Iberiu 6:11 - Buki Kimaasabaina

¹¹ E latuwogu toina bego komi tamo tamo amo sinapuyadi manudi nava kopooisógana ana kadókana tuta aba lukavava goi nakae boi bogina koguuinuwedi, bei Yaubada ina katótula kolotuutaedi kobabanedi.

Iberiu 6:11 ပူးပေါင်းရင်းမြစ်များ

Madiu 24:13

Go avatauwa neta sitaoyakavata ana kadókana poyapoya ana kaba lukavava, e adi yava bei sibabane.

Luke 1:1

Tomoya Tiyopilo, Tomota badabadaidi bogina sipoikíkina bei Yaubada ina guinuwa boi yaida goi simalatomota tetelidi buki goi siginidi.

Roma 12:8

Neta ida kaiguyau moe kipáiwala, e takipāiwala. Neta ida kaiguyau moe nimalovalova, tanimalovalōva. Neta kita tovakumgo, mada poisógana taavakūmgo. Neta ida kaiguyau moe nuwokapisi, mada uyáwana tanuwokapīsi.

Roma 15:13

E akawanoi Yaubada yaina, Tauyana talootutae, bei iguinuwe nakae idige. Guna kawanoiyana ame nakae: Bego imi numisa pasina uyáwana be tuboina goi ivakayaodeidokoimi be ina togaga goi imi lotutayana ivaituwe.

1 Korinta 13:13

E ame tuta sinapu aito sikaaiyaka: Numisa, lotuta, matakoi. Go ame sinapuyadi yaidi goi matakoi moe sinapu gagaina toina.

1 Korinta 15:58

E tauna segowo guna kaloyao, tatogāga be tataoyakavāta. Nakae tuta liliuna ida Tomoya ina paisewa tapooisogāne unana tayagoi ida paisewa ida Tomoya umana geya dogoi besobeso geya.

Galetiya 5:5

Moitamo. Atukedayana ana guinuwa geya ivaitedeta niga Yaubada ina manuna. Kita go Yaubada Balomaina ina togaga goi ida numisa pasina mada lotuta taatuyáwata bego Yaubada nava bei itakinoida kita kiboobosida ina kanasíuna manuna.

Galetiya 6:9

E taabu ida guinuwa dedevidi goi takawoowotēya. Neta nukotoda geya itopeta, e tuta Yaubada iupae goi ida dibayoya dedevina bei tababane.

Pilipai 3:15

Tauna liliuda yaida avatauwa neta bogina numisa goi tamatuwo, ame guna nuwonuwanayana nuwoda goi tayoisiikavāte. Ego avatauwa komi neta ituli ta nuwonúwana nuwomi goi koyoisiikavate, e Yaubada nakae bei nuwonúwana mooitamoina ikaiwoduwe yaimi.

Kolose 1:23

Moe nakae moitamo neta numisa goi kokaiyaka dókana. Numisayana ida dako nakae, yatana bogina tataoya ikasa. Ago numisayana goi geya tamoyamoya geya, go sem ada yava Vala Dedevina pasina talootutae. Vala Dedevinayana boi bogina konove, bogina inúnuwo Yaubada ina madaginayao liliudi yaidi goi. Valayana manuna yau Paulo bogina amalatovaita.

Kolose 1:5

Imi numisayana be imi matakoiyana unadi moe imi lotuta go, imi lotutayana bego ami vaiwówana yábana goi Yaubada imataakavate nava bei ivinimi. Moe boi livala mooitamoina goi bogina konove; livalayana moe .

Kolose 2:2

Latuwogu bego kidi be nakae komi atemi sipatu ame nakae: Imi manuna.

1 Tesalonáika 1:5

Ami kinavayana kaayagoi unana tutayana ikamoitamoedoko yaima goi. Moe bogina kooyagoi unana kai boi kakaaiyaka yaimi goi, e ima guinuwa madabokina bogina kogite moe ami dedevina manuna.

2 Tesalonáika 3:13

E komi go semaoyami guinuwa dedevina manuna taabu kokawoowokāi.

Iberiu 10:22

Tauna ma kateda mooitamoidi be mada numisa toogagaina Yaubada tanōko unana ateda bogina iseulidi be nakae nuwoda ina sabutuko ikimavadedi go, wowoda bwae maavadaina goi inikidi.

Iberiu 3:14

Bogina koyagoi. Kita bogina tasiuko taeboda tayamo neta ida numisa boi mainao tagiminumisa nakae tayoisikavate ana kadókana tuta ana kaba lukavava.

Iberiu 3:6

E kina go aba numisa, tuwo Yaubada ina vada irugwausidoko geya kada kitom nakae geya, go sem Natuna nakae. Vadayana moe kita, neta moitamo ida katepatu Yaubada yaina manuna be nakae ida uyawana gagágasa ida lotuta ina katótula manudi tayoisikaavatedi.

1 Pita 1:21

Yeisu goi kita Yaubada ana tonumisao. Tauyana Yeisu tokámasa yaidi goi ikaitáoe namlieta ana káeyana tomoeeyalina goi ivaisiu, tauna Yaubada taanumise be nakae talootutae.

2 Pita 1:10

Tauna segowo, taabu imi sinapu nakae, go sem kopooisōgana bego imi sinapu dedevina bei koyagoidoko bego Yaubada iduduwemi o tadigo kada, ‘Ikinavemi.’ Neta mae sinapuyadi dedevidi koguuinuwedi, imi numisa goi geya kookapusi, geya toina.

2 Pita 3:14

Tauna, guna kaloyao, ame dogoiyadi bogina koyaamwasidi go, kopooisōgana bei imi sinapu madabokina dedevina, e bei tutayana Yaubada idovatusimi, ibabanemi geya ami pikwanamo geya toina be nakae tuboina goi kokaaiyako.

1 Iyoni 3:14

Tayagoi bego kita ámasa ana dadava bogina takalave go, yawoida vata bogina tababane. Moe taayagoi unana sedao tamatakoiyedi. Go avatauwa neta geya simatakoita, nava ámasa ana dadava goi sikaaiyaka.

1 Iyoni 3:19

Ida matakoiyana goi bei tayagoi bego kita Yaubada ana Nanamsa Mooitamoina goi takaaiyaka be nakae Tauyana matana goi nuwoda bei tatamyabidi ame nakae:

Nuwogau 2:26

Avatauwa komi neta kootogaga be guinuwa koguuinuwedi nakae bogina alatuwokoimi ana kadókana aba lukavava goi, e lovina avinimi bei boda liliudi kolovinaedi.