Iberiu 6:8 - Buki Kimaasabaina

⁸ Ego poyapoyayana goi neta taliboibo be pulipuli sitabo, tadigo kada, ‘Poyapoyayana geya basabasainamo; Yaubada ikatubolate.’ Tauna tagabu. Latuwoda bego kita poyapoya ma basabasaina nakae ae?

Iberiu 6:8 ပူးပေါင်းရင်းမြစ်များ

Aba Vatowo 4:11

E tauna ame tuta im guinuwa pasina akatubolatem. Poyapoya goi avalilivem, tauna geya tuwaina bei itoboinem poyapoya goi kubágula. Ame poyapoyayana siyam ikaikaina inim tutayana kwaumate.

Aba Vatowo 5:29

Tuwo idigo kana, ‘Nakona ame gomanayana ibíbina gagaina baige isawoilaveda ida paisewa moumouna goi; paisewayana moe poyapoya boi ikatubolate pasina.’ Tauna natuna ivayou Nowa.

Madiu 25:41

E toogoyoidi kekelina goi iiyatoidi bei ilatuwokoidi kana, “Komi Yaubada bogina itakinoimi toogoyoimi. Tauna kosiyaēgu kōna yeu aiyako vaatayaina! Yeuyana Yaubada bogina ikatubayasi mana aneroseyao manudi.

Madiu 3:10

E Yaubada ina egamogamoguyana kíyama nakae. Kiyamayana bogina alova lamdi goi iyokaabubune, tauna ava kalovava neta sikéuwo goyogoyo, bei itaunanedi go, ikabidi ilavedi yeu goi igabudi. Tauna nakae ina egamogamogu giyakainava isowóduwo yaimi neta geya kotugavileta.

Madiu 7:19

Neta ava kalova geya ikeuwodokoneta, alovayana tatalai talave yeu goi tagabu.

Maki 11:14

Tuwo ikatubolate idigo kana, ‘Kom bei geya kuukēuwo!’ Go ina livalayana kidi ina tovatotowanayao bogina sinove.

Maki 11:21

Tuwo kina Yeisu ina katubolatayana inuwopeye, tauna Yeisu ilatuwoko idigo kana, ‘Tovatulúkwana Toolagaim, keukeuyana boile kukatuubolate kugīte, bogina ivadiwówana.’

Iyoni 15:6

Avatauwa neta geya sikaiyaketa yau yaigu goi, lawanayadi geya basabasaidimo nakae tobágula ikalebaledi go, simémala namlieta ina topaisewayao siwotuwedi sigabudi.

Iberiu 10:27

go sem mada matoita ada takínona tatuyaosiyamo be yeu ivakaigaga toina tababane. Amo yeuyana giyakainava bei Yaubada ina kaleyayao ivakasavedi.

Iberiu 12:17

Bogina tayagoi bego niga Isoyana latuwona tamana ina go, tamanayana ikatae. Moe moitamo. Tauyana mana táiya isokikina makimaki bego tamana ikaipakuye go, geya itoboineyeta tamanayana nukotona ibugavile.

Nuwogau 20:15

Avatauwa neta yoidi yawana vata bukina goi geya sikaiyaketa, e nakae ilavedi sisou yeu sabeniniminayana gagaina toina sinaena goi.