Guinuwa 9:17 - Buki Kimaasabaina

¹⁷ E tuwo Ananiyasiyana itaoya ina Yudasa ina vadayana goi isiu. Isiu, nimana ikailagasidi Saulo dabana ibisikone idigo kana, ‘Siyagu Saulo, Tomoyayana Yeisu enao goi iisowóduwo yaim ietunegu ama bei matam akidedevinedi be nakae ivakayaodeim.’

Guinuwa 9:17 ပူးပေါင်းရင်းမြစ်များ

Aba Vatowo 45:4

E Iyosepa aiyuwoina ibobwaramna kana, ‘Segowo, kōbala kōma kikigu.’ Tuwo moitamo sibala sima kikina goi sitaoya go, tauyana idigo kana, ‘Yau ami gómana Iyosepa. Boi kokaigimonegu da Itipita yaidi!

Madiu 19:13

E tuwo tomota maniyedi natudiyao giyaidi simedi Yeisu yaina goi bego dabadi iyoisidi be manudi ikawanoi Yaubada yaina. E kai go ina tovatotowanayao kataoya tomotayadi kabowoidi kama, ‘Taabu kononōina Yeisu yaina.’

Maki 5:23

ikawanoi makimaki idigo kana, ‘Natugu vavina gómana giyaina giyakainava bei ikámasa. Neta kūma gomanayana dabana goi nimam kuyatōidi, kukidedevīne, e bei ma yawoina.’

Maki 6:5

Amoko goi tomota geya sinumiseta, tauna Yeisu geya itoboineyeta guinuwa toogagaidi badabadaidi iguinuwedi, go sem tokatówana adi taiyuwomo sima dabadi ibisikonedi ikidedevinedi.

Luke 1:41

Tutayana Elisabetayana Meri ina kauyagu inove, memeya gamona goi mana uyáwana imoya go, Baloma Kimaasabaina Elisabeta ivakayaodei.

Luke 1:67

Kina go gómana tamana Sakaraiyayana, Baloma Kimaasabaina ivakayaodei, tuwo Balomayana goi Yaubada ina nuwonúwana ikabivalevale, idigo kana,

Luke 1:76

E kom nakae, natugu. Kom bei Tokanayatanatoina ina tokabivalavala. Bei kuvakumgo kuna Yauwe ina kenao kuunai

Luke 15:30

E moe natumyana tomatagogoli yaidi goi im esaesa isikolakolave go, tutayana ima, im lovina goi bulumakau bonatunayana bobíbina siyoisi sikaumate ana káika manuna!”

Luke 15:32

E amo siyam. Boi ikámasa go, ame maa yawoina. Boi itagau go, bogina ababane, tauna itoboineda áika taguinuwe be tauyáwana.”’

Luke 2:11

Valayana moe sabamgo ame Devida ina kasa goi ami Toyava bogina ibíbina. Tauyana moe , ida Tomoya.

Guinuwa 10:36

ina guinuwa goi tomota itoboineda ida tuboina tababane. Ame Valayana ivatulukoida Yeisu moe tomota liliuda ida Tomoya.

Guinuwa 13:3

Tuwo . Ikavava, sietunedi sina.

Guinuwa 13:52

E kidi go Yeisu ina uyáwana be nakae Baloma Kimaasabaina sivakayaaodeidi.

Guinuwa 19:6

Sisayóyova ikavava, Paulo nimana dabadi goi ikailagasidi , e Baloma Kimaasabaina ima isiu tauyadi yaidi goi. Tutayana isiu, sivatowo ta kaníyana ta kaníyana goi sibobóbwara be nakae Yaubada ina livala sikabivalevale.

Guinuwa 2:4

Sitowotowo go, madabokidi ivakayaodeidi, tuwo sivatowo ta kaníyana be ta kaníyana goi sibobóbwara nakonakae Balomayana ikitogagedi.

Guinuwa 21:20

E livalayana sinove, Yaubada ina togaga ana sikamoitamoe go, Paulo silatuwoko kadi, ‘Siyama, bogina kugite aivina tausani Diyuu yaidi goi bogina sinumisa. Ago amo tauyadi nava madi salau sikabikaaonedoko.

Guinuwa 26:15

“Tomoya, kom avatau?” kaegu. “Yau Yeisu kom kuvakaaleyegu.

Guinuwa 4:31

Sikawanoi ikavava, vadayana goi siitugúguna itátava go, madabokidi Baloma Kimaasabaina ivakayaodeidi, e madi katepatu Yaubada ina vala nava sitaalavaite.

Guinuwa 6:6

Sikinavedi ikavava, simedi vamoleyanayaoyadi matadi goi sivagitakoidi go, vamoleyanayaoyadi madi kawanoi nimadi sikailagasidi korotoyadi ainima aiyuwo dabadi siyoisidi, e mani ana kaiguyau manuna sikawoidi.

Guinuwa 8:17

Pita be Iyoni sikawanoi ikavava, nimadi sikailagasidi tomotayadi dabadi sibisikonedi, e Baloma Kimaasabaina sibabane.

Guinuwa 9:18

Ibóbwara ikavava, mainao íyana lilidi nakae matana goi sisou, e igita dókana. Ikavava baige itaoya Ananiyasi taiyao sina Sauloyana .

Roma 15:7

Ame pasina tauna sedao kouyaonēdi nakae bogina iuyaonemi Yaubada ana taimámina manuna.

1 Korinta 15:47

Koroto vakuumgoina Yaubada poyapoya kaukauna goi imolului, tauna tauyana unana moe poyapoya. Koroto aiyuwoina yábana goi ima.

1 Korinta 15:8

E aba lukavava goi isowóduwo yau yaigu go, amalavamoléyana geya kidi ina vamoleyanayao madabokidi nakae geya. Go sem yau matabuwogu amalavamoléyana nakae vavina neta ina tuta venátuna nava go, tuwo ivatoopa.

1 Korinta 9:1

Manakae? Magu tagona aguuinuwe nakae latuwogu gea geya? U, magu tagona. Manakae? Yau tayamo gea geya? U, nakae. Manakae? Ida Tomoya Yeisu bogina agite gea geya? U, bogina agite. Manakae? Yau guna paisewa ida Tomoya yaina pasina Tauyana konumise gea geya? U, nakae.

1 Timoti 4:14

Boi Baloma Kimaasabaina im kaiguyau ivinim tutayana tomoyamoya nimadi sikailagasidi dabam goi Yaubada ina nuwonúwana kom manum sikabivalevale. E moe aiguyauyana taabu kukaligaagaīye.

1 Timoti 5:22

Neta koroto tayamo bego ietovakumgo, manukaim nimam kwailagasīdi korotoyana dabana goi kukimasābe bego tauyana Yeisu ana totugugunayao adi tovakumgo, govila bei tauyana mana goyo kukimasabe, e ina goyo kom kusiuko. Go toinim kurugwausīm im sinapu geya ana goyomo.

2 Timoti 1:6

Im numisayana pasina akavilevilem am kaiguyau manuna. Boi dabam abisikone namlieta Yaubada ina kaiguyau ivinim. Aiguyauyana kuepaaisēwe nakae yeu neta kukiyamoi, e inínima ivaiteda.

Pilemoni 1:16

Tutayana ikaluvilamna iwo bei ikaiyako vata yaim go, geya tuwaina im ida Tomoya taiyao pasina!

Iberiu 6:2

adi vatulúkwana, ada tovakumgoyao nimadi adi yata dabada goi, tokámasa idi taoyamna be nakae takínona vailai vaatayaina manuna. Moe vatulukwanayadi bogina konovedi tutayana kogiminumisa.

2 Pita 3:15

Konuwokavāte ida Tomoya ina mesayágana moe ada yava. Moe nakae ida kalo Paulo mana nanamsa ami leta goi igini. Ina nanamsayana moe Yaubada goi ima.