Iberiu 13:3 - Buki Kimaasabaina

³ Deri ana tokaiyakoyao nuumisaidi konuwaaisīdi nakae neta komi tauyadi taiyao deri goi kokaaiyaka. Semiyao nuumisaidi gedageda siibabane konuwaaisīdi nakae komi neta tomota siyogedegedemi nakae.

Iberiu 13:3 ပူးပေါင်းရင်းမြစ်များ

Aba Vatowo 40:23

E kina go vedi ana tomatakavatayana ana dedevina ibabane go, Iyosepa ina livala geya inuwokavateyeta, go sem inuwoilave.

Madiu 25:36

Apawaku go, kwama kovalosigu. Akatówana go, komatakavategu. Deri goi akaaiyaka go, koma kovadadegu. Tauna komi kōma ina kalibúbuna goi kosīu.”

Madiu 25:43

Yau ogaoga go, geya kouyaoneguta. Apawaku go, kwama geya kovalosiguta. Akatówana be nakae deri goi akaaiyaka go, geya komatakavateguta. Tauna kosiyaēgu.”

Guinuwa 24:23

Ago tovayaviya adi tovakumgo tayamo ilatuwuko idigo kana, ‘Paulo komatakavatedoko go, tauyana taagonaina vada sinaena. Neta senao latuwodi siwo sivaite, taabu kosanaabodēdi.’

Guinuwa 27:3

E vanuwo itomo kama Saidoni goi kavaiu. Kavaiu, kina Yuliyo Paulo ikubunuwe, tuwo itagone isou ina senao nuumisaidi yaidi bei simatakavate.

Roma 12:15

Avatauwa neta siuyáwana, taiyao kouyāwana. Avatauwa neta sitáiya, taiyao kotāiya.

1 Korinta 12:26

Neta talaida tayamo igeda, e talaidao liliudi taiyao sigeda. Neta talaida tayamo ana kilágata ibabane, e talaidao liliudikova siuyáwana.

Epeso 4:1

Tauna, guna ida Tomoya taiyao pasina yau deri ana tokaiyaka, e komi boi Yaubada iduuduwemi toinina ina bodao akatuliwolemi bego kooketōiya nakae ina bodao itoboinedi siiketoiya. Ame nakae:

Kolose 4:18

Guna yabobona ame toinigu nimagu goi agini. Guna kaiyaka deri goi konuwokavāte. Ida Tomoya Yeisu Guyau bei ikanuwoiyemi! Yau Paulo be Timoti

Iberiu 10:34

Moitamo. Komi taiyao kovavasa. Tauyadi deri ana tokaiyakoyao konuwokapisiyedi be kovaitedi be nakae tutayana konami tomota sivainaoidi go, tuwo kouyáwana unana bogina koyagoi konami dedevina toina be aiyako vaatayaina yábana goi ikaaiyaka nava bei kobabane.

Iberiu 11:37

Maniyedi gurewa goi sikaumatedi, maniyedi siboboyuwedi, maniyedi sisi goi sikámasa, maniyedi adi kwama moe sakavaidi, e madi vaképwata be madi kaiyakomou be madi gedageda sivanibiníbita.

1 Pita 3:8

E tauna latuwogu madabokimi nuwomi tayamo, semiyao idi lotówana nakae kolootowōidi, mami matakōi, mami nuwokapīsi, mami nuwotokāi,