Iberiu 13:7 - Buki Kimaasabaina

⁷ Ami tovakumgoyao boi Yaubada ina livala sivatuulukoimi yawoidi konuwaaisīdi. Yawoidiyadi keuwoidi manuna konuwonūwana, e idi numisa kovatotowōne.

Iberiu 13:7 ပူးပေါင်းရင်းမြစ်များ

Madiu 24:45

E tauna itoboine bei komi tomota be nakae tonanamsa. Tuwo ina tomoya bei ivayoko kina ina pakonayao adi tovakumgo, bei maliyalina tamo tamo tuta ana toboine goi avadi iivinidi sikakáika. Ikavava, tomoyayana ina.

Luke 12:42

Tuwo Tomoyayana idigo kana, ‘Livalakaibalayana moe komi manumi be nakae tomota liliudi manudi neta komi tomoya ina pákwana tayamo nakae. Pakoninayana be nakae torugwáuta mana nanamsa. Tuwo ina tomoya bei ivayoko kina ina pakonayao adi tovakumgo, bei maliyalina tamo tamo tuta ana toboine goi avadi iivinidi sikakáika. Ikavava, tomoyayana ina.

Luke 5:1

E tuta tayamo bodayadi sivatuvagivagigi be nakae Yaubada ina livala ivaatulúkwana sitaaiyakeke go, Tauyana Genesareta Bwaena kikina goi iitaoya.

Luke 8:11

E guna livalakaibalayana ana talígava ame nakae: Kutukutuyadi moe Yaubada ina livala.

Guinuwa 13:46

Ago kidi Paulo be Banabasi madi katepatu sidigo kadi, ‘Itoboine komi Diyuu Yaubada ina livala kogiminove go, konōve! Ame tuta bei kakalavemi go, kana kidi Totuyoyowo yaidi goi Vala Dedevinayana katalavaite unana livalayana kokatae be nakae toinimi kotakinoimi komi geya ikonemita yawoimi vata kobabane.

Guinuwa 14:23

E tauyadi Tomoya ana totugugunayao idi tugúguna tamo tamo adi tomoyamoyayao sikinavedi. Ikavava, madi be madi kawanoi tomoyamoyayadi sikasaledi idi Tomoya siinumise yaina.

Guinuwa 4:31

Sikawanoi ikavava, vadayana goi siitugúguna itátava go, madabokidi Baloma Kimaasabaina ivakayaodeidi, e madi katepatu Yaubada ina vala nava sitaalavaite.

Roma 10:17

Tauna numisa ana kenao ame nakae: Tomota sinumisa unana Valena sinove go, Valenayana sinove tomota idi talavaita pasina.

1 Korinta 10:13

Vakakona liliudi siimekoida moe tomota liliudi adi vakakona nakae. Go Yaubada . Geya kada tayaamo vakakona itagone bei itogagasaveda geya, go sem tutayana vakakona tababane, Tauyana bei aba siya tayamo ivatulukoida, e bei itoboineda tatogaga.

1 Korinta 11:1

Nakae yau avatootowone, e kovatotowonēgu.

1 Korinta 4:16

E tuwo komi natugowo nakae akatuliwolemi kovatotoowonēgu.

Pilipai 3:17

Madabokimi taiyao, segowo, yau imi kaba gita kovatotowonēgu be nakae avatauwa neta ama tapata goi siiketoiya, e tauyadi kodumakavatēdi bego kovatotowonēdi.

1 Tesalonáika 1:6

Aiyuwoina komi ami kinavayana kaayagoi unana kai be ida Tomoya kovatotowonema ame nakae: Mou gagaidi kobaabanedi imi numisa pasina go, tuwo Valayana mami uyáwana kouuyaone. Uyawanayana Baloma Kimaasabaina ivinimi.

1 Tesalonáika 2:13

Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.

2 Tesalonáika 3:7

Moitamo. Boi kai yaimi goi kakaaiyaka geya suumoyaima geya, go sem kai topoisógana. Tauna komi bogina kooyagoi manakaemi itoboinemi ima sinapu kovatotowone.

2 Tesalonáika 3:9

Kai mama lovina itoboinema bei awoinu goi kovaaitema go, ame nakae geya latuwoma, go sem latuwoma toinima kapaaisewa bego kai imi kaba gita tayamo, e itoboinemi kovatotoowonema.

1 Timoti 3:5

Ego korotoyana neta geya iyagoiyeta manakaena toinina ina bodayauwo ivakumgoiyedokoidi, e manakaena bei Yaubada ana totugugunayao ivakumgoiyedokoidi? Geya.

Iberiu 13:17

Imi tovakumgoyao kokabikaonēdi be nakae yaidi goi kokatetaagonēmi. Moitamo. Tauyadi yawoimi simatakaavatedi unana nava bei idi paisewayana Yaubada matana goi sitalaseyane. Ago idi matakavatayana goi madi uyáwana sipaisēwa go, geya adi romgimo. Neta komi geya imi kabikawanamo pasina siromgi, moe geya ami dedevinamo manuna geya.

Iberiu 13:24

Ima yabobona imi tovakumgoyao liliudi be nakae komi Yaubada ina kimasabayao madabokimi yaimi goi. Tauyadi tonumisa da Itali ameko goi idi yabobona sietune iwo yaimi.

Iberiu 6:12

Moe nakae kopooisōgana, govila bei kosumoya. Geya latuwogu kosumoya, go sem tauyadi madi numisa be madi mesayágana atótula keuwoidi sibaabanedi kovatotoowonedi.

1 Pita 4:11

Ame nakae: Avatauwa kita neta ida kaiguyau moe talavaita, tatalavaita nakae neta Yaubada ina livala tatalavaite. Avatauwa kita neta ida kaiguyau moe vaita, Yaubada ina togaga goi tavāita. Moe bego ida guinuwa liliudi Yeisu ame tuta be nakae tuta simamaima! E nakae!

Nuwogau 1:9

Yau Iyoni, siyami be nakae imi tosavaiyuwo ida Yeisu taiyao pasina ame nakae: Ada gedageda tayamo, ida Tomoya ina kalibúbuna goi taiyao takaaiyaka be nakae ida mesayágana tayamo ida mou pasina. E, boi tomota siyoisigu, sinavegu simla Patimo goi sikaisobuyegu akaaiyaka unana Yaubada ina livala, moe Yeisu ina talavaita, ataalavaite.

Nuwogau 20:4

Amo ikavava, kébana esaaesaidi agitedi go, tauyadi yatadi goi situlagalaga madi tagona silovina. Aiyuwoina tomotayadi balomaidi agitedi. Boi adi kaleyayao sitaoya, nukotodi sikupoidi unana taiyao siilovina tala tayamo tausani (1,000) goi.

Nuwogau 6:9

Tutayana Lami aba kaipaki ainimaina ikitaki, tomota ogalaoina goi agitedi. Tomotayadi boi Yaubada ina livala sitalavaitedoko go, idi kaleyayao sitaoya, sikaumatedi.