Iberiu 12:2 - Buki Kimaasabaina

² Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Iberiu 12:2 ပူးပေါင်းရင်းမြစ်များ

Madiu 16:21

Tuta amo goi Yeisu ivatowo kai ina tovatotowanayao ivatulukoima ina kámasa manuna, idigo kana, ‘Itoboine ana Yerusalema goi tomoyamoya be Gagaidi be nakae Yaubada ina Katukeda ana tovatulukwanayao bei siyogedegedegu gagaina be nakae sikaumategu go, maliyalina aitonina goi Yaubada bei ikaitaoegu.’

Madiu 20:28

Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’

Maki 14:36

Ina kawanoiyana goi idigo kana, ‘, Tamagu, kaga liliuna ikakapu yaim. Tauna neta gedageda keigaina ame kukābi kunāve. Go sem yau geya guna nuwonúwana geya, go sem kom im nuwonúwana kuguinūwe.’

Maki 16:19

E tuwo tutayana ida Tomoya Yeisu ilatuwokoidi ikavava, Yaubada ikabi itukoe inave yábana goi, e wowoina basekoina Yaubada kakataina goi itusobu.

Maki 9:12

Yeisu kana, ‘Moe moitamo. Iraitiya igimiima bei kaga liliuna iyolimedi Guyau ina sowóduwo manuna. Go Guyauyana manuna manakae Gínina Kimaasabaidi sitalavaita bego Tomalatomota geda badabadaidi bei ibabanedi be nakae tomota bei sikaolilive?

Maki 9:24

Tuwo mainao korotoyana iduduwo kana, ‘Moitamo anumisa go, geya anumisadokoneta. Go neta guna numisa kuvāite!’

Luke 17:5

Tuwo Tomoya ina sidigo kadi, ‘Tomoya, ima numisa kuvaitūwe.’

Luke 23:11

E kina Erodiyana mana tovayaviyayao Yeisu sikaiwotete be sivaponuponuye. Nakae tolovina ana kwama dedevina sikabi, Yeisu sivalosi bego yaina goi sisakululu polapola. Ikavava, Erodi ina lovina goi sietunemnei ina Pailato yaina goi.

Luke 24:26

Boi sidigodigo bego isiu bei ikalibúbuna.’

Iyoni 1:29

Vanuwo itomo Iyoni ikandobala, Yeisu igite imamaima, tuwo tomota ilatuwokoidi idigo kana, ‘Gwa! Yaubada ina ! Tauyana kita da poyapoya liliuda ida goyo ikabidi ikalavedi.

Iyoni 12:24

U, ina tuta bogina ima, tauna ame alatuuwokoimi konōve: Neta kutukutuna geya tabaguliyeta, kutukutuyana ikaaiyaka tayamo toito. Go neta isou poyapoya goi ikámasa, itabo, keuwoina gagaina bei isowóduwo.

Iyoni 12:32

Go yau sem tutayana poyapoya ame goi sikailagasigu, tomota liliudi bei sima siwuwuligu.’

Iyoni 13:3

Ago Yeisu bogina iyagoi bego kaga liliuna ana lovina Tamana bogina ivadamane Tauyana yaina goi be nakae Yaubada goi ima nakae bei ikaluvilamna ina Tauyana yaina.

Iyoni 6:40

Ame moitamo. Yau Tamagu ina nuwonúwana ame nakae: Bego avatauwa neta Natuna sigite be sinumise, e yawoidi vata bei sibabane, nakae tuta ana kaba lukavava ámasa goi bei akaitaoedi.’

Iyoni 8:56

Tamami Eberamo mana uyáwana bego guna tuta sowóduwo bei igite. Ago bogina igite, e iuyáwana.’

Guinuwa 2:36

Tauna komi Isileli tubunao madabokimi koyagoidōko bego ame Yeisuyana kerose goi kotupatuko, Yaubada bogina ivayoko kina Tomoya be nakae .’

Guinuwa 3:15

Moe Yáwana ana Tokaimatana kokaumate go! Go ina kámasa mlina tokámasa yaidi goi Yaubada ikaitáoe! Moe kai bogina kagite, e kataalavaite yaimi.

Guinuwa 5:31

Ame Tauyana kina Yaubada ikilagasi tutayana ikailagasi wowoina basekoina kakataina goi itusobu go, ivayoko Yáwana ana Tokaimatana be nakae Toyava, e bei kita Isileli tubunao itoboineda tatugavila go, Yaubada ida goyoyadi inuwotaoidi.

Guinuwa 5:41

Tauna kidi vamoleyanayaoyadi kotu goi sisowóduwo go, siuyáwana bego Yeisu yoina pasina itoboinedi omayamaya dábina goi sibabane.

1 Korinta 1:18

Guna livalayana moe moitamo. Bóbwara adi nanamsa be Yeisu ina kámasa kerose goi valena geya itoboinedita situyuwo. Gwa. Keroseyana valena kidi vailai ana kenao goi siiketoiya sinove, sinuwonúwana bego valayana geya ana yagoinamo go, kita yava ana kenao goi taaketoiya tanove, valayana moe Yaubada ina togaga ada yava manuna.

1 Korinta 1:23

E kai sem tupaatukoina kataalavaite. Tauna kidi Diyuuyadi vala sinove go, sikalagiwole. Kidi go Totuyoyowoyadi vala sinove go, kadi, ‘Geya ana yagoinamo.’

Epeso 2:16

Aiyuwoina itauwe bego ina kámasa kerose goi bodayada aiyuwo igudalida kita wówana tayamo, e Yaubada ikabivekovekomneida. Tauna keroseyana goi ida vakaleya ikimate.

Epeso 5:2

Ame nakae: Mami imatakoiyeda be toinina yawoina ikasale ámasa goi kita ada katumapu. Moe vininabeso mainina dedevina nakae Yaubada inove ivauyaone.

Pilipai 1:6

Aitonina guna kauyaguyana unana ame ayagoidoko: Bego Yaubada ina tokuma dedevina boi nuwomi goi ivatowo, bei iitokume ana kadókana tokumayana ana kalaitúwana isowóduwo yaimi tutayana Yeisu ina tuta ima.

Pilipai 3:20

Taabu kovatotoowonēdi. Bogina koyagoi. Kita yábana tomotaida, e mada uyáwana ada Toyava tatuuyaosi bei maeko goi ima; Tauyana ida Tomoya Yeisu Guyau.

2 Timoti 4:8

Tuwaina, guna vaiwówana bogina ikaaiyaka, ida Tomoya, Tauyana Totakínona kiboobosina, bei ivinigu. Vaiwowanayana moe yau kiboobosigu Yaubada matana goi. Ago yau aguta geya iviniguta, go sem avatauwa neta ina sowoduwoyana siyaledoko, e adi vaiwówana bei ivinidi.

Iberiu 1:13

E ava anerose yaina Yaubada idigo kana, ‘Kūma wowoina basekoina kakataigu goi kutusōbu ana kadókana im kaleyayao avasobusobuyedi, e kulovinaedi’? Same 110:1 Geya tayaamo yaina.

Iberiu 1:3

Tauyana Yaubada ana kanukanununa be nakae Tauyana goi Yaubada aderina toina imalatomota. Kaga liliuna ina livala toogagaina goi iyooisidi. Ida goyo goi ikimavadeda ikavava, wowoina basekoina Yaubada Tokanayatanatoina kakataina goi itusobu.

Iberiu 10:14

Moitamo. Ida Tonúwala Tolagainayana ina núwala ana paisewa bogina ikavava. Tayamo vininabeso goi kita bogina ikimasabevataeda toinina umana ikimatuweda.

Iberiu 10:33

Moe gedagedayadi ame nakae: Tuta maniyena tomota matadi goi sigieomaemaemi, nakae sitagiwoimi be siyogedegedemi go, tuta maniyena semiyao nakae sigieomaemaedi; adi gedagedayadi goi komi taiyao kovavasa.

Iberiu 11:36

E maniyedi aiwoteta be dábina silotowoidi. E tuwaina maniyedi seni goi nimadi siyowóidi be nakae deri goi sivaisiudi.

Iberiu 12:3

Moitamo. Tauyana toogoyoidi idi vakaleya goi itogaga, e manuna konuwolelēu, govila bei sosomi itapiyapiya, e nukotomi itopa.

Iberiu 13:13

Tauna ida tunagu goi tasowōduwo, e Tauyana moetala goi tanōko ada yava manuna go, mada tagona aba omayamaya talotōwo Tauyana nakae.

Iberiu 5:9

Tuwo tutayana Yaubada ikimatuwe, Tauyana kita ana tokabikawanayao liliuda ada yava vata unana.

Iberiu 7:19

Moitamo. Yaubada ina Katukeda geya tayaamo kaga ikimatuwe. Ego ituli ta kenao bogina isowóduwo go, enaoyana talootutae moe dedevina toina. Enaoyana goi itoboineda Yaubada tanoko.

Iberiu 8:1

E guna bóbwara ana masi ame nakae: Kita mada . Tauyana aba wowoina Tokanayatanatoina kebana esaaesaina kakataina yábana goi iitusobu.

Iberiu 9:28

nakae. Ana lovina goi sivatayamo Yaubada ikasale ámasa goi be tomota liliuda ida goyo ikabidi ikalavedi go, Tauyana bei aiyuwoina ikaluvilamna ima geya kada ida goyo manudi geya, go sem bei kita mada salau tatuuyaosi ada yava manuna.

Yemesa 2:1

Segowo, ida Tomoya kosabookulīye go, imi sabokuliyana goi taabu tomota adi kaigigita goi kowowooinēdi.

1 Pita 1:11

Tokabivalavalayadi atedi goi boi Balomaina ikaaiyaka igimitalavaita yaidi Guyauyana manakaena ina gedageda bei ilotowoidi go, namlieta Yaubada ina togaga ana káeyana ivagitakoedi Tauyana yaina. Ago tokabivalavalayadi silumadádana, latuwodi bego siyagoi ava tuta dogoiyadi bei sisowóduwo o ava kaba kinana goi itoboinedi siyagoi dogoiyadi bei sisowóduwo.

1 Pita 3:18

Kina nakae bogina sivatayamo iyogedageda ida goyo pasidi. Tauyana Yaubada nuwona ana tokibóbwata ikámasa kita tokapipilova manuda bego itoboine imeda Yaubada yaina. Ame nakae: Sakava ana dadava goi sikaumate go, baloma ana dadava Yaubada ikaitáoe Tauyana maa yawoina.

1 Pita 3:22

Tauyana bogina ituko ina yábana goi mana lovina be mana togaga wowoina basekoina Yaubada kakataina goi iitusobu go, be yábana osasaina ana tovakumgoyao be ana totogagayao bogina sikatetagonedi Tauyana ina lovina goi.

Yuda 1:21

Ago Yaubada ina matakoi koyoisiikavāte go, ida Tomoya Yeisu ina nuwokapisi kotuuyaōsi. Nuwokapisiyana goi yawoimi vata bei kobabane.

Nuwogau 1:11

Niyanayana idigo kana, ‘Kaga kuugitedi buki bilibilina goi kuginīdi. Ikavava, kuetunēdi sina Tomoya ana totugugunayao ame asayadi goi: Epeso, Simona, Pegamasi, Tuwatira, Sadesi, Piladelipiya, Laodiseya.’

Nuwogau 1:17

Tutayana Tauyana agite, aena goi akanakabobo yau kaamasigu nakae. Go nimakakataina goi ibisikonegu idigo kana, ‘Taabu kuumatōita. Yau Totukumgo be Totumliya.

Nuwogau 1:8

‘Yau Alipa be Omega’, Yauwe Yaubada kaena. Tauyana Tokaiyako vata: Ame ikaaiyaka, boi nimatu ikaaiyaka go, tuta simamaima nakae nava bei ikaaiyaka. Tauyana Tokalika.

Nuwogau 2:8

Tuwaina Tauyana idigo kana, ‘Anerose aiyuwoina Tomoya ana totugugunayao Simona goi imatakaavatedi ana leta totugugunayadi manudi kugīni kam, “Yau Yeisu Totukumgo be Totumliya, boi akámasa go, ame tuta maa yawoigu. Ame nakae alatuwokoimi: