Guinuwa 9:27 - Buki Kimaasabaina

²⁷ E tuwo kina go Banabasi ina Saulo ikabi ime kidi yaidi go, ilatuwokoidi idigo kana, ‘Ame tauyana boi enao goi inonoina bego Damasiko go, Tomoya igite, e Tomoyayana ivadigo. Niga Damasiko goi ikaaiyaka go, Yeisu yoina goi mana katepatu italavaite.’

Guinuwa 9:27 ပူးပေါင်းရင်းမြစ်များ

Guinuwa 11:22

E Tomoya ana totugugunayao adi tovakumgoyao Yerusalema goi vala sinove bego Totuyoyowoyadi Antiyoki goi sikaaiyaka bogina sinumisa. Tuwo Banabasi sietune isou ina Antiyoki goi bego igite kaga isowóduwo.

Guinuwa 11:25

E tuwo Banabasiyana itaoya ina Tasosi goi Saulo ilusale.

Guinuwa 12:25

E kidi go Banabasi be Saulo idi paisewa Yerusalema goi bogina ikavava, tuwo sikaluvila sina Antiyoki go, Iyoni taiyao. Tauyana youyuwoina moe Maki.

Guinuwa 13:2

E tauyadi sisaakululu Tomoya yaina be nakae sidiiyakímwana go, ilatuwokoidi idigo kana, ‘Banabasi be Saulo kokimasabedi yau guna paisewa manuna; paisewayana bogina akawoidi.’

Guinuwa 15:2

E idi livala Paulo be Banabasi sinove, tuwo korotoyadi taiyao sikaumakimaki gagaina be nakae sivabobolagu. Tauna be nakae ana totugugunayao adi tomoyamoyayao taiyao. Nakona idi vatetalayana goi bei silovina.

Guinuwa 4:13

E tolovinayadi bogina sigitedi Pita be Iyoni madi katepatu be nakae siyagoi bego korotoyadi asa ana tokaiyakoyao be nakae tapwaroro goi geya sisikuruta gagaina, tauna nukotodi siwówana. Aiyuwoina sinuwopeye boi Yeisu taiyao sikaaiyaka.

Guinuwa 4:29

Ame tuta, Yauwe, ima kawanoi yaim bego tauyadi idi katumátala kunovedi, e kai im kukitogagēma bei itoboinema mama katepatu gagaina im vala katalavaite.

Guinuwa 4:36

E Livai tubuna tayamo guma Saipiro yoina Iyosepa go, vamoleyanayao siduduwe Banabasi. Moe ana kaigavila kada, ‘Tokipáiwala.’

Guinuwa 9:17

E tuwo Ananiyasiyana itaoya ina Yudasa ina vadayana goi isiu. Isiu, nimana ikailagasidi Saulo dabana ibisikone idigo kana, ‘Siyagu Saulo, Tomoyayana Yeisu enao goi iisowóduwo yaim ietunegu ama bei matam akidedevinedi be nakae ivakayaodeim.’

Guinuwa 9:29

Ago Diyuu tokanagiriki ilatuwokoidi Yeisu manuna go, taiyao sikaumakimaki. E tauyadi silosinapu bego Saulo sikaumate.

1 Korinta 15:8

E aba lukavava goi isowóduwo yau yaigu go, amalavamoléyana geya kidi ina vamoleyanayao madabokidi nakae geya. Go sem yau matabuwogu amalavamoléyana nakae vavina neta ina tuta venátuna nava go, tuwo ivatoopa.

1 Korinta 9:6

Go manakae? Banabasi be yau ametava geya kotabubulimeta, go sem itoboine toinima ima mani manuna kapaisewa ae?

Galetiya 2:13

Ago Kepasiyana ina pola kidi Diyuu nuumisaidi liliudi sigite, tuwo ina polayana goi sisiuko. Tauna idi polayana pasina Banabasi nakae isuláiga, e ivatotowonedi!

Galetiya 2:9

Tuwo kidi Yemesa, , tauyadi siduuduwedi tovakumgo toolagaidi, Yaubada ina kanuwóiya paisewa manuna sikinane bogina ivinigu. Tuwo ima paisewa sikamoitamoe, e mama nuwovavasa Banabasi be yau siseikaniyema bego kai kana Totuyoyowo yaidi Vala Dedevina katalavaite go, kidi itoboine sina tauyadi sakavaidi kuuponidi yaidi sitalavaite.