Iberiu 9:16 - Buki Kimaasabaina

¹⁶ Aba gita aguinuwe. Anasíuna moe tokámasa dalowoina ana lovina nakae. Koroto tayamo ina dalowo ana lovina konana ana kaiguyau manudi iyato go, lovinayana itoboine bei isowóduwo tutayana lovina ana toyata ikámasa.

Iberiu 9:16 ပူးပေါင်းရင်းမြစ်များ

Roma 5:12

E tauna mae guna livalayana ivatulukoida ame: Koroto tayamo pasina goyo isowóduwo poyapoya ame goi. Goyoyana goi ámasa isowóduwo. Moe nakae ámasa isagayako ina tomota liliuda yaida unana liliuda tagoyo.

Roma 6:23

Moe moitamo. Goyo ana katumapu moe ámasa go, Yaubada ina yabobona iviniibesoida moe yawoida vata ida spwagógana ida Tomoya Yeisu taiyao pasina.

1 Korinta 15:22

Ame moitamo. Madabokidakova ida Adama yaina pasina bei takámasa. E nakae madabokidakova ida spwagógana Guyau yaina pasina bei tataoyamna ma yawoida.

Iberiu 1:3

Tauyana Yaubada ana kanukanununa be nakae Tauyana goi Yaubada aderina toina imalatomota. Kaga liliuna ina livala toogagaina goi iyooisidi. Ida goyo goi ikimavadeda ikavava, wowoina basekoina Yaubada Tokanayatanatoina kakataina goi itusobu.

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

Iberiu 9:15

Moe pasina tauna Yeisu moe Yaubada ina ina kanasiuna vau manuna, e bei kita, Yaubada bogina iduuduweda bego ina bodao, itoboineda bei ada vaiwowana vata ikaatotule tababane. Go Guyauyana Yaubada ina togúdala ina kanasiuna vau manuna ame nakae: Tauyana ikámasa bei ida goyo boi taguuinuwedi tutayana Yaubada ina kanasíuna vakuumgoina goi takaaiyaka yaidi goi itateteda.

Iberiu 9:17

Bogina koyagoi. Ana kadókana tauyana bei ikámasa, e lovinayana geya itoboineyeta isowóduwo. Neta lovinayana ana toyata maa yawoina, ina bodao geya itoboinedita siguinuwe.

Yemesa 2:10

Avatauwa neta lovina madabokidi Yaubada ina Katukeda goi sikabikaonedi go, lovina tayamo goi sikapusi, e moe nakae Atukedayana madabokina sikapipilave.