Iberiu 10:5 - Buki Kimaasabaina

⁵ E tauna tutayana Guyau ima poyapoya ame goi, Yaubada ilatuwoko, idigo kana, ‘Yoguyogu ikaikaidi adi kasala be parawa ana vininabeso geya latuwom. Go wowogu kwatubayasi bei akasale yaim.

Iberiu 10:5 ပူးပေါင်းရင်းမြစ်များ

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 11:3

silumadádana sidigo kadi, ‘Manakae? Kom Guyau Tauyam boi Yaubada ina tokabivalavalayao sikatotulem katuyaosim gea, ituli ta koroto nava katuuyaosi?’

Luke 1:35

Go aneroseyana idigo kana, ‘Baloma Kimaasabaina bei iwokoim o tadigo kada “Tokanayatanatoina ina togaga gaota nakae bei iumaim kukéuwama.” Moe pasina tauna natum kuveenatuni bei sivayoko , Yaubada Natuna.

Luke 7:19

idigo kana, ‘Ami taiyuwo kōna Tomoya kogīte kolumadāde kami, “Manakae? Kom Tauyam boi Yaubada ina tokabivalavala sikatotulem katuyaaosim gea, ituli ta koroto nava katuuyaosi?”’

Iyoni 1:14

Livalayana imalasakava, e yaima goi ikaaiyaka. Tauyana yaina goi Yaubada ina togaga ana sivakayaodei.

Galetiya 4:4

Go tutayana upayana ana toboine isowóduwo, e Yaubada Natuna ietune ima. Tauyana vavina goi ibíbina kita tomota nakae be nakae ina lovina sikaukaboli.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

Iberiu 1:6

E tuwaina, tutayana Yaubada ina totubukumgo ivamoleye ima poyapoya ame goi, Yaubada idigo kana, ‘Latuwogu guna aneroseyao madabokidi Tauyana yaina sisakulūlu.’ Same 97:7

Iberiu 10:10

Ina nuwonuwanayana pasina, tauna sivatayamo wowona ana kasala goi ikimasabeda Yaubada umana.

Iberiu 10:7

Tuwo kagu, “Gwa! Yau amegu. Yaubada e, bogina ama bei kom im nuwonúwana aguinuwe nakae boi manugu buki nuunumina goi sigini.”’ Same 40:6-8

Iberiu 10:8

Mainao maeko goi Tauyana kana, ‘Yoguyogu ikaikaidi adi kasala, parawa ana vininabeso, tomota idi vininabeso yoguyogu sivakasavedi adi kasala be nakae yoguyogu sikaumatedi adi kasala goyo manudi geya latuwom be nakae geya kuuyaonedita.’ Same 40:6 Go moe dogoiyadi sikasaledi nakae Yaubada ina Katukeda idige go, tuwo amo nakae Yaubada ilatuwoko.

Iberiu 2:14

E tuwo kita gogomanayada liliuda ma sakavaida be ma ikaikaida, tauna Tauyana nakae sakava be ikaika ikotedi bego ina kámasa goi itoboine bei ámasa ana tolovina ina togaga itusaoli; tolovinayana moe .

Iberiu 5:7

Guyauyana, tutayana poyapoya ame goi ikaaiyaka, mana duduwo gagaina be mana táiya ikawanoi Yaubada yaina unana iyagoi Tauyana itoboine ámasa goi iyave. Ikawanoi, e ina wowoina pasina Yaubada inove.

Iberiu 8:3

Moitamo Tauyana Bateta Kimaasabaina goi ipaaisewa. Tonúwala Toolagaidi tamo tamo poyapoya ame goi Yaubada ivayokoidi bei idi kauyagu ana yabobona be nakae vininabeso yoguyogu sikasaledi Tauyana yaina. Moe pasina tauna Yeisu ida Tonúwala Tolagainayana nakae itoboine vininabeso tayamo ikasale Yaubada yaina.

1 Pita 2:24

Tutayana Yeisuyana kerose goi situpatuko, toinina wowona goi ida goyo ana liuna ilotowoidi bego ida goyoyadi yaidi takámasa go, ma kiboobosida taaketoiya. Tauna Tauyana ana kaipíyama kiyauna pasidi ida goyo goi kita tadedevina.

2 Iyoni 1:7

Moitamo. Topola badabadaidi bogina sina asa liliudi poyapoya ana madabokina goi silawooiwoi bego Yeisu imalasakava. Avatau neta amo nakae siibobore, iya moe topolayana, Guyau ana kaleyayana.