Iberiu 11:27 - Buki Kimaasabaina

²⁷ Mosese ina numisa goi Itipita ikalave go, tolovina ina egamogamogu geya imatoiteyeta. Tauyana Itipita ikalave unana nava imeesayágana nakae neta itoboine Yaubada igite go, geya vatau tayaamo itoboine Yaubada igite. Tauna Itipita ikalave.

Iberiu 11:27 ပူးပေါင်းရင်းမြစ်များ

Tateta 11:8

Tuwaina Yauwe idigo kana, “Im pakonayao liliudi bei sima aedi sivatugúyala yau yaigu kadi, ‘Komi kosīya! Kom be nakae tomota liliudi sisabookuliyem kotāoya kosīya!’ Moe mlina bei Itipita akalave.” Tauna nakae Yauwe ibóbwara.’ Abóbwara ikavava, e magu egamogamogu gagaina Pero goi asowóduwo.

Tateta 12:11

E kokāika ame nakae: Ami kwama bogina kolosīdi imi koidádana manuna, imi sendoro nakae bogina kovalilivīdi, imi kaituko nimami goi, e woilīmi kokaika wowōila imi siya manuna. Ame aikayana moe Basitáwana Aikanina Yau Yauwe umagu.

Tateta 12:50

Tauna nakae Yauwe ilatuwokoima. Tuwo moitamo Isileli tubunao liliudi siguinuwe nakae kaga liliuna bogina Eroni be yau ilatuwokoima.

Tateta 4:19

E Midiyani goi Yauwe ilatuwokoigu idigo kana, ‘Kutāoya kwaluvīla kūna Itipita. Korotoyadi boi bego sikauumatem bogina sikamasa kówasa.’

Madiu 10:22

Tomota liliudi bei sikaolilivemi unana yau yoigu ikaaiyaka yaimi. Go avatauwa neta sitaoyakavata ana kadókana tuta ana kaba lukavava goi, e adi yava bei sibabane.

Madiu 24:13

Go avatauwa neta sitaoyakavata ana kadókana poyapoya ana kaba lukavava, e adi yava bei sibabane.

Maki 13:13

Tomota liliudi bei sikaolilivemi unana yau yoigu ikaaiyaka yaimi. Go avatauwa neta sitaoyaakavata ana kadókana tuta ana kaba lukavava goi, e adi yava bei sibabane.

Maki 4:17

Livalayana siuuyaone go, nuwodi goi geya ikaseta nakae poyapoya kakaaraiina goi lam geya ikaseta. Tuwo tuta kaakupina tauna ikaaiyaka. E tutayana livalayana pasina mou be yogedageda sibabanedi, mainao sikapusi.

Guinuwa 2:25

Ámasa geya itoboineyeta Yeisu iyoisikavate. Moe ana kamoitamo Devida ina gínina goi tababane. Tauyana italavaite idigo kana, “Yauwe kakataigu goi ituwanuwo, e bei geya atameyeta. Moe pasina tuta liliuna Tauyana agitegite yaigu goi ikaaiyaka.

1 Korinta 13:7

Tomatakoi vaita goi geya ikawoowoteya, ina numisa tomota yaidi geya iikalave, ina lotuta tomota adi dedevina manuna geya iikavava, be nakae tomota idi guinuwa pasidi nuwona geya itopatopa.

2 Korinta 4:18

unana kai geya kanuwonuwoneta dogoi taagitedi manudi, go sem dogoi geya taagitedi manudi kanuwonúwana. Dogoiyadi taagitedi, tuta kaakupina kaka goi sikaaiyaka, e sisáwala go, dogoiyadi geya taagitedi sikaiyako vata.

Kolose 1:15

Natunayana moe Yaubada geya tagiteyeta ana tapata be nakae totubukumgo. Yaubada ina madaginayao madabokidi itobusavedi.

1 Timoti 1:17

E Tokalibubuna vata geya ikamaseta nakae geya tagiteyeta. Tauyana anetava Yaubada. Ame Tauyana aba wowoina be aba taimámina ame tuta be nakae tuta simamaima. E nakae!

1 Timoti 6:16

Tauyana anetava ikaiyako vata be nakae mavada gagaina goi ikaaiyaka go, mavadayana goi kita tomota geya itoboinedeta tanoko. Tauyana boi geya tayaamo tuta tomota sigite go, ame geya itoboinedita sigite. Tauyana aba wowoina vata be nakae Tokalibubuna vata mana togaga. E nakae!

Iberiu 10:32

E konuwovīla boi tutayana Yaubada nuwomi igimitapasigidi, namlieta mou ana gedageda gagaina kolotowoidi go, kotogaga.

Iberiu 11:1

E numisa kaga? Ame nakae: Takaaiyaka nakae neta Yaubada ina katótula talotuutaedi bogina simalatomota. Nakae kaga kaga Yaubada nava bei iguinuwedi ame tuta geya tagitedita go, ida numisayana Yaubada yaina moe guinuwayadi idi sowóduwo adi kiyakiyaya.

Iberiu 11:13

Ame tauyadi madabokidi madi numisa sikaaiyaka ana kadókana sikamasa kówasa go, Yaubada ina katotulayadi keuwoidi geya sibabanedita, go sem aduwanau goi nakae sigitedimo be siuyaonedi, tuwo sikamoitamo bego poyapoya ame goi kidi ogaoga be togala.

Iberiu 6:15

Tuwo Eberamoyana mana mesayágana ituyáwata go, kaga Yaubada ikaatotule, e keuwoina Eberamo ibabane.

Yemesa 5:11

Gwa! Avatauwa neta mou goi simeesayágana, adi dedevina bogina sibabane. Iyobi aba gita tayamo. Tauyana ina mesayágana tetelina bogina konovenove nakae bogina kooyagoi Yauwe manakaena iguinuwa bego Iyobiyana ina mou ana kaba lukavava goi ana dedevina ibabane. Moeko goi koyagoi Yauwe Tomatakoi toina be Tonuwokapisi.

1 Pita 1:8

Tauyana geya tayaamo tuta boi kogite go, tuwo komataakoiye. Ame tuta nakae geya kogiteyeta go, mami numisa Tauyana yaina be nakae manuna mami uyáwana gagaina koouyáwana nakae neta ana káeyana tomoeeyalina bogina kosiuko! Imi uyawanayana ivakaigaga, tauna geya itoboinemita bóbwara goi kovateteli nakonakae.