Iyoni 10:1 - Buki Kimaasabaina

¹ Tuwaina idigo kana, ‘Moe nakae, tauna ame alatuuwokoimi konōve: Avatau neta adi kali ana kaba siu goi geya isiuta, go sem ali toluyena goi imweratáwana, amo tauyana tovaináwana be tobugoyo.

Iyoni 10:1 ပူးပေါင်းရင်းမြစ်များ

Madiu 7:15

Tuwaina Yeisu kana, ‘Ami dodōkana! Tokabivalavala polapola bei sima; adi kaigigita kaitoowosidi nakae. Kom go vatau? Kidi sinaedi weiniya woliwoli nakae latuwodi sikanimi!

Iyoni 10:7

E tuwo Yeisuyana aiyuwoina idigomna kana, ‘Kaga adige moe moitamo go, ame alatuuwokoimi konōve: Yau sipi adi kaba siu.

Iyoni 3:3

Go iya Yeisuyana idigo kana, ‘Im bóbwara moitamo go, ame alatuuwokoim kunōve: Avatauwa neta geya sibibinamneta, geya itoboinedita bei sigite.’

Roma 16:18

Tomota tauyadi nakae toinidi geya sikasaledita ida Tomoya yaina, go sem toinidi idi vikaiya yaidi sikaasaledi. Ago idi bóbwara dibidibidi be idi katunuwanuwa goi tomota adi polayoomanaidi nukotodi sivasulaigidi go, komi nakae geya. Geya itoboinedita sivasulaigimi.

Taito 1:11

Ame tokapipilovayadi itoboinem kusanabodedi taabu sivaatulūkwana, unana idi vatulukwana polapolayana goi maniyena bodayauwo sinaedi tomota madabokidi idi numisa sikaigoyaidi. Ame nakae: Kaga sivaatulúkwana geya itoboineyeta. Idi vatulukwanayana goi latuwodi tomota idi mani sivaobudi go, amo sinapuyana moe aba omayamaya.

Iberiu 5:4

Geya vatau tayaamo itoboine paisewa wowooinina ame toinina ikabi, go sem moe Yaubada ina kinava goi. Moe nakae boi ikabi.

1 Pita 1:10

Moe yavayana manuna Yaubada ina boi ami kanuwóiya sigimitaalavaite silumadadana dókana be nakae sinuwonúwana gagaina.

2 Pita 2:1

E boi nimatu mooitamoidi sikaaiyaka go, Yaubada ina bodao yaidi goi tokabivalavala polapola nakae sikaliwóduwo. E nakae komi yaimi goi nakae tovatulukwana polapola bei sikaliwóduwo. Tauyadi idi vatulúkwana ituli aba kaigoyo sivaisiugaudi. Ago tauyadi boi ida Tomoya itakonedi go, tuwo silawoiwoiye. Moe pasina giyakainava adi kaigoyo bei sibabane.

2 Pita 2:3

be nakae tauyadi madi matakónana bei idi pola goi sivaobumi. Go boi nimatu tovatulukwana polapola adi takínona manudi Yaubada bogina ilovina go, geya inuwoilaveyeta geya, go sem bogina iyokabúbuna bego adi liuna ivinidi.

1 Iyoni 4:1

Guna kaloyao, ame tutayana polapola badabadaidi bogina siisowóduwo poyapoya ame goi. Tauna taabu tomota tamo tamo idi vatulúkwana kouyaaonēdi tutayana kadi, ‘Kai ima livala Yaubada Balomaina goi ima.’ Go sem kodovaatusīdi be koogitēdi neta Yaubada Balomaina goi sima o geya.