Iberiu 12:3 - Buki Kimaasabaina

³ Moitamo. Tauyana toogoyoidi idi vakaleya goi itogaga, e manuna konuwolelēu, govila bei sosomi itapiyapiya, e nukotomi itopa.

Iberiu 12:3 ပူးပေါင်းရင်းမြစ်များ

Madiu 11:19

ima ikakáika be inimnim go, kodigo kami, “Tauyana kogite? Aikanina be nakae inim ginagina iiyaluwo. Tauyana be ituli ta toogoyoidi siyadi!” Yaubada ina nanamsa Iyoni be yau kavatulúkwana go, nanamsayana ipaaisewa tomota yawoidi goi, e guinuwayadi goi tomota siyagoi Yaubada ina nanamsa moe moitamo.’

Madiu 12:24

E kidi go Parisiyadi nakae sikaaiyaka, tomota idi livala sinovedi, sidigo kadi, ‘Ame tauyana ina togaga kaka goi ivataapiyedi siisowóduwo.’

Madiu 15:2

‘Kaga unana im sikapipilavedi? Tutayana bego sikáika go, nimadi geya siinikidi. Kaga unana nakae siguuinuwe?’

Madiu 21:23

E kaketoiya kama Vada Kimaasabaina ana kali goi kasiu go, Yeisu ivatowo ivatulúkwana. Ivaatulúkwana go, kidi Tonúwala Gagaidi be tomota idi tomoyamoyayao sima Tauyana silumadade sidigo kadi, ‘Avatau ina lovina goi moe guinuwayadi kuguuinuwedi? Nakae avatau itaagonem kuguuinuwedi?’

Madiu 21:46

Tuwo enao siilusala bei Yeisu siyoisi go, boda simatoitedi unana sinuwonúwana Tauyana Yaubada ina tokabivalavala tayamo, tauna nakona kaga bei sivekoidi.

Madiu 22:15

E tuwo kidi sina silosinapu manakaedi bei Yeisu ina livala goi sikatutao.

Luke 14:1

Tayamo iduduwe ima ina vada áika manuna. Niga tutayana ina vadayana goi isiu, Parisi be Yaubada ina Katukeda ina tonanamsayao nakae sikaaiyaka Yeisu sigiitedoko neta lovina tayamo ikapipilave.

Luke 15:2

Go kidi be Yaubada ina Katukeda ana tovatulukwanayao nakae sima go, Yeisu siikului sidigo kadi, ‘Ame tauyana toogoyoidi iuyaaonedi be taiyao sikakáika.’

Luke 16:14

E esaesa nuwodi ilokonako, tauna Yeisu ina livalayadi siinovedi, Tauyana sivaponuponuye.

Luke 2:34

Gomanayana kina Simioni . Ikavava, sinana be tamana ikaipakuyedi go, gómana sinana Meri yaina Simioniyana idigo kana, ‘Kunōve. Ame gomanayana kina Yaubada ikinave bei tomota badabadaidi goi ivasobusobuyedi go, maniyedi ikilagasidi bei adi yava sibabane. Aiyuwoina Tauyana aba kinana tayamo Yaubada goi ima go, tomota maniyedi bei sivakaleye,

Luke 5:21

Ago kidi Yaubada ina Katukeda ana tovatulukwanayao be nakae Parisi sinuwonúwana kadi, ‘Iyaa! Amo Tauyana manakae! Idigopopóita! Tauyana bego ieyaubada! Geya vatau tayaamo itoboine bei tomota idi goyo inuwotaoidi. Moe Yaubada anetava itoboine.’

Iyoni 10:20

E tomota badabadaidi sidigo kadi, ‘Amo tauyana naagovaina! Tauyana iyaluwo! Kaga unana kotaaiyakeke?’

Iyoni 18:22

E livalayadi Yeisu idigedi go, Vada Kimaasabaina ana polisi tayamo Tauyana kikina goi iitaoya, Yeisuyana isapi idigo kana, ‘Manakae? Moe nakae Tonúwala Toolagaina kwatumapu ae?’

Iyoni 5:16

Kidi Diyuu adi tovakumgoyao sivatowo Yeisu sivakaleye ame pasina: Ina guinuwa Sabati goi iguuinuwedi.

Iyoni 7:12

Boda Yeisu manuna sikanasinamo. Maniyedi kadi, ‘Tauyana koroto dedevina.’ Go maniyedi kadi, ‘Geya, go sem tomota ivasulaaigidi.’

Iyoni 8:13

Go kidi Parisiyadi sidigo kadi, ‘Kom toinim im livala goi kutalavaitem. Tauna im talavaitayana geya mooitamoina.’

Iyoni 8:52

E tuwo kidi Diyuuyadi sidigo kadi, ‘Ame tuta bogina kayagoi bego kom naagovaim. Eberamo be nakae Yaubada ina bogina sikámasa go, kom kam, “Avatauwa neta guna livala sikabiikaone, ámasa bei geya siilotowo.”

Iyoni 8:59

E tauna Diyuuyadi gurewa sikabidi, bego Yeisu sikaumate go, ivatamutamumu namlieta Vada Kimaasabaina ina kali goi isowóduwo.

Iyoni 9:40

Go Parisi maniyedi Yeisu taiyao sikaaiyaka ina livala sinove, sidigo kadi, ‘Manakae? Kai nakae matama sikebo? Geya ae?’

1 Korinta 15:58

E tauna segowo guna kaloyao, tatogāga be tataoyakavāta. Nakae tuta liliuna ida Tomoya ina paisewa tapooisogāne unana tayagoi ida paisewa ida Tomoya umana geya dogoi besobeso geya.

2 Korinta 4:1

Moe pasina nukotoma geya itopeta unana ame ama kawoi Yaubada ina nuwokapisi goi inumisema ivinima kaguuinuwe, tauna nukotoma geya itopeta.

2 Korinta 4:16

Tauna nukotoma geya itopeta, go sem nakona wowoda sidaudáura go, maliyalina tamo tamo nuwoda Yaubada iyoolimedi.

Galetiya 6:9

E taabu ida guinuwa dedevidi goi takawoowotēya. Neta nukotoda geya itopeta, e tuta Yaubada iupae goi ida dibayoya dedevina bei tababane.

2 Tesalonáika 3:13

E komi go semaoyami guinuwa dedevina manuna taabu kokawoowokāi.

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Iberiu 12:5

Nakona tonanamsa ina liwola madabokina bogina konuwoilave. Boi ina liwolayana goi kita natunao nakae ilatuwokoida idigo kana, ‘Natugu, ina sápina taabu kuukatāe. Aiyuwoina taabu nukotom itopatōpa tutayana ikamamaetalim.

Iberiu 3:1

E tauna segowo kimaasabaimi Yaubada umana be nakae yábana goi mami duduwo yau nakae, Toolagaina takamooitamoe.

1 Pita 2:23

Tauyana sikaogoyoe go, tuwo idi bóbwara geya ikatumapudita. Siyogedegede go, tuwo geya ikatumatalidita bego iyogedegededi, go sem yawoina iyato Tauyana Totakinona vavasa nimana goi.

Nuwogau 2:3

Bogina aayagoi komi komesayágana. Mou kobabanedi unana yau yoigu ikaaiyaka yaimi go, geya kotameyeta.