Iberiu 6:4 - Buki Kimaasabaina

^4-6 Avatauwa neta nuwodi boi Yaubada itapasigidi, yabobona yábana goi ima silotowo, bogina sisiuko, Yaubada ina livala dedevina bogina silotowo be nakae ina togaga tuta imamaima manuna bogina silotowoidi go, niga idi numisa sikalave, e geya vatau tayaamo itoboine iyolimemneidi bei situgavila geya. Tauyadi Yaubada Natuna kerose goi situpatukomnei be nakae sigieomaemaemnei.

Iberiu 6:4 ပူးပေါင်းရင်းမြစ်များ

Madiu 12:45

E tuwo dimoniyana ina ituli ta dimoni adi badabada ainima aiyuwo ikabidi imedi. Tauyadi goyogoyoidi toina, nakae dimoniyana ina goyo sikaalisave. Ikabidi, imedi vadayana sisiu sikaaiyaka. Amo korotoyana ina kaiyaka boi tupwana igoyo go, ame igoyo toina. Tauna nakae bei isowóduwo togoyoimiyami yaimi.’

Madiu 5:13

Tuwaina Yeisu kana, ‘Komi da poyapoya adi nakae. Go neta sorotiyana ina togaga bogina ikavava, manakaena idedevinamna? Geya ae? Geya basabasainamo dogoi liliudi manudi. Tuwo kolaveyāmo moetala goi tomota sivakavate.

Iyoni 15:6

Avatauwa neta geya sikaiyaketa yau yaigu goi, lawanayadi geya basabasaidimo nakae tobágula ikalebaledi go, simémala namlieta ina topaisewayao siwotuwedi sigabudi.

Iyoni 3:27

Go iya Iyoniyana idigo kana, ‘Geya vatau tayaamo kébana, nakona toolagaina gea toosobuna, ibabane neta kina Yaubada geya iviniyeta.

Iyoni 4:10

Go iya Yeisuyana idigo kana, ‘Neta Yaubada ina yabobona kuuyagoi be nakae yau bwae manuna akaawanoi kuyagoigu, e itoboine kom bwae maa yawoina kukawanoiye, bei avinim.’

Iyoni 6:32

Go iya Yeisuyana idigo kana, ‘Moitamo awoinu yábana goi imamaima sikakáika go, ame alatuuwokoimi konōve: Iya Mosese awoinu yábana goi geya ivinidita, go sem yau Tamagu ivinidi go, awoinu mooitamoina yábana goi nakae bei ivinimi.

Guinuwa 10:45

Go kidi Yeisu ina tonumisayaoyadi boi Pita taiyao sima sikaaiyaka sigite, nukotodi siwówana bego kidi Totuyoyowo nakae yaidi Yaubada Balomaina Kimaasabaina bogina isiwoi.

Guinuwa 11:17

Tauna Yaubada neta ina yabobona moe Baloma Kimaasabaina boi ikaiguyauye kita Diyuu yaida tutayana ida Tomoya tanumise go, ame tuta ame yabobonayana nakae ikaiguyauye Totuyoyowo yaidi, e manakae? Yau avatau bego Yaubada ina guinuwayana asanabode? Geya itoboineguta.’

Guinuwa 15:8

Yaubada, Tauyana nuwoda bogina iyaagoidi, Totuyoyowo ikamoitamoedi bego kidi ina bodao tutayana ivinidi boi kita nakae ivinida.

Guinuwa 8:20

E kina go Pita kana, ‘Saimoni, kom kunuwonúwana itoboinem Yaubada ina yabobona kutabubuli, tauna bego kom mam mani kuvailai vata!

Roma 1:11

Akatukuwonemi bei agitemi bego Baloma Kimaasabaina ina yabobona akaiguyauye yaimi, bei akitogagemi.

2 Korinta 4:4

Amo tauyadi geya sinumiseta. Poyapoya ame ina yaubada nuwodi ivapatudi, e mavada Vala Dedevina goi geya sigiteyeta. Vala Dedevinayana ame manuna: , Tauyana Yaubada ana tapata.

2 Korinta 4:6

unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu maisina goi itapasígina.

Galetiya 3:2

Dogoi tayamo toito latuwogu kolatuwokoigu bei ayagoi. Dogoiyana ame: ana talavaita konove konumise pasina kobabane? Valayana ana numisa pasina ae?

Galetiya 3:5

E tauna ame nakae: Yaubada Balomaina ikaiguyauye yaimi be nakae yaimi goi iguuinuwedi go, kaga pasina amo dogoiyadi iguuinuwedi? Ina Katukedayana ana guinuwa pasina gea Vala Dedevinayana ana talavaita konove konumise pasina? Valayana ana numisa pasina ae?

Epeso 1:18

unana nukotomi bogina ikimavadedi. Tauyana bei koyagoidoko, e bei koyagoi kaga kita, Yaubada ina kimasabayao bogina iduuduweda, itoboineda talotutae. Aiyuwoina bei koyagoi ina kaiguyau dedevina toina moe kita ina kimasabayao.

Epeso 2:8

Moitamo. Yaubada ina kanuwóiya goi bogina iyaveda numisa pasina go, yavayana unana moe geya kita toinida ida guinuwa goi geya. Moe Yaubada ina yabobona goi.

Epeso 3:7

Yaubada ikawoigu yau aetovaita Vala Dedevinayana manuna. Guna kawoiyana moe ina kanuwóiya ivinibesoigu. Moe nakae ina togaga ipaaisewa yau yaigu goi.

Epeso 4:7

E ina kanuwóiya ikaiguyauyedi kita tamo tamo yaida goi nakae toinina ina nuwonúwana goi.

1 Timoti 4:14

Boi Baloma Kimaasabaina im kaiguyau ivinim tutayana tomoyamoya nimadi sikailagasidi dabam goi Yaubada ina nuwonúwana kom manum sikabivalevale. E moe aiguyauyana taabu kukaligaagaīye.

2 Timoti 2:25

be nakae manukaida ida kaleyayao takitototoidi. Nakona Yaubada bei ivaitedi situgavila, e Yaubada ana Nanamsa Mooitamoina siyagoi

2 Timoti 4:14

Kina go kainum ana topaisewa Alekisanda ina goyo yaigu moe gagaina. Go nakonakae tauyana ina guinuwa, e nava bei ida Tomoya ikatumapu.

Iberiu 10:32

E konuwovīla boi tutayana Yaubada nuwomi igimitapasigidi, namlieta mou ana gedageda gagaina kolotowoidi go, kotogaga.

1 Iyoni 5:16

Tuwo neta siyami kogite goyo tayamo iguuinuwe go, goyoyana pasina Yaubada bei geya ilivisiyevataeyeta, kokawanōi tauyana manuna go, Yaubada bei iyolime. Go goyo tayamo ikaaiyaka neta taguinuwe, e Yaubada bei ilivisiyeda. Avatauwa yaida goi neta goyoyana iguuinuwe, e tauyana manuna taabu kokaawanōi.