Guinuwa 9:24 - Buki Kimaasabaina

²⁴ Go tomota tayamo iyagoi, tuwo ina idi losinapuyana Saulo ilatuwoko. E Diyuu silosinapu ikavava, asa totomna maliyalina be sabamgo goi siyaausidi. Neta Saulo ipoikíkina isiya, itoboinedi siyoisi sikaumate.

Guinuwa 9:24 ပူးပေါင်းရင်းမြစ်များ

Guinuwa 20:19

Yau ida Tomoya ina magu nuwotokai be magu táiya be nakae magu mou akabiikaone. Mouyadi unana kidi Diyuu silosinapuyegu, e mouyadi sivinigu.

Guinuwa 20:3

Tukówana aito ikaaiyaka amoko. Ikavava, bego oga isowoya ina Siriya parovinsi go, livala inove Girisi parovinsi goi silosinapuye bego sikaumate. Tuwo inuwonúwana bei ikaluvilamna ina Mesadoniya goi namlieta ina Siriya. E nakae iguinuwe.

Guinuwa 23:30

E tomota tayamo ima ilatuwokoigu Diyuu silosinapu bego tauyana sikaumate, tuwo mainao ame korotoyana aetune iwo yaim bego ina kotu kuguinuwe. Aiyuwoina ana towowokanayao alovinaedi siwo matam goi korotoyana ina goyo sitalavaitedi kunovedi. Ame tauna.’

Guinuwa 25:11

Neta moitamo goyo tayamo aguinuwe go, goyoyana pasina itoboinegu akámasa, e dedevina, ámasa geya asiyaeyeta. Ago idi bobwarayadi siwoowokoigu geya aguinuwedita, tauna geya vatau tayaamo itoboine Diyuuyadi nimadi goi iyatoigu. Tauna akawanoi bego yau ana goi guna kotu Sisa inove!’

Guinuwa 25:3

nakae sikawanoi makimaki kadi, ‘Neta kukanuwoiyema ame nakae: Kulovina bego Paulo sietune ima Yerusalema goi kotu manuna.’ Moe latuwodi unana Diyuuyadi bogina silosinapu bego enao goi sitamumu, Pauloyana situyaosi, e bei ava tuta tovayaviya simememe, bei siyoisi sikaumate.

Guinuwa 9:25

Ego kidi Saulo ina tovatotowanayao sabamgo tayamo goi sivaite. Bayao gagaina sikabi sime tauyana isowoya go, asa ana kali gurewa yatana goi sikavalaoduwe, toluye goi sisailave isou isiya ina Yerusalema.

2 Korinta 11:32

Boi Yaubada guna neneta ivatulukoigu ame nakae: Boi tolovina Aretasi ina tuta goi tolovina tayamo sobuyekoina mana tovayaviyayao asa Damasiko goi siyausegu bego siyoisigu