Iberiu 10:29 - Buki Kimaasabaina

²⁹ Neta moe nakae Yaubada itagone ina Katukeda ana tokapipilovayao manudi, manakaemi konuwonúwana tomota adi liuna manuna neta idi goyo ame nakae: Yaubada Natuna sikaolilive? Aiyuwoina Yaubada ina kanasiuna vau ikaikaina sikaogoyoe. Ikaikayana goi Yaubada ikimasabedi toinina umana. Aitonina Baloma Kimaasabaina sikaogoyoe go, Balomayana anuwóiya unana. Manakae? Liuna gagaina bei sibabane gea geya? Bei igoyo toina ae?

Iberiu 10:29 ပူးပေါင်းရင်းမြစ်များ

Tateta 24:8

E tuwo ikaikayana noko goi akabi tomota aseulidi go, adigo kagu, ‘Konōve! Ame ikaikayana goi Yauwe bogina ikanasiukoida. Anasiunayana unana moe ina livala liliudi bogina ivinida, e takatótula takabikaonedi.’

Madiu 26:28

Moe ikaikaigu nakae. Ikaikaiguyana bei idaudau komi manumi be nakae tomota liliudi manudi, e bei imi goyo adi nuwotao kobabane. Ikaikaiguyana ina dau goi Yaubada ikanasiukoimi.

Madiu 7:6

Kaga kimaasabaina Yaubada umana taabu weiniya koovinīdi, govila bei situgavila sikanimi. Imi esaesa taabu koolavēdi bao matadi goi, govila bei sivabaibailidi. Tomota Yaubada valena sikatae nakae; taabu kovatuulukōidi, govila bei valayana sitagiwoi o sibugoyaimi.’

Maki 7:2

Parisi be nakae sigitedi nimadi geya kimasabaidimo Yaubada umana, o tadigo kada, ‘Nimadi geya sinikidita’ go, tuwo sikakáika.

Luke 12:10

Avatauwa neta Tomalatomota sitagiwoi, e adi nuwotao bei sibabane. Go avatauwa neta sitagiwoi, e adi nuwotao geya sibabaneyeta.

Iyoni 10:36

tauna kaga unana komi kowowokoigu kodigo kami, “Kom kudigoopopóita”, tutayana kagu, “Yau Yaubada Natuna”? Yau Tamagu ikimasabegu nakae ietunegu ama poyapoya ame goi.

Iyoni 17:19

Tauyadi adi dedevina manuna toinigu akimasabegu kom umam bego tauyadi nakae am Nanamsa Mooitamoina ana kaiwóduwo yau goi kukimasabedi kom umam.

Guinuwa 7:51

Totaiyatuni komi! Sakavaimi kokupoidimo go, komi atemi nava geya konovenove. Komi imi sinapu tauna tubumiyao nakae!

Roma 16:20

E Yaubada, Tauyana tuboina unana, giyakainava bei Kaleya ivavetevete, tuwo ivasobusobuye sobuyekoida goi. Ida Tomoya Yeisu ina kanuwóiya bei ikaaiyaka yaimi.

1 Korinta 11:27

Tauna avatauwa neta berediyana sikáika besobeso o ida Tomoya ina keiga goi sinim besobeso, amo tauyadi Yaubada ina liuna bei sibabane unana ida Tomoya wowona be ikaikaina geya siwowoinedita.

1 Korinta 11:29

Ame moitamo. Avatauwa neta beredi sikakáika be keiga goi sinimnim go, geya sikinaneyeta bego kita madabokidakova ida Tomoya wowona talainao, e moe nakae aikayana be nimyana goi toinidi adi liuna siyato.

1 Korinta 15:25

Moitamo. Itoboine ikaalibúbuna ana kadókana ina kaleyayao liliudi aena ogalaoina goi bogina iyatoidi.

1 Korinta 15:27

Moitamo. Same tayamo ana togínina Yaubada ivadigo idigo kana, ‘Kaga liliuna aena ogalaoina goi bogina kuyatoidi kuvasobusobuyedi.’ Same 8:6 Moe Guyau aena idigedige. Ego tutayana idigo kana, ‘Kaga liliuna ivasobusobuyedi’, bogina tayagoi moe geya Tovasobusobu taiyao unana Tauyana ivasobusobuyedi.

1 Korinta 6:11

Moe sinapuyadi boi komi maniyemi nakae koguuinuwedi go, ame tuta moe komi nakae geya, go sem Yaubada bogina inikimi, bogina ikimasabemi toinina umana, ida Tomoya Yeisu yoina goi be Yaubada Balomaina ina guinuwa goi bogina ivayokoimi komi Tauyana nuwona ana tokibobwatayao. Tauna amo sinapuyadi goyogoyoidi taabu koguuinuwēdi!

Epeso 4:30

Taabu imi guinuwa goi Yaubada Balomaina Kimaasabaina kokitaaitaīye. Balomayana moe Yaubada ina kaba kinana yaida goi bego kita Yaubada ina bodao tateta ana tuta manuna.

Epeso 5:26

Nakae iguinuwe bego ikimasabeda toinina umana o tadigo kada, ‘Ikimavadeda.’ Ina kimavadayana moe goi ada isiwo nuwesina nakae.

Iberiu 10:10

Ina nuwonuwanayana pasina, tauna sivatayamo wowona ana kasala goi ikimasabeda Yaubada umana.

Iberiu 12:25

Ami dodōkana Tauyana ame tuta ivaadigoida niyana taabu kokapiipilāve. Neta poyapoya goi boi Isileli tubunao Yaubada ina livala sikatae go, geya itoboinedita adi liuna goi sisiya, e kita manakaeda neta Yaubada yábana goi ina livala ikaiwoduwe yaida go, Tauyana tatugavile? Bei ina liuna goi tasiya gea geya? Geya ae?

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

Iberiu 2:11

Yeisu itoboine ivakededa. Tauyana Tokimasaba be nakae kita kimaasabaida liliudakova unada tayamo, moe Tamada Yaubada, tuwo kita boda tayamo. Moe pasina tauna Tauyana ona geya imaemaeta ivasiyaneda

Iberiu 2:3

Neta amo tauyadi idi kapipilova pasina liuna sibabane, e kita bei manakaeda neta yava gagaina valena takatae? Valayana boi ida Tomoya igimitalavaite go, tauyadi sigiiminove sikamoitamoe yaida. Ago valayana ana kamoitamo Yaubada nakae italavaite kidi taiyao ame nakae: Ina nuwonúwana goi aba kinana kainaaopaidi be ina kaiguyau tamo tamo tomota iivinidi. Manakae? Neta amo valayana taakatae, bei itoboineda liuna tasiyae? Geya! Tauna tayagoi valayana moe gagaina.

Iberiu 4:14

E kita mada Toolagaina; Tauyana Yeisu, Yaubada Natuna, bogina ituko yábana. Tauna ame takamoitamōe go, ida kamoitamoyana tayoisiikavāte.

Iberiu 6:4

Avatauwa neta nuwodi boi Yaubada itapasigidi, yabobona yábana goi ima silotowo, bogina sisiuko, Yaubada ina livala dedevina bogina silotowo be nakae ina togaga tuta imamaima manuna bogina silotowoidi go, niga idi numisa sikalave, e geya vatau tayaamo itoboine iyolimemneidi bei situgavila geya. Tauyadi Yaubada Natuna kerose goi situpatukomnei be nakae sigieomaemaemnei.

Iberiu 9:13

Tayagoi ikaikaina ana paisewa moe moitamo. Boi avatauwa neta ma baailidi, itoboinedi sina Tonúwala yaidi goi go, Tonuwalayadi goti o bulumakau bolamo sikaumate, ikaikaina sikabi, tauyadi ma baailidi siseulidi sikimasabedi Yaubada umana, tauna idi báila goi simavada. O nakona bulumakau sikabi, sivakasave. Ikavava, selekauna sikabidi, bwae taiyao sipopolidi, tauyadi ma baailidi siseulidi, sakavaidi sikimasabedi Yaubada umana, tauna idi báila goi simavada.

Iberiu 9:20

idigo kana, ‘Ame ikaikayana goi Yaubada bogina ikanasiukoida. Ilovina anasiunayana tayoisikavāte.’ Tateta 24:8

Nuwogau 1:5

Iya Yeisu .’ Yeisu imatakooiyeda, tuwo ikaikaina pasina ida goyo ana togaga goi italigeida.