Iberiu 13:17 - Buki Kimaasabaina

¹⁷ Imi tovakumgoyao kokabikaonēdi be nakae yaidi goi kokatetaagonēmi. Moitamo. Tauyadi yawoimi simatakaavatedi unana nava bei idi paisewayana Yaubada matana goi sitalaseyane. Ago idi matakavatayana goi madi uyáwana sipaisēwa go, geya adi romgimo. Neta komi geya imi kabikawanamo pasina siromgi, moe geya ami dedevinamo manuna geya.

Iberiu 13:17 ပူးပေါင်းရင်းမြစ်များ

Aba Vatowo 16:9

Yauwe ina aneroseyana idigo kana, ‘Kwaluvīla kūna am towosi goi kukasalēm tauyana yaina.’

Tateta 32:31

Tuwo moitamo atukomna ana Yauwe yaina, e adigo kagu, ‘Amo tomotayadi goyo gagaina bogina siguinuwe. Goura simadagi bego toinidi idi yaubada.

Luke 16:2

Tuwo ina torugwautayana iduduwe ima ilatuwoko idigo kana, “Valem anove igoyo. Kūna guna esaesa rugwáuta bukina kwābi kūme kuvinimnēigu! Geya tuwaina guna esaesa kurugwausidi geya.”

Guinuwa 20:28

Boi Yaubada bogina toinina ikaikaina goi tomota ikabidi ana totugugunayao. Ago Baloma Kimaasabaina bogina ivayokoimi tomatakavatayao Yaubada ana totugugunayaoyadi yaidi, e bei komatakavatedi. Tauna komi toinimi komatakavatēmi be nakae tonumisayadi nakae komatakavatēdi.

Roma 14:12

Tauna kita tamo tamo bei toinida ida guinuwa tatalaseyanedi Yaubada yaina goi.

1 Korinta 16:16

bego komi nakae kokasalēmi tauyadi yaidi be nakae ava tovaita tauyadi nakae neta sipaaisewa o Yeisu manuna sipooisógana yaidi goi.

Epeso 5:21

Aitonina imi wowoina Guyau yaina pasina toinimi kokatetagonēmi semiyao yaidi goi.

Pilipai 2:12

Tauna guna kaloyao, boi tuta liliuna kokabikaaonegu, e ame tuta nakae go, imi kabikawanayana geya kada guna kaiyako yaimi pasina kokaabikáwana geya, go sem geya akaiyaketa yaimi goi go, imi kabikawanayana kokidedēde. Nakae bogina kokabikáwana mami matoita be mami malitatátava Yaubada matana goi toinimi ami yava keuwoina kovagitakōe.

Pilipai 2:16

unana ina Maliyalina goi yau itoboinegu aedidigu bei asamolai bego guna paisewa yaimi goi vavalákuna nakae geya kada alokoina besobeso o guna poisógana yaimi goi geya keuwoinamo geya.

Pilipai 2:29

E tauna ida Tomoya taiyao pasina tauyana mami uyáwana kouyaōne go, avatauwa neta ame tauyana nakae, kowowoinēdi.

Pilipai 3:18

Bogina koyagoi. Boi tuta badabadaina bogina alatuuwokoimi go, ame tuta magu táiya nakae alatuwokomneimi maniyedi tonumisa polapola yaimi sikaaiyaka; tauyadi ana kerose ana kaleyayao idi ketoiya goyogoyo pasina.

Pilipai 4:1

Tauna, segowo, komi guna kaloyao akatukuuwonemi nakae komi guna kaba uyáwana be nakae guna kaba wowoina, e kaga bogina agini moe nakae komi imi ida Tomoya taiyao pasina kotaoyaakavāta.

2 Tesalonáika 3:14

E avatau neta ima vatulukwanayana leta ame goi geya isabokuliyeyeta, tauyana imi tugúguna goi yoina kotalavāite bei koyagoi go, kovasiyaasiyāe bego kogieomaemae.

1 Timoti 5:17

Imi tugúguna ana tovakumgoyao neta sivakumgo dókana, kowowoinedokōidi be koemaisīdi. Ame moitamo toina neta madi poisógana Yaubada ina livala siliwolae be nakae sivatulúkwana.

Iberiu 13:24

Ima yabobona imi tovakumgoyao liliudi be nakae komi Yaubada ina kimasabayao madabokimi yaimi goi. Tauyadi tonumisa da Itali ameko goi idi yabobona sietune iwo yaimi.

Iberiu 13:7

Ami tovakumgoyao boi Yaubada ina livala sivatuulukoimi yawoidi konuwaaisīdi. Yawoidiyadi keuwoidi manuna konuwonūwana, e idi numisa kovatotowōne.

Yemesa 4:7

Tauna Yaubada yaina kokatetaagonēmi go, yaina koovadōkana, e yaimi goi bei isiya.

1 Pita 5:5

Komi tubuwau nakae akatuliwolemi kokatetaagonēmi tomoyamoyayadi yaidi goi. Neta konuwaisi idigo kana, ‘E tauyadi nuwaatuedi Yaubada ivakaaleyedi go, kidi toosobudi ikanuwooiyedi.’ Nanamsa 3:34 Tauna madabokimi toosobuna kwamaina nakae kolōsi semiyao yaidi goi.