Iberiu 6:16 - Buki Kimaasabaina

¹⁶ Yaubada ina kanatamadayana kita tomota nakae. Neta takanatamada, you gagaina goi takanatamada. Anatamadayana moe aba kamoitamo bego taguinuwa nakae takatótula be nakae tomota geya itoboinedita silawoiwoiyeda.

Iberiu 6:16 ပူးပေါင်းရင်းမြစ်များ

Aba Vatowo 14:22

E kina Eberamyana idigo kana, ‘Akatótula Yaubada Tokanayatanatoina matana goi, Tauyana yábana be poyapoya adi tomadágina.

Aba Vatowo 21:23

Tauna ame tuta Yaubada matana goi kukatōtula yaima bego geya kuguinuwa goyogoyo yaima, yau be nakae natugowo be tubugowo, go sem kom ogaoga ameko goi go, nakonakae bogina akubunuwem, e nakae guna kubunuwayana kulolāse yau yaigu be nakae ida kuyoisikavāte.’

Aba Vatowo 21:24

Eberamoyana idigo kana, ‘Yaubada matana goi bogina akatótula. Kaga liliuna kuudigedi nakae bei aguinuwedi.’

Aba Vatowo 31:53

Bei Eberamo ina Yaubada be Nakori ina yaubada, moe tamadi idi yaubadao siliuneda neta yau ayogedegedem o kom kuyogedegedegu.’ Tuwo Yakobo tamana Aisake ina Yaubada tokatumatoita goi ikatótula.

Tateta 22:11

e adi taiyuwo bei sitaoya Yau matagu goi go, torugwáuta ikanatamada kana, “Yau yoguyoguyana geya abisikoneyeta.” Tauna torugwautayana geya ikatumapuyeta, e nakae toni yoguyogu geya tuwaina iboboreta.

Galetiya 3:15

Segowo, aba gita tayamo aguinuwe. Aba gitayana moe kita tomota ada dadava goi. Neta boda aiyuwo taiyao tomota matadi goi sikanasíuna, e anasiunayana aiyako vaatayaina, tauna geya vatau tayaamo itoboine anasiunayana iligei o ikatusavi geya, go sem ikaiyako vata nakae mainao sikanasíuna. E aba gitayana moe kita tomota ida sinapu anasíuna manuna go, Yaubada ina kanasíuna Eberamo yaina nakae.

Iberiu 6:13

Eberamo aba gita tayamo numisa be mesayágana manudi. Eberamoyana yaina goi Yaubada ikatótula go, geya vatau yoina Yaubada yoina ikalisave, tauna toinina yoina goi ikatótula bei atotulayana iguinuwe.