Iberiu 2:9 - Buki Kimaasabaina

⁹ E koroto tayamo tagite, Tauyana tuta kaakupina goi Yaubada ina anerose sobuyekoidi goi ikaisobuye. Moe Tauyana . Ina kámasa ana gedageda pasina Yaubada ikilagasi taimámina be wowoina ivini, e bei Yaubada ina kanuwóiya goi kita tomota liliuda manuda ámasa ilotowo.

Iberiu 2:9 ပူးပေါင်းရင်းမြစ်များ

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 16:28

U, moe nakae bei isowóduwo go, ame alatuuwokoimi konōve: Tutayana Tomalatomota ima, bei ina bodao ikaliibubudi, e komi maniyemi ameko kootaoya nava bei maa yawoimi kogite.’

Madiu 6:28

Kaga ana dedevina ami kwama manuna konuwokubukubu? Senina ana tabo manuna konuwonūwana. Sitabo go, geya sipooisógana, nakae adi kwama geya sigilugíluma.

Maki 9:1

Tuwaina idigo kana, ‘U, moe nakae bei isowóduwo go, ame alatuuwokoimi konōve: Tutayana mana togaga ima ina bodao ikaliibubudi, e komi maniyemi ameko kootaoya, nava bei maa yawoimi kogite.’

Luke 9:27

E ame abóbwara moitamo yaimi konōve: Tutayana Yaubada ina kalibúbuna ima ina bodao ikaliibubudi, e komi maniyemi ameko kootaoya nava bei maa yawoimi kogite.’

Iyoni 1:29

Vanuwo itomo Iyoni ikandobala, Yeisu igite imamaima, tuwo tomota ilatuwokoidi idigo kana, ‘Gwa! Yaubada ina ! Tauyana kita da poyapoya liliuda ida goyo ikabidi ikalavedi.

Iyoni 10:17

Tamagu imatakooiyegu unana ame: Yau yawoigu akasale ámasa goi bego aiyuwoina ababanemnei.

Iyoni 12:32

Go yau sem tutayana poyapoya ame goi sikailagasigu, tomota liliudi bei sima siwuwuligu.’

Iyoni 3:16

Ame moitamo. Yaubada imatakoiyeda ame nakae: Natuna kaakesaina ikasale bego avatau neta inumise, bei geya ikamaseta, go sem maa yawoina vata.

Iyoni 8:51

Tauyana moitamo totakínona go, ame alatuuwokoimi konoovedōko: Avatauwa neta yau guna livala sikabiikaone, ámasa bei geya siilotowo.’

Iyoni 8:52

E tuwo kidi Diyuuyadi sidigo kadi, ‘Ame tuta bogina kayagoi bego kom naagovaim. Eberamo be nakae Yaubada ina bogina sikámasa go, kom kam, “Avatauwa neta guna livala sikabiikaone, ámasa bei geya siilotowo.”

Guinuwa 2:33

E tauna Yaubada ámasa goi ikaitáoe ikavava, ikailagasi wowoina basekoina kakataina goi itusobu be nakae Baloma Kimaasabaina boi Tamana bogina ikaatotule ibabane. Tauna kaga ame kogitegite be nakae konovenove moe Balomayana kina Yeisu iisiwoi yaima ina guinuwa.

Guinuwa 3:13

Moe nakae geya, go sem Yeisu yoina goi ame topemyana togaga ibabane. Ame nakae: Eberamo, Aisake, Yakobo be nakae tubudao idi Yaubada ina kitom moe Yeisu. E ina togaga ana Yeisuyana goi ivagitakoe. Go ame Yeisuyana komi boi bogina Pailato nimana goi koyato be nakae Pailatoyana matana goi kolawoiwoiye go, bogina itagona Yeisu italigei!

Roma 5:18

E tauna tomota tayamo ina kapipilova tayamo goi tomota liliuda Yaubada itakinoida kita toogoyoida itoboineda ámasa tababane. E nakae koroto tayamo ina guinuwa kiboobosina goi tomota liliuda Yaubada ivayokoida kita kiboobosida be nakae yawoida vau tababane.

Roma 5:8

E moe moitamo go, Yaubada toinina ina matakoi yaida goi ivatulukoida bego kita nava toogoyoida go, tuwo manuda Guyau ikámasa.

Roma 8:3

Bogina koyagoi. Atukeda geya itoboineyeta italigeida unana sakava sinapuna goi ineneta go, kaga Atukedayana geya itoboineyeta, e Yaubada itoboine. Ame nakae: Tutayana Yaubada toinina Natuna ietune ima, sakava mana goyo kita nakae ikote o tadigo kada, ‘Tauyana ada goyo ana núwala’, e goyo ina togaga Natunayana wowona goi itusaoli.

Roma 8:32

Yaubada toinina Natuna geya ivagagaleyeta, go sem kita madabokiida manuda ikasale ámasa goi. Neta Natunayana itagone yaida, manakae? Bei kaga liliuna ivinibesoida gea geya? Moitamo bei ivinibesoida!

2 Korinta 5:15

Moe liliuuda manuda ikámasa bego kita maa yawoida geya tuwaina takaaiyaka toinida manuda, go sem Tauyana ikámasa be nakae itaoyamna manuda, e moe Tauyana umana takaaiyaka.

2 Korinta 5:21

Guyauyana goyo geya ilotowoeta go, kita manuda Yaubada ivayoko kina ada kimavada ana vininabeso bego kai ima manuna kakaiwoduwe.

Galetiya 4:4

Go tutayana upayana ana toboine isowóduwo, e Yaubada Natuna ietune ima. Tauyana vavina goi ibíbina kita tomota nakae be nakae ina lovina sikaukaboli.

1 Timoti 2:6

Toinina ámasa goi ikasale, liliuda ada katumapu. Moe nakae itateteda be italigeida. Mae kiyakiyaya tayamo Yaubada ina tuta ana toboine goi ivinida bego latuwona liliuda iyaveda.

Iberiu 1:9

Kibóbwata manuna nukotom ikabi go, apipilova kukaolilive. Moe pasina Yaubada, moe kom im Yaubada, amta bogina ikinavem go, kinavayana goi uyáwana gagaina kubabane be nakae semowo kutaoyakukuidi.’ Same 45:6-7

Iberiu 10:5

E tauna tutayana Guyau ima poyapoya ame goi, Yaubada ilatuwoko, idigo kana, ‘Yoguyogu ikaikaidi adi kasala be parawa ana vininabeso geya latuwom. Go wowogu kwatubayasi bei akasale yaim.

Iberiu 11:5

Enoki ina numisa goi nava maa yawoina go, Yaubada itukoe tauyana ámasa geya ilotowoeta. Tuwo tomota geya sibabaneyeta unana Yaubada bogina itukoe, tauna geya sigiteyeta. Ame moitamo. Namlieta Yaubada itukoe, e ikamoitamoe kana, ‘Tauyana ivauyaonegu.’

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Iberiu 2:7

Tuta kaakupina tauna kwaisobuye anerose sobuyekoidi goi ikaaiyaka. Go nava bei kukilagasi, e taimámina be wowoina kuvini.

Iberiu 7:25

Moe pasina tauna avatauwa kita neta Yeisu goi Yaubada tanoko, e Yeisuyana itoboine iyavevataeda unana tuta liliuna maa yawoina bei ivapiisiyeda Yaubada yaina goi.

Iberiu 8:3

Moitamo Tauyana Bateta Kimaasabaina goi ipaaisewa. Tonúwala Toolagaidi tamo tamo poyapoya ame goi Yaubada ivayokoidi bei idi kauyagu ana yabobona be nakae vininabeso yoguyogu sikasaledi Tauyana yaina. Moe pasina tauna Yeisu ida Tonúwala Tolagainayana nakae itoboine vininabeso tayamo ikasale Yaubada yaina.

1 Pita 1:21

Yeisu goi kita Yaubada ana tonumisao. Tauyana Yeisu tokámasa yaidi goi ikaitáoe namlieta ana káeyana tomoeeyalina goi ivaisiu, tauna Yaubada taanumise be nakae talootutae.

1 Iyoni 2:2

Tauyana ida kaba núwala ida goyo manudi. Go geya kada adetava geya, go sem tomota madabokidi nakae idi goyo manudi.

Nuwogau 19:12

E matana adi kaigigita yeu sabeninimina nakae go, dabana goi lovina dabayogigina esaaesaina badabadaidi sikaaiyaka. Yoina sigini go, ana yagoina Tauyana anetava iyagoi.

Nuwogau 5:9

Sisaakululu go, vesi vau sivesiye kadi, ‘Boi kom bogina sikaumatem be nakae ikaikaim goi tomota kutakonedi Yaubada manuna. Tomotayadi moe dala liliudi, aníyana liliudi, boda liliudi be nakae kantri liliudi yaidi goi kulamgogoidi sieboda tayamo. Nakae kuguinuwe bei kidi Yaubada ina bodayauwo goi sikaaiyaka be nakae kidi Yaubada ina togudalayao. Tuwo poyapoya goi bei sikalibúbuna. Tauna kom mam lovina itoboinem bukiyana kwabi be ana kaba kaipaki kukitakidi.’