Iyona 1:6 - Buki Kimaasabaina

⁶ Tuwo kapiteni isou ima Iyonayana iwoini, idigo kana, ‘Iyaa! Kom kaga kumasisiye? Kutāoya! Kupodēda im yaubada yaina! Nakona moe yaubadayana bei inoveda, e geya tavailaita!’

Iyona 1:6 ပူးပေါင်းရင်းမြစ်များ

Iyona 3:8

go sem liliuda kwama salisalidi talosīdi be nakae areko salisalidi takabîdi yoguyogu toludi tavatûmdi. E liliuda takawanoi makimâki Yaubada yaina. Ida sinapu goyogoyoidi manudi tatugavila.

Iyona 3:9

Seki, geya tayagoiyeta, nakona Tauyana nukotona igoyo bei itavívila, tauna ina egamogamogu gagaina itugavile, e bei geya tavailaita.’

Guinuwa 21:13

Tuwo Paulo ikatumapuma idigo kana, ‘Yau moitamo bogina taagonaigu bego Yerusalema goi siyowóigu go, geya kada yówana kaka geya, go sem yau bogina taagonaigu bei sikaumategu ida Tomoya Yeisu yoina pasina! Go moe kaga koguuinuwe? Imi táiya pasina nuwogu kogiemou. Tauna táiya tuwo.’

Roma 13:11

Nakae koguinūwe go, tuta ame tayagoi bego tuta ana toboine bogina ima, e ida masisi goi tataoya, matada silala. Bogina koyagoi. Boi mainao tanumisa, ada Toyava ina tuta aluvilamna nava toina go, maliyalina tamo tamo ikapoonapona.

Epeso 5:14

Moe moitamo. Mavada kaga liliuna ikaiwoduwedi. Tauna tonumisa sidigo kadi, ‘Tomasisi e! Im masisi goi kutāoya! Nakae tokámasa yaidi goi kutaoyāmna go, itapasigim.’