Iberiu 4:1 - Buki Kimaasabaina

¹ Tauna ame tuta Yaubada ina katótula ina kaba waiwasi ina siu manuna nava ikaaiyaka, tuwo apipilova tamatōite, govila bei maniyeda takapusi, e geya itoboinedeta tasiu.

Iberiu 4:1 ပူးပေါင်းရင်းမြစ်များ

Madiu 24:48

Go nakona amo pakoninayana goyogoyoina. Bei nuwona goi inuwonúwana kana, “Guna tomoya ikaimúmuna.”

Guinuwa 3:19

Tauna kotugavīla go, Yaubada komēko, e bei imi goyo itakukudi.

Roma 11:20

Nakae go, tauyadi geya idi numisamo pasina ikiguyalidi go, komi imi numisa goi kotaoyakavata. Taabu konuuwatūe, go sem koomatōita!

Roma 3:23

Madabokiida, Diyuu be Totuyoyowo, bogina tagoyo, e Yaubada ana tomoeeyalina tapoikiki bego yaida goi itakanukanunu go, geya itoboinedeta.

1 Korinta 10:12

Tauna avatauwa komi neta konuwonúwana itoboinemi aba vakakona goi bei kotaoyakavata, korugwausīmi, govila bei kokapusi.

2 Korinta 6:1

E Tauyana taiyao kaapaisewa, tauna nakae kakawanoi makimaki ina kanuwóiya kouyaōne go, anuwoiyayana kotagōne yawoimi goi ikeuwoe.

Galetiya 5:4

Avatauwa komi bego Atukedayana ana guinuwa pasina Yaubada ivayokoimi komi kiboobosimi ina manuna, e Guyau yaina bogina toinimi kotavileiyemi. Moeko goi Yaubada ina kanuwóiya bogina kokalave.

2 Timoti 2:13

Neta kita geya aba numisa, e Tauyana nava aba numisa. Moitamo. Tauyana geya itoboineyeta toinina ina sinapu ilawoiwoiye.

Iberiu 12:15

Ami dodōkana, govila bei tayamo yaimi goi Yaubada ina kanuwóiya geya ibabaneyeta. Aiyuwoina ami dodōkana, govila bei maniyemi yaimi goi kubukasa lam nakae itabo, e ibíbina go, keuwoina tamatamaina isowóduwo, e bei semiyao badabadaidi ikaigoyaidi.

Iberiu 12:25

Ami dodōkana Tauyana ame tuta ivaadigoida niyana taabu kokapiipilāve. Neta poyapoya goi boi Isileli tubunao Yaubada ina livala sikatae go, geya itoboinedita adi liuna goi sisiya, e kita manakaeda neta Yaubada yábana goi ina livala ikaiwoduwe yaida go, Tauyana tatugavile? Bei ina liuna goi tasiya gea geya? Geya ae?

Iberiu 13:7

Ami tovakumgoyao boi Yaubada ina livala sivatuulukoimi yawoidi konuwaaisīdi. Yawoidiyadi keuwoidi manuna konuwonūwana, e idi numisa kovatotowōne.

Iberiu 3:11

Nakae boi guna egamogamogu goi bogina toinigu yoigu goi akatótula kagu, “Guna kaba waiwasi goi bei geya sisiuta!”’ Same 95:7-11

Iberiu 4:11

Tauna tapoisōgana aba waiwasiyana goi tasiu, govila bei tayamo yaida tokapipilova ina kapipilova ivatotowone, tauna ikapusi isou.

Iberiu 4:9

Tauna kita Yaubada ina bodao ida kaba waiwasi nava ikaaiyaka bei itoboineda tasiu, aba waiwasiyana moe ana uyáwana nakae.