Iberiu 5:12 - Buki Kimaasabaina

¹² Ame moitamo. Tuta maanawena bogina konumisa, e itoboine ame tuta kovatulúkwana go, geya, go sem itoboine Yaubada ina livala vakuumgoidi adi kaba vatowo aiyuwoina sivatuluukomneimi. Tauna komi nava nunu kaka itoboinemi go, awoinu kasakasaina geya itoboinemita.

Iberiu 5:12 ပူးပေါင်းရင်းမြစ်များ

Madiu 17:17

Go kina Yeisuyana idigo kana, ‘Komi tomota manakae? Manakae? Komi numisa geya be nakae dabami sikasa ae? Tuta maanawena taiyao bogina takaaiyaka go, ava tuta bei konumisedokoigu? Tuta maanawena imi dabakasa bogina aatogage, tauna ava tuta bei konovegu? Tuwo, gomanayana kōme!’

Maki 9:19

Go Yeisu idigo kana, ‘Komi tomota manakae? Moitamo numisa geya ae? Tuta maanawena taiyao bogina takaaiyaka go, ava tuta bei konumisedokoigu? Tuta maanawena imi dabakasa aatogage, tauna ava tuta bei konovegu? Tuwo gomanayana kōme!’

Guinuwa 7:38

Ame Moseseyana Isileli tubunao yoyowo goi taiyao situgúguna go, anerose Sainai koyaina goi tauyana ivadigo. Inove, e aneroseyana ina livala ikabivalevaledi, tubudao ivatulukoidi. Ame livalayadi moe Yaubada ina livala yáwana manuna Mosese ivini, e sima kita yaida.

Roma 3:2

Kita Diyuu moe ada dedevina gagaina toina! Dogoi badabadaidi Yaubada iguinuwedi kita Diyuu yaida goi go, dogoi gagaina moe tubudao ikawoidi bei ina katótula Eberamo yaina sikabikaonedi be sitalavaitedi tomota liliudi yaidi.

1 Korinta 14:19

Tauna nakona komi imi nuwonúwana goi kami, ‘Yaubada ana totugugunayao yaidi goi Paulo latuwona yábana niyanina goi ibóbwara.’ Go moe nakae geya, go sem neta itoboinegu bóbwara giyaina ma nuwogu abóbwara bego tauyadi nakae avatulukoidi moe dedevina toina namlieta bóbwara maanawena yábana niyanina goi abóbwara. Neta yábana niyanina goi abóbwara, boda geya siyagoiyeta.

1 Korinta 14:20

Segowo, taabu imi nuwonūwana Baloma Kimaasabaina ina kaiguyau adi kaikauna manudi gogómana nakae, go sem latuwogu imi sinapu goi geya ami pikwanamo memeya nakae. Ego imi nuwonúwana aiguyauyadi manudi komatūwo.

Galetiya 4:3

Moe kai nava geya imaita, kai gogómana nakae, tauna geya kalovineta, go sem kai da poyapoya adi tokinagovayao idi pakonayao.

Pilipai 3:1

Guna nuwonúwana tuwaina alatuwokoimi, segowo. Ida Tomoya taiyao pasina kouyāwana! Ame dogoiyadi boi alatuwokoimi go, ame aginimneidi manumi geya ilausiguta. Moe komi ami vabodaboda manuna.

Kolose 3:16

ina vesi goi valayana kovatulūkwana be kokatusināpu komi tamo tamo yaimi goi be nakae mami kaauyagu atemi goi kovesivēsi Yaubada yaina.

Iberiu 10:32

E konuwovīla boi tutayana Yaubada nuwomi igimitapasigidi, namlieta mou ana gedageda gagaina kolotowoidi go, kotogaga.

Iberiu 5:11

ina paisewa núwala manuna livala liliudi sikaaiyaka go, adi talígava simoumou yaimi unana dabami sipatu.

Iberiu 5:13

Avatauwa neta avadi moe nunu kaka, tauyadi nava gariyadi Yaubada ina livala nuwona ana kibóbwata manuna. Tauyadi nava memeya nakae.

Iberiu 6:1

E tauna vatulúkwana vakuumgoidi manuna bogina tayagoidi, tauna vatulúkwana tuwaina goi tabibībina be ida numisa goi tamatūwo. Ago taabu vatulúkwana vakumgoidiyadi lasáuna nakae takaudakodaakomnēi. Moe nakae takaluvilamna tana vatulukwanayadi sivatulukomneida. Vatulukwanayadi ame nakae: Guinuwa aba kámasa goi tatugavila, numisa Yaubada yaina,

1 Pita 2:2

Nakae gogómana meyameyaidi nunu sikamonamonanae, e komi nakae Yaubada ina livala mooitamoina be maavadaina kokamonamonanāe bego livalayana goi koomatuwo ana kadókana ami yava ana kalaitúwana kobabane.

1 Pita 4:11

Ame nakae: Avatauwa kita neta ida kaiguyau moe talavaita, tatalavaita nakae neta Yaubada ina livala tatalavaite. Avatauwa kita neta ida kaiguyau moe vaita, Yaubada ina togaga goi tavāita. Moe bego ida guinuwa liliudi Yeisu ame tuta be nakae tuta simamaima! E nakae!