Guinuwa 9:15 - Buki Kimaasabaina

¹⁵ E kina Tomoyayana ilatuwoko idigo kana, ‘Kutāoya kūna unana ame tauyana bogina akinave yau guna kitom bei aepaisewe. Nava bei ina yaidi goi italavaitegu.

Guinuwa 9:15 ပူးပေါင်းရင်းမြစ်များ

Madiu 10:18

Go maniyemi bei sinavemi adi gavanayao be adi tolovinayao matadi goi siekotuyemi imi numisa yau yaigu pasina, bei tauyadi yaidi be nakae Totuyoyowo yaidi kotalavaite.

Iyoni 15:16

Boi komi geya kokinaveguta bego yau komi imi Tomoya, go sem yau akinavemi be avayokoimi komi yau guna tovatotowanayao. Avayokoimi bego komi kona kokéuwo go, keuwoimiyadi sikaiyako vata bego kaga yoigu goi kokawanoiye Tamada yaina, bei ivinimi.

Guinuwa 13:2

E tauyadi sisaakululu Tomoya yaina be nakae sidiiyakímwana go, ilatuwokoidi idigo kana, ‘Banabasi be Saulo kokimasabedi yau guna paisewa manuna; paisewayana bogina akawoidi.’

Guinuwa 21:19

E Paulo isiu ikauyagu tauyadi yaidi goi go, ivatowo ivatétala kaga liliuna ina paisewa goi Yaubada iguinuwedi Totuyoyowo yaidi.

Guinuwa 22:14

Tauyana kana, “Tubudao idi Yaubada bogina ikinavem bei ina nuwonúwana kuyagoi, kugite be nakae ina livala kunove.

Guinuwa 22:21

Go Tauyana idigo kana, “Yau avamoleyem kuna aduwanau yaidi, tauna, to kūna.”’

Guinuwa 25:22

E kina go Agiripayana idigo kana, ‘Yau nakae latuwogu korotoyana toinigu anove.’ Pesto idigo kana, ‘Dedevina, moitamo itomo bei tauyana kunove.’

Guinuwa 26:1

E kina go Agiripa itugavila Paulo ilatuwoko idigo kana, ‘Kom mam tagona bei toinim manum idi wowókana kulawoiwoiyedi.’ Tuwo Paulo itaoya nimana iyosale be ikatulagasi, e idi wowokanayadi ilawoiwoiyedi idigo kana,

Guinuwa 26:32

E kina go Agiripayana idigo kana, ‘Pesto, amo korotoyana neta geya ikawanoita bego ina goi, e itoboine ana talígava ibabane.’

Guinuwa 27:24

ilatuwokoigu idigo kana, “Paulo, taabu kuumatōita! Itoboine kom matana goi kutaoya. Go kunōve! Yaubada bogina itagona bego kom be nakae oga ana tosowoyayao liliudi taiyao bei iyavemi.”

Guinuwa 28:17

E maliyalina aito sikavava, koroto gagaidi yaidi goi iduduwedi sima. E tauyadi sima go, ilatuwokoidi idigo kana, ‘Segowo, yau boi Yerusalema goi geya tayaamo goyo aguinuwe ida bodao yaidi goi be nakae tubudao idi sinapu geya tayaamo akapipilave go, to tuwo Diyuu siyoisibesoigu, e sinavegu da Roma nimadi goi siyatoigu, yau deri ana tokaiyaka.

Guinuwa 28:28

E tauna latuwogu komi koyagoi bego Yaubada ina yava bogina ietune ina yaidi go, kidi moitamo bei sinove.’

Roma 1:1

E komi segowo goi, Yau Paulo leta ame agini iwo yaimi. Yau Tauyana goi ima manuna.’

Roma 1:5

Yeisuyana goi anuwóiya kababane o tadigo kada, ‘Ikawoima, e kai ina vamoleyanayao’ bego Tauyana yoina manuna kana liliudi yaidi Vala Dedevina katalavaite, e madi numisa sikabikaone.

Roma 11:13

E komi Totuyoyowo nuumisaimi alatuuwokoimi konōve. Yau Totuyoyowo asa liliudi yaidi goi, tauna yau guna kawoi Yaubada iivinigu akilagasi.

1 Korinta 15:10

Ego Yaubada ina kanuwóiya goi yau Yeisu ina vamoléyana tayamo. Go ina kanuwoiyayana yaigu goi ma basabasaina. Apoisógana gagaina go, guna poisoganayana goi Yeisu ina vamoleyanayao liliudi akalisavedi. Ago yau geya, go sem Yaubada ina kanuwóiya yaigu goi ipaaisewa.

1 Korinta 9:16

Neta Vala Dedevinayana ataalavaite, manuna geya itoboineguta auyawana gagágasa. Bogina koyagoi. Magu tasíkwana ataalavaite. Neta geya atalavaiteyeta, o guna toovalugo!

Galetiya 1:1

Komi Yaubada ana totugugunayao Galetiya dadavina goi, Yau Paulo be nakae Yaubada Tamada, Tauyana boi Yeisu tokámasa yaidi goi ikaitáoe, e ame Tauyadi sikawoigu bego yau idi vamoléyana. Yau nakae sedao liliudi taiyao kakaaiyaka ami leta ame kagini kaetune iwo yaimi.

Epeso 3:1

Moe Yaubada ina guinuwayadi liliudi pasidi akawanoi Tauyana yaina. Yau Paulo, nuumisaimi manumi.

1 Timoti 2:7

Kiyakiyayayana manuna Yaubada bogina ivayokoigu yau Yeisu ina totalavaita be ina adi tovatulúkwana. Ame abóbwara moitamo; geya apoleta. Go ida numisa ana vatulúkwana be Yaubada ana Nanamsa Mooitamoina avatulukoidi.

2 Timoti 1:11

Valayana manuna Yaubada ikawoigu bego yau valayana ana totalavaita, Yeisu ina vamoléyana be nakae valayana ana tovatulúkwana.

2 Timoti 2:4

Geya tayaamo tovayaviya bei asa sinapuna itagone isuveyali, go sem yaviya ina paisewa iguinuwedoko bego ana tolovina ivauyaone. Kom nakae geya tayaamo kaga kuutagōne Guyau Yeisu ina paisewa goi isuveeyalim.

Nuwogau 17:14

Amo tauyadi woiwoiyana taiyao bei sispwagógana go, sivayaviya . Moe pasina tauna tolovinayadi woiwoiyana taiyao bei itogagasavedi.’