Iberiu 7:7 - Buki Kimaasabaina

⁷ E ida nuwonúwana tayamo bego avatau neta tokaipaku moe tauyana gagaina namlieta tauyana ikaipakuye. Melikisedeki nakae. Tauyana Eberamo ikaipakuye, tauna itobusave.

Iberiu 7:7 ပူးပေါင်းရင်းမြစ်များ

Aba Vatowo 49:28

E ame taudi yawou aiyuwo Isileli goi sisowóduwo. Ame nakae Yakobo natunao ikaipakuyedi. Boi kidi idi sinapu igitedi, e tauna nakae ikaipakuyedi.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

Iberiu 7:6

E kina go Melikisedekiyana Livai tubunao goi geya isowoduwoita, tauna geya ana tagonamo bego tomota idi kaiguyau ikabidi go, tuwo Eberamo goi aiguyauyana tayamo ikabi namlieta Eberamoyana ikaipakuye. Ame Eberamoyana yaina goi boi Yaubada ikatótula.

Iberiu 7:8

Ago kidi Livai tubunaoyadi idi kaiguyau tayamo sikabikabi go, sikamakámasa. Go Gínina Kimaasabaina ikamoitamo bego kina Melikisedekiyana nava ikaiyako vata, tauna ikalisavedi.