Iberiu 6:1 - Buki Kimaasabaina

¹ E tauna vatulúkwana vakuumgoidi manuna bogina tayagoidi, tauna vatulúkwana tuwaina goi tabibībina be ida numisa goi tamatūwo. Ago taabu vatulúkwana vakumgoidiyadi lasáuna nakae takaudakodaakomnēi. Moe nakae takaluvilamna tana vatulukwanayadi sivatulukomneida. Vatulukwanayadi ame nakae: Guinuwa aba kámasa goi tatugavila, numisa Yaubada yaina,

Iberiu 6:1 ပူးပေါင်းရင်းမြစ်များ

Madiu 21:29

“Ogu ikai”, botomoyayana kaena. E niga go nukotona ikatuvilavila, tuwo moitamo ina ipaisewa.

Madiu 21:32

Moe moitamo. Iyoni iwo yaimi goi ana kibóbwata italavaite go, komi geya konumiseyeta. Go kidi takisi adi togogo be nakae tomatagogoli sinumise. E komi matami goi amo kogite go, tuwo niga komi geya kotugavileta be tauyana konumise.’

Madiu 3:2

idigo kana, ‘Kotugavīla! bogina imaiyaba bei itoboinemi kosiu.’

Madiu 4:17

E tuwo Yeisu ina talavaita ivatowo idigo kana, ‘Kotugavīla! bogina imaiyaba bei itoboinemi kosiu.’

Madiu 5:48

Tauna komi bei imi sinapu madabokina goi komatūwo, Tamada guma yábana nakae.’

Madiu 7:25

Niga kúwana ikúwana, e mluwa idau, nakae yágira itowo vadayana goi ikona go, geya iyaobasiyeta. Bogina koyagoi. Gurewa yatana goi iyowo.

Maki 1:1

, Tauyana Yaubada Natuna, valena ana kaba vatowo. Ana kaba vatowoyana ame nakae:

Maki 6:12

Tuwo ina tovatotowanayaoyadi sitaoya sina asa liliudi goi sivanibiníbita, e tomota yaidi sitalavaita bego situgavila.

Luke 6:48

Kidi koroto tayamo nakae vada iyowoyowo. Mainao túmala goi ieli ana kadókana gurewa ibabane. Gurewayana yatana dako ikaudakodako. Ikavava, dakoyana yatana ina vada iyowo. E kúwana gagaina ikúwana, mluwa idau ina vadayana ilaui go, geya itoboineyeta bei ikaubasi unana ana yówana dedevina.

Iyoni 12:44

E iya go Yeisuyana niyana gagaina goi iduduwo idigo kana, ‘Avatauwa komi neta konuumisegu, e aguta geya, go sem guna Toetuna nakae koonumise.

Iyoni 14:1

tuwaina kana, ‘Taabu nukotomi taitáiya iiuyōi. Yaubada bogina koonumise, tauna yau nakae konuumisēgu.

Iyoni 5:24

Takínona ana paisewa ivini go, ame alatuuwokoimi konōve: Avatauwa neta guna livala sinovedi be guna Toetuna sinumise, e yawoidi vata sibabane. Tuwo takínona goi geya sisiuta, go sem ámasa bogina sikalave go, sisaidámana yawana vata goi.

Guinuwa 11:18

E Pita ina livalayadi sinovedi, tuwo idi kaumakimaki goi situgaumo go, Yaubada ina togaga ana sikamoitamoe sidigo kadi, ‘Totuyoyowo nakae Yaubada iuyaonedi neta situgavila. Idi tugavilayana pasina yawoidi vata bei sibabane!’

Guinuwa 17:30

E tuwo boi mainao Yaubadayana kotamogemogeye, tuwo imi goyo geya ikatumapudita, go sem ina upa bogina iyato bego da poyapoya mana kivavasa itakinodokoidi. Ago koroto tayamo boi bogina ivayoko ina totakínona. Manakaeda tayagoi bego ame moitamo? Aba kamoitamo iguinuwe tomota liliuda yaida moe korotoyana tokámasa yaidi goi ikaitáoe. Korotoyana ikinave bego tomota liliudi itakinoidi. Tauna ame tuta Yaubada ilovina bego tomota madabokida asa liliudi goi tatugavīla go, Tauyana anetava tanumīse.’

Guinuwa 2:38

E kina go Pitayana idigo kana, ‘Kotugavīla namlieta komi tamo tamo kotagōna bego Yeisu , e bei imi goyo inuwotaoidi be nakae Yaubada Baloma Kimaasabaina ivinibesoimi.

Guinuwa 20:21

Komi Diyuu be nakae komi yaimi atalavaita kagu, “Kotugavīla go, Yaubada konōko be nakae ida Tomoya Yeisu konumīse.”

Guinuwa 26:20

go sem ana Damasiko goi agimitalavaita namlieta ana da Yerusalema yaidi atalavaita. Niga Diyuu Yudiya madabokina goi be nakae Totuyoyowo yaidi goi ataalavaita. Ago guna talavaitayana goi alatuwokoidi adigo kagu, “Kotugavīla go, Yaubada komēko. Ago guinuwa dedevidi koguinuwēdi. Guinuwayadi moe imi tugavila ana kaba kinana.”

Guinuwa 3:19

Tauna kotugavīla go, Yaubada komēko, e bei imi goyo itakukudi.

1 Korinta 13:10

Go tutayana ida Tomoya ikaluvilamna ima, Yaubada ina nuwonúwana madabokinakova bei isowoduwo dókana go, ame aiguyauyadi kaavavaidi bei sitagau.

1 Korinta 2:6

E nanamsa toina manuna moe tomota madi numisa maatuwoidi yaidi goi kataalavaita. Moe nanamsayana geya kada tuta ame ana nanamsa o tuta ame ana tolovinao idi nanamsa geya; tolovinayadi Yaubada bei ikausaolidi. Moe pasina amo nanamsayana geya katalavaiteyeta,

2 Korinta 7:1

Tauna moe Yaubada ina katotulayadi bogina ivinida, tuwo guna kaloyao, kaga liliuna wowoda be balomaida ikibaibaailidi goi takimavadēda go, mada matoita wowooinina Yaubada yaina takimasabedokōida Tauyana umana.

2 Korinta 7:10

Nuwomou Yaubada latuwona moe dedevina. Nuwomouyana pasina tatugavila bei ada yava tababane. Go ada yavayana manuna geya tavakuwoneta. Ego nuwomou da poyapoya silotowo goi ámasa sibabane unana idi goyo goi geya situgavileta.

Epeso 2:1

Komi go boi mainao kaamasimi nakae imi kapipilova be imi goyo pasidi.

Epeso 2:5

Tauna ida kapipilovayadi goi kita kaamasida nakae go, tuwo ina nuwokapisiyana pasina taiyao yawoida vau ivinida. Ina kanuwóiya goi bogina iyaveda.

Epeso 4:12

Ame tauyadi idi paisewa moe Yaubada ina kimasabayao sikatubayasidi vaita ana paisewa manuna bei wowona sikitogage.

Kolose 1:28

Tauyana kai kataalavaite tutayana tomota liliumi kakatusinapumi be nakae mama nanamsa gagaina kavatulukoimi. Ima talavaitayana bego itoboinema tomota liliumi kavagitakoimi komi maatuwoimi Guyau matana goi.

Kolose 3:14

E moe sinapuyadi kolosidi ikavava, namlieta baige kolōsi. Matakoiyana goi taspwagogana dókana.

Kolose 4:12

Epapira, tauyana imi boda tayamo, ina yabobona yaimi. Tauyana Yeisu ina pákwana tayamo. Tuta liliuna ina kawanoi goi iikokoila manumi bego koovadókana, imi numisa goi komatuwo be nakae Yaubada ina nuwonúwana koyagoidoko.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

1 Timoti 6:19

Moeko goi idi esaesa toina bei sivaituwedi, e bei adi katumapu tuta imamaima goi sibabane; atumapuyana moe yawoidi toina.

2 Timoti 2:19

Ago Yaubada ina bodao dako kasakasaina nakae bogina sitaoyaakavata. Dakoyana goi gínina ame nakae ikaaiyaka kana, ‘ toinina ina bodao bogina iyaagoidi.’ Aiyuwoina kana, ‘Avatauwa neta Yauwe yaina sisaakululu goyo situgavīle.’

Iberiu 11:6

E, neta geya ida numisamo Yaubada yaina, geya itoboinedeta Tauyana tavauyaone. Neta latuwoda tanoko, itoboineda mainao tanumisa bego ikaaiyaka be nakae ana tolusalayao adi vaiwówana ivinidi.

Iberiu 12:13

go, imi kenao kokitotomoiīdi bego kidi topem geya sikapusita, go sem bei sidedevina.

Iberiu 7:11

Tuwo Tonúwala adi kinava unana moe Yaubada ina Katukeda boi tubudao ivinidi. Tauna nakona kita tanuwonúwana bego Tonúwala Livai goi sima itoboinedi tomota sikimatuwedi. Go geya itoboinedita. Tauna itoboine Tonúwala tayamo itaoya geya kada nakae geya, go sem Melikisedeki nakae.

Iberiu 9:14

Amo yoguyoguyadi ikaikaidi tomota toluyedi kaka sikimavadedi go, Guyau kina ikaikaina ikalisavedi. Tauyana geya ana pikwanamo Baloma aiyako vaatayaina ina togaga goi toinina ikasale Yaubada yaina. E ida guinuwa aba kámasa bolotodi goi nuwoda ina sabutuko ikimavadedi, e bei Yaubada maa yawoina yaina tataaimámina. Tauna amo yoguyoguyadi ikaikaidi kina ikaikaina ikalisavedi, e nuwoda ikimavadedi.

Yemesa 1:4

Go aramaitanayana kootagōne ikeuwo dókana sinaemi bego imi numisa goi koomatuwo be nakae imi sinapu madabokina bogina sidedevina, e geya kada tayaamo sinapu dedevina bei kokiseyeseye geya.

1 Pita 1:21

Yeisu goi kita Yaubada ana tonumisao. Tauyana Yeisu tokámasa yaidi goi ikaitáoe namlieta ana káeyana tomoeeyalina goi ivaisiu, tauna Yaubada taanumise be nakae talootutae.

1 Pita 5:10

E kina go Yaubada, Tauyana anuwóiya liliudi unadi, boi bogina ida Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa.

1 Iyoni 4:12

Geya kada tayaamo tomota Yaubada igite geya go, neta kita sedao tamatakooiyedi, Yaubada yaida goi ikaaiyaka be ina matakoi ateda goi bogina imalatomota.