiyagoi, bei sinovema. Go avatauwa neta geya Yaubada ina bodao geya, tauyadi geya sinovemeta. Moeko goi tayagoi ava vatulúkwana moe goi ima.

3 Iyoni 1:14

E aalotuta bego giyakainava ao avadadem bei taiyao tabóbwara.

Nuwogau 20:15

Avatauwa neta yoidi yawana vata bukina goi geya sikaiyaketa, e nakae ilavedi sisou yeu sabeniniminayana gagaina toina sinaena goi.

Nuwogau 3:20

Konōve! Yau imi totom goi aataoya akaukeeyakeya. Avatauwa komi neta niyagu konove be imi totomyadi kokatupaevedi, e imi vada goi bei asiu yau komi taiyao takáika vavasa.