Iberiu 11:6 - Buki Kimaasabaina

⁶ E, neta geya ida numisamo Yaubada yaina, geya itoboinedeta Tauyana tavauyaone. Neta latuwoda tanoko, itoboineda mainao tanumisa bego ikaaiyaka be nakae ana tolusalayao adi vaiwówana ivinidi.

Iberiu 11:6 ပူးပေါင်းရင်းမြစ်များ

Aba Vatowo 15:1

E amo dogoiyadi sikavava, Eberam ina livala ima idigo kana, ‘Eberam, taabu kuumatōita. Yau am lowo bei amatakavatem be nakae am tovaiwówana, e am vaiwówana gagaina toina bei avinim.’

Madiu 11:26

Moitamo Tamagu, moe im guinuwayana im nuwonúwana goi ivauyaonem.’

Madiu 5:12

Tutayana nakae siguuinuwe yaimi, komi ami vaiwówana yábana goi bei gagaina. Tubumiyao boi nimatu idi sinapu nakae. Yaubada ina siyogedegededi go, kidi tokabivalavalayadi adi vaiwówana dedevina sibabane. E komi nakae bei koobabane. Tauna kouyāwana gagaina.’

Madiu 6:16

E tutayana kodiiyakímwana, maisimi taabu kobuwoowonīdi kidi todedevidi polapola idi sinapu nakae. Maisidi sibuwowonidi bego tomota siyagoidi tauyadi . U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Madiu 6:33

E yawoimi madabokina kotagonēdi be nakae ina kivavasa yaidi goi, bei moe dogoiyadi liliudi ivinimi.

Madiu 6:5

Tutayana kokawanoi, taabu todedevidi polapola kovatotoowonēdi unana kidi nuwodi ikabi aba tugúguna goi be nakae kedalalavi goi siitaoya sikawanoi Yaubada yaina bego tomota sigitedi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Maki 16:17

E guna tonumisayadi aba kinana toogagaidi bei siguinuwedi ame nakae: Yoigu goi bei dimoni sivatapiyedi, e tomota goi sisowóduwo. Bei itoboinedi ta kaníyana ta kaníyana goi sibobóbwara.

Luke 12:31

Tauna taabu yawoimi madabokina kotaagonēdi dogoiyadi goi, go sem yawoimi madabokina kotagonēdi yaina goi be moe dogoiyadi liliudi ivinimi.

Luke 6:35

Go sem komi imi kaleyayao komatakoiyēdi be kovaitēdi be nakae kotagonēdi imi mani sikatoguyedi go, taabu konuuwonūwana itoboine bei sikatumapu. Neta nakae koguuinuwe, ami vaiwówana bei gagaina be nakae komi Tokanayatanatoina natunao unana tauyadi tokaipopóita be toogoyoidi iyabobonedi. Tauna neta imi sinapu nakae koguuinuwe, e komi imi sinapu bei Tokanayatanatoina nakae.

Iyoni 14:6

Go iya Yeisu idigo kana, ‘, yau yawana vau. Geya vatau tayaamo toinina itoboine ina Tamagu goi, go sem yau aguta goi itoboinemi.

Iyoni 8:24

E tauna maine kagu, “Mami goyo bei kokámasa.” Neta geya konumiseta bego Yau Tauyagu, e moe bei mami goyo kokámasa.’

Roma 10:14

E tauna Yaubada neta totalavaita geya ivamoleyedita, manakaedi bei Vala Dedevina sitalavaite? Geya. Neta Valayana geya sitalavaiteyeta, tomota manakaedi bei sinove? Geya. Neta tomota geya sinoveyeta, manakaedi bei sinumisa Yeisu yaina? Geya. Neta geya sinumiseyeta, manakaedi bei siduduwo Tauyana yaina vaita manuna? Neta Yaubada ina totalavaita ivamoleyedi sina sitalavaita, moe bei dedevina toina. Moe nakae Gínina Kimaasabaina idige kana, ‘Vala Dedevina ana totalavaita idi sowóduwo moe kaausaraina toina.’ Aiseya 52:7

Galetiya 5:6

U moe moitamo. Avatau neta ispwagógana Guyau goi ikéuwo.

Iberiu 11:26

Ina nuwonúwana neta ina omayamaya ilotowo, moe esaesa gagaina namlieta da Itipita idi esaesa. Bogina koyagoi. Yábana vaiwowonina manuna imasimasi.

Iberiu 3:12

Tauna nakae Baloma Kimaasabaina ina bobwarayana, segowo, e alatuwokoimi komi nakae mami nunūwata, govila bei tomota maniyemi yaimi goi atemi madi goyo, e imi numisa goi kosou bei Yaubada maa yawoina kokalave.

Iberiu 4:2

Ida matoitayana itoboine. Amo tokapipilovayadi ina waiwasi manuna bogina tanove go, neta geya tanumisedokoeta, kita tauyadi nakae, geya ivaitedeta.

Iberiu 4:6

E aba waiwasiyana nava ikaaiyaka bei tomota maniyedi itoboinedi sisiu go, tauyadi boi Vala Dedevina sigiiminove geya sisiuta unana sikapipilova.

Iberiu 7:19

Moitamo. Yaubada ina Katukeda geya tayaamo kaga ikimatuwe. Ego ituli ta kenao bogina isowóduwo go, enaoyana talootutae moe dedevina toina. Enaoyana goi itoboineda Yaubada tanoko.

Iberiu 7:25

Moe pasina tauna avatauwa kita neta Yeisu goi Yaubada tanoko, e Yeisuyana itoboine iyavevataeda unana tuta liliuna maa yawoina bei ivapiisiyeda Yaubada yaina goi.

2 Pita 1:10

Tauna segowo, taabu imi sinapu nakae, go sem kopooisōgana bego imi sinapu dedevina bei koyagoidoko bego Yaubada iduduwemi o tadigo kada, ‘Ikinavemi.’ Neta mae sinapuyadi dedevidi koguuinuwedi, imi numisa goi geya kookapusi, geya toina.

2 Pita 1:5

E moe pasina tauna mami valitulítuwo aderimi dedevina kovaaitūwe imi numisa goi. E aderimiyana goi nanamsa kovaaitūwe.

2 Pita 3:14

Tauna, guna kaloyao, ame dogoiyadi bogina koyaamwasidi go, kopooisōgana bei imi sinapu madabokina dedevina, e bei tutayana Yaubada idovatusimi, ibabanemi geya ami pikwanamo geya toina be nakae tuboina goi kokaaiyako.

Nuwogau 21:8

E kidi go atedi taameyaidi, kidi idi numisa silawoiwoiye, kidi aba kalagíwala siguuinuwedi, kidi tokaumata, tomasisi goyogoyo, toroerata, tomeméyava, tobowou, yaubada polapola adi tosakululu be nakae topola liliudi. E ame tauyadi bei sina yeu sabeninimina gagaina toina nakae poiseni mokauna dadavina, moe ámasa aiyuwoina.’

Ruti 2:12

Bei Yauwe, kai ima Yaubada, am vaiwówana ivinim im guinuwa pasina. Bogina kuma Tauyana panepanena goi bego ivainugonem.’