Iberiu 2:10 - Buki Kimaasabaina

¹⁰ Moitamo Yeisu itoboine ikámasa. Yaubadayana pasina be nakae toinina manuna kaga liliuna sikaaiyaka. Tauna itoboine ada yava ana Tokaimatana ina gedageda goi ikatubayasi bego ina nuwonúwana iguinuwe. Ina nuwonuwanayana bego kita ina bodao liliuda Yeisu ivakededa tana Yaubada ana tomoeeyalina goi tasiu.

Iberiu 2:10 ပူးပေါင်းရင်းမြစ်များ

Aba Vatowo 18:25

Go moe geya nakae im sinapu geya. Iyaa! Neta toogoyoidi tokibóbwata taiyao kumtulidi, moe ana kaigigita tauyadi matam goi sivavasa. Ago kom kai da poyapoya ama totakínona; itoboinem kutakinona vavasa ae?’

Luke 13:32

Yeisu idigo kana, ‘Erodi geya basabasainamo. Kōna kolatuwōko kami, “Kunovēgu. Ame be itomo dimoni tomota naagovaidi goi avatapiyedi be tomota akidedevinedi. Ago koneiyuwe guna nuwonúwana alukavave.”

Luke 2:14

‘Maeko ee, Yaubada diligaema toina aba taimámina! Poyapoya goi tuboina Yaubada ina nuwonúwana ana toguinuwayao yaidi.’

Luke 24:26

Boi sidigodigo bego isiu bei ikalibúbuna.’

Luke 24:46

Ikavava, idigo kana, ‘Amo bukiyadi goi sigini bego , itoboine bei gedageda be ámasa ibabanedi go, maliyalina aitonina goi tokámasa yaidi bei itaoyamna.

Iyoni 11:52

Ago geya Isileli ina bodao aditava manudi bei ikámasa geya, go sem itoboine Yaubada natunao bogina sisapasapa italigogoidi sima sieboda tayamo.

Iyoni 19:30

E tutayana oineyana inim, idigo kana, ‘Bogina ikavava.’ Tuwo nukotona itapili, balomaina ikaiguyauye.

Guinuwa 3:15

Moe Yáwana ana Tokaimatana kokaumate go! Go ina kámasa mlina tokámasa yaidi goi Yaubada ikaitáoe! Moe kai bogina kagite, e kataalavaite yaimi.

Guinuwa 5:31

Ame Tauyana kina Yaubada ikilagasi tutayana ikailagasi wowoina basekoina kakataina goi itusobu go, ivayoko Yáwana ana Tokaimatana be nakae Toyava, e bei kita Isileli tubunao itoboineda tatugavila go, Yaubada ida goyoyadi inuwotaoidi.

Roma 11:36

Moe moitamo. Kaga liliuna Tauyana nimana goi sima, ina togaga goi sikaaiyaka be nakae dogoiyadi moe toinina manuna. Tauyana aba taimámina ame tuta nakae tuta simamaima! E nakae!

Roma 9:23

Moitamo toina Tauyana itoboine ina togaga ana káeyana ivagitakoe tauyadi inuwokapiisiyedi yaidi bego ana kaeyanayana dedevina toina. Amo tauyadi moitamo igimikatubayasidi bei ana káeyana tomoeeyalina sisiuko.

1 Korinta 2:7

go sem nanamsa toinayana moe Yaubada ina nanamsa vamoounina kataalavaite. Moe ina nuwogau Natuna ina guinuwa manuna bogina ikaiwoduwe. Boi nava kaga liliuna geya imadagidita go, nuwogauyana igimilosinapuye bego ana tomoeeyalina kita bei tasiuko.

1 Korinta 8:6

go sem kita taayagoi Yaubada tayamo toito ikaaiyaka; Tauyana moe Tamada. Tauyana goi kaga liliuna sikaaiyaka nakae kita Tauyana manuna. Tayagoi Tomoya tayamo toito ikaaiyaka moe Yeisu . Tauyana nimana goi kaga liliuna sikaaiyaka nakae kita nimana goi takaaiyaka.

2 Korinta 3:18

E kita madabokida maisida geya ana tabodamo, e maisidayadi saribu nakae goi Yauwe ana káeyana kanukanununa tagite go, Tauyana giyaina giyaina ikaigaavileda toinina ana tapata nakae tutayana ana káeyana tagite tonumisa tamo tamo goi. Moe Yauwe ina guinuwa; Tauyana moe Baloma Kimaasabaina.

2 Korinta 4:17

Ima nuwonúwana bego ima mou ame tuta moe kaakapudi be nakae tuta kaakupina goi kalootowoidi go, sikatubayasima bei Yaubada ana káeyana tomoeeyalina vaatayaina kalotowo. Ame mouyadi idedevinasavedi

2 Korinta 5:18

E moe dogoiyadi aivaudi liliudi Yaubada iguuinuwedi. Tauyana ina guinuwa goi ikabivekovekomneima go, abivekovekomnayana ana talavaita bogina ikawoima kaguinuwe.

2 Korinta 6:18

Nakae kana, ‘“Yau bei komi Tamami go, komi yau natugowo koroto be vevina”, Yauwe kaena.’ 2 Samwera 7:14 Tauna taabu tauyadi geya sinuumiseta taiyao koospwagōgana!

Galetiya 3:26

Moitamo. Imi spwagógana Guyau Yeisu taiyao pasina komi liliumi imi numisa goi Yaubada natunao.

Epeso 2:7

Moe nakae iguinuwe bego tuta imamaima ina kanuwóiya nikuunikuna ina yabobona goi bei ivagitakoe kita spwagoogonida Guyau Yeisu taiyao yaida.

Epeso 3:10

Guna talavaitayana be guna kimavadayana bego ame tuta kita Yaubada ana totugugunayao ina nanamsa nikuunikuna takaiwoduwe sinitu liliudi be adi tovakumgoyao liliudi yábana osasaina goi yaidi.

Kolose 3:4

Yawoidayadi moe Guyau. Tutayana isowóduwo, e kita nakae Tauyana taiyao tasowóduwo ana tomoeeyalina goi bei takaaiyaka.

2 Timoti 2:10

Moe pasina mouyadi liliudi yaidi goi amesayágana Yaubada ina kinavayao manudi bego kidi nakae adi yava sibabane. Adi yavayana moe idi spwagógana Guyau Yeisu taiyao pasina Yaubada ana tomoeeyalina vata goi bei sikaaiyaka.

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Iberiu 6:20

Amoko goi .

Iberiu 7:26

Moitamo! Itoboine toina kita mada Tonúwala Toolagaina amo nakae. Tonuwalayana moe Yeisu. Tauyana kimaasabaina Yaubada umana, geya ana pikwanamo, kaasalaina Yaubada yaina, geya tayaamo goyo ikibaibaili, tomota toogoyoida yaida goi Yaubada bogina ivatumasabe go, ikilagasi yábana goi.

Iberiu 7:28

Ame moitamo. Nakae Yaubada ina Katukeda idige, e koroto neenetaidi sietonúwala toolagaidi go, Atukedayana mlina Yaubada ina kamoitamo toogagaina goi Natuna ivayoko kina Tonúwala Toolagaina unana bogina ikimatuwevatae.

1 Pita 1:12

Tauyadi yaidi Yaubada ikaiwoduwe bego livala sitalavaaitedi geya toinidi adi dedevina manuna geya, go sem komi ami dedevina manuna. E Yaubada Balomaina Kimaasabaina bogina ietune ima latuwodi toina bego siyagoidokoidi.

1 Pita 5:1

Tauna komi tomoyamoya, yau tomoya tayamo komi nakae be giyakainava bei ikaiwoduwe ina kaluvilamna goi, e yau tupwana bogina aalotowo. Tuwo akatuliwolemi

1 Pita 5:10

E kina go Yaubada, Tauyana anuwóiya liliudi unadi, boi bogina ida Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa.

Nuwogau 4:11

‘Ima Tomoya Yaubada, Kaga liliuna kom kumadagidi be nakae im nuwonúwana pasina sikaaiyaka. Tauna itoboinem bei taimámina, wowoina be nakae togaga kubabanedi.’

Nuwogau 7:9

Amo dogoiyadi sikavava, e akandobala boda gagaaina agitedi. Geya vatau tayaamo itoboine ikatuyaividi. Tauyadi aba lovina tamo tamo goi, dala tamo tamo goi, boda tamo tamo goi be aníyana tamo tamo goi sima kébana esaaesaina matana goi be nakae matana goi siitaoya. Tomotayadi madi kwama maanawedi be poowoudi go, nimadi goi magimagi libidi siyooisidi.