Iyona 2:9 - Buki Kimaasabaina

⁹ Go yau sem magu vesi yaapalina bei yoguyogu akasale kom yaim. Kaga boi akaatotuli moitamo nakae bei aguinuwe. Ada yava Yauwe goi ima!’ Same 3:8

Iyona 2:9 ပူးပေါင်းရင်းမြစ်များ

Aba Vatowo 35:3

Kokimavademi ikavava, e kōma tatūko tāna Beteli. Maeko goi dídiya bei akaudakodako, aba kasala amadagi Yaubada yaina. Tauyana boi guna kategeda goi inovegu be nakae ivaitegu. Amo tutayana go, ima ame tuta, Tauyana ivakiitaugu.’

Guinuwa 4:12

Aiyuwoina geya vatau tayaamo goi itoboineda ada yava tababane, go sem Yeisu anetava goi. Moe moitamo. Geya vatau tayaamo tuwaina poyapoya ana madabokina goi ikaaiyaka itoboine iyaveda geya, go sem Yeisuyana anetava Yaubada ietune ima bei Tauyana goi ada yava tababane.’

Roma 12:1

Tauna segowo, Yaubada ina nuwokapisi pasina akatuliwolemi wowomi maa yawoidi kokaasalēdi Yaubadayana yaina. Moe imi vininabeso kimaasabaina nakae Tauyana umana be moe aba uyáwana yaina. Moe nakae kita tomota ma nuukotoda itoboineda Tauyana yaina tasaakululu.

Iberiu 13:15

Tauna Yeisuyana goi tuta liliuna ida vininabeso, moe ida yapali, takasāle Yaubada yaina. Moe ida livala keuwoidi tutayana tomota matadi goi takauyagu Tauyana yaina.

Nuwogau 7:10

Tauyadi niyadi gagaina goi siiduduwo sidigo kadi, ‘Ida Yaubada goi, Tauyana kebana esaaesaina goi itulagalaga, be nakae Lamiyana goi ada yava tababane!’