Iberiu 11:25 - Buki Kimaasabaina

²⁵ Geya latuwona tuta kaakupina goi goyo ana uyáwana ilotowo, go sem ikinava bego Yaubada ina bodao idi kaiyakomou goi isiukoidi bei adi gedagedayadi ilotowoidi.

Iberiu 11:25 ပူးပေါင်းရင်းမြစ်များ

Madiu 13:21

Valayana siuuyaone go, nuwodi goi geya ikaseta nakae poyapoya kakaaraiina goi lam geya ikaseta. Tuwo tuta kaakupina tauna ikaaiyaka. E tutayana valayana pasina mou be yogedageda sibabanedi, mainao sikapusi.

Luke 16:25

Go kina Eberamo idigo kana, “Tubugu, kunuwāisi boi nava maa yawoim am dedevina madabokina bogina kubabane go, kina Lasaloyana mou goyogoyoidi ibabanedi. E tuta ame goi kina Lasalo ana kipáiwala ibabane ameko go, kom sem gedageda kubabane.

Guinuwa 7:34

Guna bodao Itipita goi idi kaiyakomou moitamo bogina agitedoko be idi taiyaduduwo bogina anove, tauna asou ama bei ayavedi. Tateta 3:7-8 Tuwo tuta ame goi kom aetunem kuna Itipita.” Tateta 3:10

Roma 5:3

Go geya ida lotuta kaka manuna taauyáwana geya, go sem ida mou manudi nakae taauyáwana unana tayagoi bego mouyadi mesayágana yaida goi bei sikeuwoe.

2 Korinta 5:17

Aiyuwoina Guyau ikámasa liliuda manuda, tauna avatauwa neta spwagoogonidi Guyauyana taiyao, e simalatomotavau. Sinapu bogo bogina isáwala go, konōve, sinapu vau bogina isowóduwo!

Kolose 1:24

Ame tuta guna gedageda komi ami dedevina manuna abaabanedi auyaaonedi unana gedagedayadi goi bei itoboinegu kaga boi bogina igimilovina tonumisayao ida gedageda ana kakainaki manuna yau wowogu goi alukavavedi Tauyana wowona manuna. Wowonayana moe kita Yeisu ana totugugunayao.

2 Timoti 1:8

E tauna taabu om imaayamāya ida Tomoya Yeisu valena kutaalavaite. Aiyuwoina ida Tomoyayana valena ana talavaita pasina yau deri ana tokaiyaka go, tuwo taabu kuomaeemāegu, go sem Yaubada ina togaga goi guna mou ana talavaita manuna kusīuko.

Iberiu 10:32

E konuwovīla boi tutayana Yaubada nuwomi igimitapasigidi, namlieta mou ana gedageda gagaina kolotowoidi go, kotogaga.

Iberiu 11:37

Maniyedi gurewa goi sikaumatedi, maniyedi siboboyuwedi, maniyedi sisi goi sikámasa, maniyedi adi kwama moe sakavaidi, e madi vaképwata be madi kaiyakomou be madi gedageda sivanibiníbita.

Iberiu 4:9

Tauna kita Yaubada ina bodao ida kaba waiwasi nava ikaaiyaka bei itoboineda tasiu, aba waiwasiyana moe ana uyáwana nakae.

Yemesa 1:20

Kita tomota neta taegamogamogu, ida egamogamoguyana geya itoboineyeta bei Yaubada ina takínona vavasa ikeuwoe.

Yemesa 5:5

Poyapoya goi komi mami esaesa kokaaiyaka dedevina toina, nakae kouyawana owáowana go, moe toinimi imi vailai manuna kokatubaayasimi takínona ana tuta goi.

1 Pita 2:10

Boi komi geya boda tayamo geya go, ame tuta komi Yaubada ina boda. Boi komi Yaubada ina nuwokapisi geya kobabaneyeta go, ame tuta bogina kobabane.

Nuwogau 18:7

Vavinayana ina nuwonúwana goi idigo kana, “Yau giyovila tayamo. Yau kóbuya nakae geya, tauna ategeda bei geya ababaneyeta.” Tauna nakonakae tauyana toinina itaimamine be nakae aiyako owáowana iyale, e ana katumapu gedageda be ategeda kovīni.